شي جينپيڭ ۆيەتنامنىڭ زۇڭليى فان ميڭجىڭمەن كەزدەستى
2023.12.14 16:31 كەلۋ قاينارى : حالىق تورابى
سول جەر ۋاقىتى 12 - ايدىڭ 13 - كۇنى تۇستەن بۇرىن مەملەكەت ءتوراعاسى شي جينپيڭ حانويداعى ۇكىمەت تۇرعان جەردە ۆيەتنامنىڭ زۇڭليى فان ميڭجىڭمەن كەزدەستى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
«حالىق گازەتى»، 12 - ايدىڭ 13 - كۇنى، حانوي (تىلشىلەر ليۋ شاۋحۋا، جاڭ يۋاننان). سول جەر ۋاقىتى 12 - ايدىڭ 13 - كۇنى تۇستەن بۇرىن مەملەكەت ءتوراعاسى شي جينپيڭ حانويداعى ۇكىمەت تۇرعان جەردە ۆيەتنامنىڭ زۇڭليى فان ميڭجىڭمەن كەزدەستى.
شي جينپيڭ اۆتوموبيل اترەتى ۇكىمەت تۇرعان جەرگە كىرگەندە، ۆيەتنام جاستارى مەن ءار سالانىڭ نەشە جۇزدەگەن ۋاكىلى ەكى ەلدىڭ مەملەكەت تۋىن ۇستاپ، جولدىڭ ەكى جاعىندا تۇرىپ قىزۋ قارسى الدى.
شي جينپيڭ بىلاي دەپ اتاپ كورسەتتى: قازىر جۇڭگو - ۆيەتنام قارىم - قاتىناسى ۇزدىكسىز جاقسارۋدا. كەشە باس شۋجي رۋان فۋجۇڭمەن بىرگە ەكى جاقتىڭ نەشە ونداعان سەلبەستىك قۇجاتىنا قول قويىسۋىنا كۋا بولدىم، بۇل ەكى پارتيانىڭ، ەكى ەلدىڭ سەلبەستىگىنىڭ ءار جاعىن قامتىپ، جۇڭگو - ۆيەتنام قارىم - قاتىناسىنىڭ كەڭدىگى مەن تەرەڭدىگىن تولىق ءتۇسىندىردى. جۇڭگو مەن ۆيەتنامنىڭ مۇرات - سەنىمى ۇقساس، بولاشاعى مەن تاعدىرى بىردەي. مەن باس شۋجي رۋان فۋجۇڭمەن بىرگە ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋدى جاريالاپ، جاڭا داۋىردەگى جۇڭگو - ۆيەتنام قارىم - قاتىناسىنىڭ جاڭا پاراعىن اشتىم، مۇنىڭ ەكى ەل حالىقتارىنا اناعۇرلىم زور ىرىس – قۇت اكەلەتىنىنە، ءوڭىردىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا بەلسەندى ۇلەس قوساتىنىنا سەنەمىن.
شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ دۇنيە جۇزىندەگى ءار ەلگە بۇرىن - سوڭدى بولماعان وراي اكەلدى، ۆيەتنامنىڭ ونەركاسىپتەنۋدى، وسىزاماندانۋدى جەدەل ىلگەرىلەتۋىنە دەم بەرەدى. جۇڭگو مەن ۆيەتنامنىڭ ەكونوميكالىق ءوزارا تولىقتاۋ سيپاتى كۇشتى، ەكونوميكالىق بايلانىسى تىعىز. ەكى جاق ءبىر بەلدەۋ، ءبىر جولدى“ بىرگە قۇرۋ باستاماسىن ”ەكى ءدالىز، ءبىر شەڭبەر“ ستراتەگياسىمەن ۇشتاستىرۋ سەلبەستىك جوبا باعدارلاماسىنا قول قويىپ، ەكى ەلدىڭ ناقتى سەلبەستىكتى كەڭەيتۋىنە تىڭ ءورىس اشتى. جۇڭگو جاق ۆيەتنامنىڭ ساپالى ونىمدەرىن يمپورت ەتۋدى كەڭەيتىپ، ۆيەتنامنىڭ كاسىپ تىزبەگىمەن، قامداۋ تىزبەگىمەن بايلانىستى جيىلەتىپ، ۇلاستىرۋ - تۇتاستىرۋ قۇرىلىسىن كۇشەيتىپ، جاڭا ەنەرگيا، سيفرلى ەكونوميكا سياقتى جاڭادان گۇلدەنگەن سالالارداعى سەلبەستىكتى كەڭەيتۋدى قالايدى.
شي جينپيڭ بىلاي دەپ دارىپتەدى: سوتسياليزم كەمەسىندە جۇڭگو مەن ۆيەتنام تار جول، تايعاق كەشۋلەردەن بىرگە ءوتۋى كەرەك. ەكى جاقتىڭ پارتيانى يدەيالىق جاقتان قۇرۋ، پارتيانى نازاريالىق جاقتان كۇشەيتۋ جونىندە اۋىس - كۇيىستى كۇشەيتىپ، پارتيانى جونگە سالۋ، ەل باسقارۋ تاجىريبەلەرىنەن تەڭ يگىلىكتەنۋىنە بولادى. ەكى جاق گۋمانيتارلىق اۋىس - كۇيىس پەن سەلبەستىكتى كەڭەيتىپ، حالىقتىڭ دوستىق سۇيىسپەنشىلىگىن ارتتىرىپ، ەكى ەل جاستارىنىڭ جۇڭگو - ۆيەتنام دوستىعىنىڭ كۇش جالعاۋ تاياقشاسىن ەرتەرەك تاپسىرىپ الۋىنا مۇمكىندىك جاساۋى كەرەك. جۇڭگونىڭ رەفورما جاساپ، ەسىك اشۋى مەن ۆيەتنامنىڭ جاڭالىق اشىپ، ەسىك اشۋدا قول جەتكىزگەن وراسان زور تابىستارى − ءارى ءوزىنىڭ قۇلشىنا كۇرەس جۇرگىزۋىنىڭ ناتيجەسى، ءارى بەيبىت، تىنىش دۇنيە ءجۇزىنىڭ، اسىرەسە، اشىق، سيىسىمدى ازيا - تىنىق مۇحيت ءوڭىرىنىڭ ارقاسى. ەكى جاق ازيا - تىنىق مۇحيت ءوڭىرىن بىلىقتىراتىن ءارقانداي قاسكۇنەمدىكتەن قىراعى بولىپ جانە وعان قارسى تۇرىپ، حالىقارالىق ىستەردى سايكەستىرۋ مەن ۇشتاستىرۋدى كۇشەيتىپ، تاماشا سىرتقى ورتانى بىرگە قورعاۋى كەرەك.
فان ميڭجىڭ ۆيەتنام ۇكىمەتى اتىنان ءتوراعا شي جينپيڭنىڭ ساپارلاي كەلگەنىن قىزۋ قارسى الىپ، مىنالاردى ءبىلدىردى: ۆيەتنام مەن جۇڭگونىڭ مۇراتى ۇقساس، جولى ۇقساس، ءتوراعا شي جينپيڭنىڭ ءار رەتكى ساپارى مەن جاريالاعان ماڭىزدى پايىمداۋلارى ۆيەتنامنىڭ يدەيالىق مۇراتتاستىعىن، سەزىمدىك مۇراتتاستىعىن تەرەڭدەتىپ، ەكى ەلدىڭ دوستىعى مەن ءوزارا سەنىمدىلىگىن تەرەڭدەتىپ، ەكى ەلدىڭ ءتىتپى دە جاقىنداسۋىنا، ءتىپتى دە جاقسى وتۋىنە مۇمكىندىك جاساپ وتىردى. كەشە باس شۋجي رۋان فۋجۇڭ مەن باس شۋجي شي جينپيڭ ستراتەگيالىق تۇرعىدان ۆيەتنام - جۇڭگو تاعدىرلاس ورتاق تۇلعاسىن قۇرۋدىڭ جاڭا ورنىن تۇراقتاندىردى، بۇل − ەكى پارتيا، ەكى ەل قارىم - قاتىناسىنداعى كەلەلى تاريحي بەلەس، ۆيەتنام – جۇڭگو قارىم - قاتىناسىنىڭ بولاشاعىنا ايقىن باعدار كورسەتىپ، تىڭ قوزعاۋشى كۇش قوستى. ۆيەتنام جاق شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ”ەكىنى ۇشتاستىرۋ“ جاعىندا قول جەتكىزگەن تاريحي جەتىستىكتەرىنە سۇيىنەدى، جۇڭگونىڭ رەفورما جاساپ، ەسىك اشۋىنىڭ شيۇڭ - ان جاڭا رايونى مەن حاينان ەركىن ساۋدا پورتى قۇرىلىسى سياقتى جاقتاردى قامتىعان وراسان زور ىلگەرىلەۋشىلىكتەرىنە سۇيىنەدى، ۇزدىكسىز ۇيرەنۋدى، ۇلگى الۋدى قالايدى. مەن ءتوراعا شي جينپيڭنىڭ ۆيەتنام اقپارات قۇرالىندا جاريالاعان ماقالاسىنداعى ماڭىزدى كوزقاراسىن بۇكىلدەي قۇپتايمىن. ۆيەتنام – جۇڭگو قارىم - قاتىناسىن ۇزدىكسىز كۇشەيتۋ − ۆيەتنام پارتياسى مەن ۇكىمەتىنىڭ ماڭداي الدى ءىسى جانە ستراتەگيالىق تالعامى، سونداي - اق ۆيەتنامنىڭ كۇشتى تىلەگى. ۆيەتنام جاق ءبىر جۇڭگو ساياساتىندا تاباندى بولادى، جۇڭگونىڭ ۇزدىكسىز دامىپ، قۇدىرەتتەنۋىن، حالىقارالىق ىستەردە اناعۇرلىم ماڭىزدى رول اتقارۋىن قولدايدى، ءتوراعا شي جينپيڭ العا قويعان جەلىلەس دۇنيە جۇزىلىك باستامالاردى قولدايدى، ەكى پارتيانىڭ باس شۋجيلەرىنىڭ ماڭىزدى ورتاق تانىمىن شىنايى دايەكتىلەندىرىپ، ”التى اناعۇرلىم“ نىساناسى بويىنشا، جوعارى جىكتەگىلەردىڭ ءجيى بارىس - كەلىسىن جالعاستىرىپ، ەكونوميكا - ساۋدا، جەرگىلىكتى ورىندار، حالىقتىق بايلانىس، قورعانىس ىستەرى، حاۋىپسىزدىك سياقتى جاقتارداعى سەلبەستىكتى جاپپاي كۇشەيتەدى، كوپ جاقتى سەلبەستىكتى كۇشەيتىپ، ساياسي سەنىمدىلىكتى ۇزدىكسىز تەرەڭدەتىپ، ۆيەتنام مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ مازمۇنىن بايىتادى. ۆيەتنام - جۇڭگو قارىم - قاتىناسى ۋاقىت پەن تاريحتىڭ سىنىنان ءوتتى، ءارقانداي سىرتقى كۇشتىڭ اراعا ىرتكى سالۋىنىڭ، كەدەرگىلىك جاساۋىنىڭ ىقپالىنا ۇشىرامايدى. ۆيەتنام مەن جۇڭگونىڭ تاعدىرلاس ورتاق تۇلعا قۇرۋى ەكى ەل حالىقتارىنا باقىت جاراتاتىنىنا، سونداي - اق ءوڭىردىڭ بەيبىتشىلىگىنە، ورنىقتىلىعىنا جانە گۇلدەنۋىنە ۇلەس قوساتىنىنا سەنەمىن.
ساي چي، ۋاڭ ي، ۋاڭ شياۋحۇڭ قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
