شي جينپيڭ ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەزدەستى
2023.12.14 16:32 كەلۋ قاينارى : حالىق تورابى
سول جەر ۋاقىتى 12 - ايدىڭ 13 - كۇنى تۇستەن بۇرىن مەملەكەت ءتوراعاسى شي جينپيڭ حانويدا ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەزدەستى. سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن
«حالىق گازەتى»، 12 - ايدىڭ 13 - كۇنى، حانوي (تىلشىلەر باي يۋانچي، جاڭ جينرو). سول جەر ۋاقىتى 12 - ايدىڭ 13 - كۇنى تۇستەن بۇرىن مەملەكەت ءتوراعاسى شي جينپيڭ حانويدا ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەزدەستى.
شي جينپيڭ پارلامەنت سارايىنا بارعاندا، ۋاڭ تيڭحۇي مەن ۆيەتنامنىڭ ءار سالا ۋاكىلدەرىنىڭ قىزۋ قارسى الۋىنا يە بولدى.
شي جينپيڭ بىلاي دەپ اتاپ كورسەتتى: جۇڭگو مەن ۆيەتنامنىڭ ساياسي ءتۇزىمى ۇقساس، مۇرات - سەنىمى ۇقساس، بولاشاعى مەن تاعدىرى قاتىستى، ەكى جاقتى قارىم - قاتىناس ءوز پارتيالارى مەن ەلدەرىنىڭ سىرتقى قارىم - قاتىناسىندا ەرەكشە ورىن الادى. ديپلوماتيالىق قارىم - قاتىناس ورناتقان 73 جىلدان بەرى جۇڭگو مەن ۆيەتنامنىڭ ءداستۇرلى دوستىعى مەملەكەتتىڭ تاۋەلسىزدىگى مەن ۇلت ازاتتىعى ىستەرىنىڭ ءوزارا قولداۋى مەن كومەگىندە جوعارىلاپ، ەكى جاقتىڭ سوتسياليستىك قۇرىلىستى ىلگەرىلەتۋدەگى جالپى بەتتىك ستراتەگيالىق سەلبەستىگى بارىسىندا تەرەڭدەدى. بيىل − جۇڭگو مەن ۆيەتنامنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناس ورناتقانىنىڭ 15 جىلدىعى. كەشە باس شۋجي رۋان فۋجۇڭ ەكەۋىمىز ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋدى بىرگە جاريالاپ، سىرتقى دۇنيەگە جۇڭگو، ۆيەتنام سىندى ەكى سوتسياليستىك مەملەكەتتىڭ ىنتىماق، دوستىققا، قول ۇستاسا دامۋعا كۇش سالۋىنىڭ بەلسەندى سيگنالىن تاراتتىق.
شي جينپيڭ بىلاي دەپ دارىپتەدى: جاڭا جاعدايدا ەكى جاق جۇڭگو - ۆيەتنام قارىم - قاتىناسىنا ستراتەگيالىق دەڭگەيدەن جانە ۇزاق بولاشاقتىق تۇرعىدان ۇزدىكسىز مامىلە جاساپ، دوستىق سەلبەستىك جولىمەن تاباندىلىقپەن العا باسۋى كەرەك.
ءبىرىنشى، ەكى جاقتى قارىم – قاتىناسقا ويداعىداي جەتەكشىلىك ەتۋ كەرەك. جۇڭگو مەن ۆيەتنام قارىم - قاتىناسىنىڭ دامۋىنداعى تاماشا ءداستۇردى، تاماشا ءادىستى مۇقيات قورىتىندىلاپ، جوعارى جىكتەگىلەردىڭ ستراتەگيالىق تىلدەسۋىن كۇشەيتىپ، پارتيانى، مەملەكەتتى جونگە سالۋ تاجىريبەلەرىن اۋىستىرۋدى جيىلەتىپ، سوتسياليستىك قۇرىلىستىڭ نازارياسى مەن امالياتىن بايىتۋ جونىندە ىزدەنىس جاساپ، ەكى جاقتىڭ ورتاق ستراتەگيالىق مۇددەسىن قورعاپ، ەكى جاقتى قارىم - قاتىناستىڭ باستان - اياق دۇرىس ارنامەن العا باسۋىنا كەپىلدىك ەتۋ كەرەك.
ەكىنشى، ناقتى سەلبەستىكتى ويداعىداي ىلگەرىلەتۋ كەرەك. جۇڭگو مەن ۆيەتنام رەفورما مەن دامۋدىڭ شەشۋشى كەزەڭىندە تۇر، ءوزارا ءتيىمدى سەلبەستىكتى ورىستەتۋدىڭ تۋما ابزالدىعى دا، رەال قاجەتى دە بار. ەكى جاق وسى رەتكى ساپاردىڭ جەتىستىكتەرىن ويداعىداي تياناقتاندىرىپ، ۇلاستىرۋ - تۇتاستىرۋ، كاسىپ تىزبەگى مەن قامداۋ تىزبەگى، جاسىل ەكونوميكا سياقتى سالالارداعى سەلبەستىكتى كۇشەيتىپ، ەكى ەل حالىقتارىنىڭ تابىس سەزىمىن جوعارىلاتۋى كەرەك.
ءۇشىنشى، ماسەلەنى، الاۋىزدىقتى ويداعىداي مەڭگەرۋ كەرەك. ەكى پارتيانىڭ، ەكى ەلدىڭ جوعارى جىكتەگىلەرىنىڭ تانىمى مەن تىلەگىن ءىس جۇزىندىك ارەكەتكە اينالدىرۋ، سونداي - اق سەلبەستىكتى ءبىر - بىرىنە قايشى كەلمەستەي ىلگەرىلەتۋ جانە الاۋىزدىقتاردى تىزگىندەۋ، تەڭىزدەگى سەلبەستىكتى، اسىرەسە، بىرگە اشۋدى ورنىقتى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو مەملەكەتتىك حالىق قۇرىلتايى مەن ۆيەتنام پارلامەنتى تاماشا بارىس - كەلىستى جالعاستىرىپ، ءار دارەجەلى اۋىس - كۇيىس، سەلبەستىك ۇزدىكسىز كۇشەيدى. ەكى ەلدىڭ زاڭ شىعارۋ قۇرىلىمدارىنىڭ اۋىس - كۇيىستى، سەلبەستىكتى ۇزدىكسىز تەرەڭدەتىپ، زاڭ شىعارۋدى باقىلاۋ جاعىنداعى پايدالى تاجىريبەلەردەن ءوزارا ۇلگى الىپ، ەكى ەل حالىقتارىنىڭ كوڭىلىن توعىستىرۋعا ءتيىمدى قىزمەتتەردى كوبىرەك ىستەپ، وزدەرىنىڭ وسىزاماندانعان جونگە سالۋ جۇيەسى مەن قابىلەتىن كەمەلدەندىرۋگە، جۇڭگو - ۆيەتنام تاعدىرلاس ورتاق تۇلعاسىنىڭ حالىق رايى نەگىزىن بەكەمدەۋگە بەلسەندى ۇلەس قوسۋىن ءۇمىت ەتەمىن.
ۋاڭ تيڭحۇي ۆيەتنام حالقى اتىنان باس شۋجي، مەملەكەت ءتوراعاسى شي جينپيڭنىڭ ۆيەتنامدا مەملەكەتتىك ساپاردا بولعانىن قىزۋ قارسى الىپ، مىنالاردى ءبىلدىردى: باس شۋجي، مەملەكەت ءتوراعاسى شي جينپيڭنىڭ بۇل رەتكى ساپارى − ج ك پ 20 - قۇرىلتايى جەڭىسپەن اشىلعاننان كەيىنگى جۇڭگو پارتياسى مەن مەملەكەتىنىڭ ەڭ جوعارى باسشىسىنىڭ ۆيەتنامعا ساپارى، ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ 15 جىلدىعىنا تۇسپا – تۇس كەلىپ وتىر. كەشە باس شۋجي رۋان فۋجۇڭ باس شۋجي شي جينپيڭمەن بىرگە ەكى پارتيانىڭ، ەكى ەلدىڭ قارىم - قاتىناسىنىڭ جاڭا ورنىن جوعارىلاتىپ، ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن بىرگە قۇرۋعا ماقۇل بولدى، بۇل اعا بۋىن باسشىلار جاساسقان ”ۆيەتنام - جۇڭگو دوستىعى تەرەڭ، جولداس ۇستىنە باۋىرلاس بولۋ“ ەرەكشە دوستىعىنا مۇراگەرلىك ەتكەندىك جانە ونى ساۋلەلەندىرگەندىك، ەكى ەل قارىم - قاتىناسىنىڭ ورنىقتى، باياندى دامۋىنا جەتەكشىلىك ەتىپ، اناعۇرلىم جارقىن بولاشاق اشاتىنى داۋسىز. ۆيەتنام جاق جۇڭگو كوممۋنيستىك پارتياسىنىڭ بيلىك جۇرگىزۋ ۇستانىمىن ايرىقشا قۇپتايدى، جۇڭگونىڭ قول جەتكىزگەن ۇلى جەتىستىكتەرىن شىن جۇرەكتەن قۇتتىقتايدى، جۇڭگونىڭ جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسىن، ءسوز جوق، ۋاعىندا جۇزەگە اسىراتىنىنا، جۇڭگو كوممۋنيستىك پارتياسى مەن جۇڭگونىڭ دۇنيە جۇزىندەگى جاۋاپكەرلىك ارقالايتىن ءىرى پارتيا، ءىرى ەل رەتىندە، دۇنيە ءجۇزىنىڭ بەيبىتشىلىگى مەن دامۋىن جەبەۋگە اناعۇرلىم زور ۇلەس قوساتىنىنا كامىل سەنەدى. ۆيەتنام پارلامەنتىنىڭ جۇڭگو مەملەكەتتىك حالىق قۇرىلتايىمەن قارىم - قاتىناسى − ۆيەتنام مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ماڭىزدى قۇرامداس بولەگى. ۆيەتنام پارلامەنتى ەكى پارتيانىڭ باس شۋجيلەرىنىڭ ماڭىزدى ورتاق تانىمىن مۇقيات تياناقتاندىرىپ، جۇڭگو مەملەكەتتىك حالىق قۇرىلتايىمەن دەموكراتيا، زاڭمەن جونگە سالۋ، شىرىكتەسۋگە قارسى تۇرۋ سياقتى جاقتارداعى اۋىس ـ كۇيىستى، سەلبەستىكتى كۇشەيتىپ، ءار سالانىڭ ورتاق تانىمىن ونان ارى ۇيىستىرىپ، ەكى ەلدىڭ ءداستۇرلى دوستىعى مەن ستراتەگيالىق ءوزارا سەنىمدىلىگىن بەكەمدەپ، ۆيەتنام مەن جۇڭگونىڭ تاعدىرلاس ورتاق تۇلعاسىن قۇرۋى ءۇشىن حالىق رايى نەگىزىن بەكەمدەيدى.
ساي چي، ۋاڭ ي، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
