جياڭسۋ جيڭجياڭ قالاسى بولەك ىستەرىن ىقشامداپ، ساپالىلاندىردى _
قىزمەت جاۋاپكەرلىگىن ايقىنداپ، قىزمەتتىڭ ساپاسىن جوعارىلاتىپ، ونىمدىلىگىن ارتتىردى (فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ)
«حالىق گازەتىنىڭ» ءتىلشىسى ۋاڭ حانچاۋ
2024.01.29 16:16 كەلۋ قاينارى : حالىق تورابى
جياڭسۋ ولكەسى جيڭجياڭ قالاسى بينجياڭ جاڭا رايونىندا ءبىر ءبولىم كونە شاعىن رايونداعى تۇرعىنداردىڭ ليفت ورناتۋ تالابى وتە جوعارى بولدى. ”الايدا ليفت ورناتۋ تومەن قاباتتاعى تۇرعىنداردىڭ اۋا الماسۋىنا، جارىق قابىلداۋىنا بەلگىلى ىقپال جاسايدى، جوعارى - تومەن قاباتتاعى تۇرعىندار اراسىندا قايشىلىق وڭاي تۋىلادى“. بينجياڭ جاڭا رايونى كاڭياڭ الەۋمەتتىك اۋماعىنىڭ بولەك قىزمەتكەرى چۋ حۇڭشيا بىلاي دەدى: ءىس جۇزىندىك قىزمەت بارىسىندا ليفت ورناتۋ تەكسەرىپ بەكىتۋ، جوبالاۋ سياقتى ىستەرگە سايادى، سونداي - اق ءار جاقتىڭ تالاپ - تىلەگىنە دە نازار اۋدارۋ كەرەك، بولەك قىزمەتكەرلەرى ماسەلەنى ۇزدىكسىز اڭىس ەتىپ، دانەكەرلىك رولىن جاقسى ساۋلەلەندىردى، ”ەگەر مىندەت ايقىن بولماسا، قىزمەت كۇردەلى، تومەن ءونىمدى بولادى، سونىمەن بۇقارانىڭ بولەك قىزمەتكەرلەرىنە دەگەن سەنىمىنە وڭاي سىزات تۇسەدى“.
”بولەكتىڭ رولىن ويداعىداي ساۋلەلەندىرۋ كەرەك، شەكسىز كەڭەيتۋگە بولمايدى“. جيڭجياڭ قالالىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى شى جيتاۋ مىنانى ءبىلدىردى: ”بولەكتىڭ ىستەرىن جان - جاقتى سارالاپ، باسى ارتىق ىستەردى ىقشامداۋ كەرەك، بولەك قىزمەتكەرلەرىنىڭ قابىلەتى مەن قىزمەت جاۋاپكەرلىگىنە سايكەسەتىن قاجەتتى ىستەردى ساقتاپ قالۋ كەرەك“.
2023 - جىلدان باستاپ جيڭجياڭ قالاسىنىڭ وڭىرلىك قوعامدىق جونگە سالۋدى وسىزامانداندىرۋ جالپىلىق قولباسشىلىق ورتالىعىنىڭ قىزمەتكەرلەرى بولەكتەرگە ءتۇسىپ اڭگىمە وتكىزىپ، ارالاپ جاعداي ۇعىسىپ، ءبىر جاعىنان، بولەك قىزمەتكەرلەرىنىڭ بايانداۋىن تىڭداپ، ەندى ءبىر جاعىنان، بۇقارانىڭ اڭىسىن ۇعىسىپ، بولەك ىستەرىنىڭ اينالىم ساپاسى مەن ونىمدىلىگىن جانە قاجەتتىلىگىن تولىق باعالادى.
وسى رەتكى اۋىرتپالىقتى جەڭىلدەتۋ بارىسىندا جيڭجياڭ قالاسى بولەك قىزمەتكەرلەرىنىڭ قابىلەت كولەمىنەن اسىپ كەتكەن ىستەردى كۇشىنەن قالدىردى، مىسالى، مۇناي، تابيعي گاز جەتكىزۋ قۇبىرىنىڭ جانە ونىڭ توڭىرەگىندەگى قۇرىلىس نىساندارىنىڭ حاۋىپسىزدىك كومەسكى قاتەرىن تەكسەرۋ، گەولوگيالىق اپات وڭاي تۋىلاتىن كومەسكى حاۋىپ تۇيىندەرىن شارلاپ تەكسەرۋ قاتارلىلار؛ كەيبىر كاسىپتىك سيپاتى كۇشتى ىستەردى رەتتەۋ تالابىنا قاراتا، مىسالى، ليفت سياقتى ەرەكشە جابدىقتاردىڭ كومەسكى قاتەرىن مەرزىم بويىنشا تەكسەرۋ سياقتى ىستەردى كۇندەلىكتى ارالاپ تەكسەرۋ بارىسىندا جابدىقتاردىڭ ءبۇلىنۋى، توسىلىپ قالۋى سياقتى كورنەكتى حاۋىپسىزدىك ماسەلەلەرىن جوعارىعا مالىمدەۋگە وزگەرتتى.
جيشى قالاشىعى شيجيە الەۋمەتتىك اۋماعىنىڭ بولەك قىزمەتكەرى سۋ حۇڭ بىلاي دەدى: ”قازىر بولەك ىستەرى ىقشامدالدى، ءبىز نەگىزدىك ينفورماتسيا جيناۋ، قورعاۋ، قوعام جاعدايى، حالىق رايى مالىمەتىن جيناۋ سياقتى قىزمەتتەرمەن اناعۇرلىم دەن قويا شۇعىلدانا الاتىن بولدىق، قايراتىمىز دا اناعۇرلىم تاسقىنداي ءتۇستى“.
سارالاۋ، ساپالىلاندىرۋ ارقىلى بولەكتەردى جونگە سالۋدىڭ مىندەتى اناعۇرلىم ايقىندالىپ، بولەك قىزمەتكەرلەرىنىڭ نەگىزگى جاۋاپكەرلىگى، نەگىزگى كاسىبى اناعۇرلىم ايقىندالدى.
جيڭجياڭ قالاسىنىڭ بولەك قىزمەت ىستەرى تىزىمدىگىندە بۇرىنعى 7 ۇلكەن مىندەت 10 ۇلكەن تۇردەگى 23 شاعىن ءتۇر، 84 ناقتى ءىس 7 ءتۇر 24 ناقتى ىسكە ىقشامدالدى. بولەك قىزمەتكەرلەرىنىڭ قىزمەت ءتۇيىنى ينفورماتسيا جيناۋ، تۇرعىنداردى ارالاۋ، كومەسكى قاتەرلەردى تەكسەرۋ، حالىق تىلەگىن جيناۋ سياقتى جاقتاردا ورىستەتىلەتىن بولدى.
”بارلىق ءىستى تور قىزمەتكەرلەرىنە عانا سۇيەنىپ ءبىر جاقتى ەتۋگە بولمايدى. ەندىگى جەردە اۋىرتپالىقتى جەڭىلدەتۋمەن بىرگە، قۋاتتى ارتتىرىپ، بايلىق فاكتورلارىن بولەكتەرگە شوعىرلاندىرۋ كەرەك“ دەپ تانىستىردى جيڭجياڭ قالالىق پارتكوم ساياسي - زاڭ كوميتەتىنىڭ ورىنباسار شۋجيى ۋ جىجۇن.
بولەك قىزمەتكەرلەرىنىڭ استارىندا ءىرى ساندى مالىمەتتەردى قولدايتىن سيفرلى بولەك قالىپتاسۋدا. 2023 - جىلى جيڭجياڭ قالاسى سيفرلى اقىل - پاراسات ارقىلى كۇش – قۋات ۇستەپ، ساندى مالىمەتتەردى ساقتاۋ جانە تالداۋ جاساۋ، ەسەپتەۋ سياقتى 5 ۇلكەن تۇعىردى قۇرىپ، جيىنى 100 ميلليوننان استام ساندى مالىمەتپەن ۇشتاستىرىپ، 12345 اكىمشىلىك ىستەر ارناۋلى لەنياسىن، سيفرلى قالا باسقارۋدى، اۋىل - قالاشىق تۇعىرىن توعىستىرا اشىپ، تۇرلىشە جۇيەلەر اراسىندا ءوزارا قاعاز جىبەرىپ، بىرلەسىپ ءبىر جاقتى ەتتى. سونىمەن بىرگە، قاتىستى تاراۋلاردىڭ كۇشىن شوعىرلاندىرىپ، قوعامدىق كۇشتەردى بولەككە تۇسىرۋگە جۇمىلدىرىپ، ساقشى ىستەرى، ارىز - ارمان، ايەلدەر بىرلەستىگى سياقتى تاراۋلاردىڭ قىزمەتكەرلەرى، سونداي - اق ەرىكتىلەر سياقتىلاردى بولەككە دالمە - ءدال سەپتەدى.
”ۇقىق شەگى قابىلەتىنەن تىسقارى ماسەلەلەر جونىندە بولەك قىزمەتكەرى ماسەلەنى ساندى مالىمەت تۇعىرى ارقىلى جوعارىعا مالىمدەپ، تۇعىر ارقىلى فۋنكتسيالىق تاراۋلارعا دالمە - ءدال جەتكىزەدى“. جيڭجياڭ قالاسى جيڭچىڭ ءمالى باسقارماسى حۇڭشيڭ الەۋمەتتىك اۋماعىنىڭ بولەك قىزمەتكەرى ليۋ ماۋحۇڭ بىلاي دەدى: مىسالى، بۇقارا كوڭىل ءبولىپ وتىرعان ءورت ءسوندىرۋ، ورتتەن ساقتانۋ حاۋىپسىزدىگى ماسەلەسى قازىر تۇعىردان پايدالانىپ ”ساقشى تورىنىڭ ىقپالداستىعى“ ارقىلى شەشىلەتىن بولدى.
”اماليات بولەكتەردىڭ ۇلكەن بولماعانىمەن، جۇيەلى بولسا، جاقسى بولاتىنىن دالەلدەدى، مۇنداعى شەشۋشى ءتۇيىن مولشەرىن ازايتىپ، ساپاسىن جوعارىلاتۋ، اۋىرتپالىقتى جەڭىلدەتىپ، قۋات ۇستەۋ ارقىلى بولەك قىزمەتكەرلەرى قوسىنىنىڭ نەگىزگى ساتىنى جونگە سالۋدا اناعۇرلىم زور رول اتقارۋىنا مۇمكىندىك جاساۋدا“ دەدى شى جيتاۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
