حىبەي جىڭديڭ اۋدانى تايۋانجۋاڭ قىستاعىنىڭ تۇرعىندارى _
”قىستاعىمىزدىڭ ەگىس الاڭى بارعان سايىن زەيىندەنە ءتۇستى“ (كوكتەم مەرەكەسىندە نەگىزگى ساتىعا بارۋ)
«حالىق گازەتىنىڭ» ءتىلشىسى جاڭ جىفىڭ
2024.01.29 16:18 كەلۋ قاينارى : حالىق تورابى
تاڭەرتەڭگى ساعات 7 جارىمدا حىبەي ولكەسى شىجياجۋاڭ قالاسى جىڭديڭ اۋدانى تايۋانجۋاڭ قىستاعىنىڭ تۇرعىنى تاڭ شيۋيىڭ بۇرىنعىداي توڭىرەگىن جيىستىرىپ، 10 مينۋت جاياۋ ءجۇرىپ، تايۋانجۋاڭ تۇڭفۋ اۋىل - قىستاقتى گۇلدەندىرۋدەن ۇلگى كورسەتۋ باقشاسى زەردەلى ەگىس الاڭىنا كەلىپ جۇمىسقا شىقتى.
اق حالات كيىپ، جىلىجايدىڭ پەردەسىن اشتى، اينالا كوزدىڭ جاۋىن الادى. ”بۇل − ’وسىمدىك زاۆودى‘، كوكونىس ەگۋگە توپىراقتىڭ قاجەتى جوق، تىڭايتقىشتى سۋعا سالساڭىز، كوكونىس ءوسىپ – جەتىلە بەرەدى!“ تاڭ شيۋيىڭنىڭ بۇل ارادا كوكونىس ەككەنىنە 3 جىلدان استى، سۋدا وسىرىلەتىن كوكونىستەرگە ابدەن قانىق.
2020 - جىلى 8 - ايدا تايۋانجۋاڭ قىستاعى وسى زەردەلى ەگىس الاڭىن قۇردى، تاڭ شيۋيىڭ بوس وتىرا الماي، جۇمىس ىستەدى، ايىنا 3000 يۋان كىرىس كىرگىزەدى، قىستاق ءار جىلى تاعى پايدا بولىسەدى. ”جازدا ىسىپ كەتپەيدى، قىستا سۋىپ كەتپەيدى، جۇمىس ىستەگەندە ۇزاق ۋاقىت ەڭكەيۋدىڭ قاجەتى جوق، جۇمىس بۇرىنعىدان كوپ جەڭىل“.
ىشكە قاراي جۇرگەندە تۇمانداتىپ ەگۋ رايونى، قاتار - قاتار اس سۇتتىگەن، بالدىركوك جاپ – جاسىل بولىپ جايقالا وسكەن. ”مىنا جاقتا كوكونىس ەكسەك تە، توپىراقتىڭ قاجەتى جوق، سۋ مەن تىڭايتقىشتى تامىرعا بۇركسەك بولعانى، ەككەن كوكونىستىڭ ءدامى وتە جاقسى“. تاڭ شيۋيىڭ بىرنەشە تال كوكونىس جاپىراعىن الىپ تاتىپ كورۋىمە بەردى، ءدامدى ەكەن.
”بۇرىن اۋا رايىنا قاراي ەگىن ەگەتىنبىز، قازىر تەحنيكتەردەن ۇيرەنەمىز، بۇل اراداعى جاستار جۇمىسقا ىنتالى، قىستاعىمىزدىڭ ەگىس الاڭى بارعان سايىن پاراساتتى بولا ءتۇستى“ دەدى تاڭ شيۋيىڭ جانىنداعى جىلىجايدىڭ تەرەزەسىن رەتتەپ جاتقان تەحنيك جاڭ چياندى نۇسقاپ.
”بۇل زەردەلى ەگىس الاڭىنىڭ اۋماعى 2000 مۋعا تايايدى، ’5G + ينتەرنەت‘، زات تورابى سياقتى ينفورماتسيا تەحنيكالارىنان پايدالانىپ، دالمە - ءدال ەگىپ، مول ءونىم الامىز“. جاڭ چيان مەنى ەرتىپ زەردەلى ەگىس الاڭىنىڭ قولباسشىلىق ورتالىعىنا باردى، ەلەكتروندىق ۇلكەن ەكران ءارقايسى ەگىمشىلىك رايونىنىڭ تەمپەراتۋراسى، ىلعالدىعى، كۇن نۇرى، سونداي - اق سۋ مەن تىڭايتقىشتان پايدالانۋ سياقتى ساندى مالىمەتتەردى دەر كەزىندە كورسەتىپ تۇرادى ەكەن.
”ءبىز ەگۋ اۋماعىنداعى يندۋكسيالىق جابدىقتار ارقىلى تەمپەراتۋرا، ىلعالدىق، كۇن نۇرى جانە دەرت - دەربەز، زياندى جاندىك سياقتى جاعدايلاردى باقىلايمىز“. جاڭ چيان زات تورابى زەردەلى الىس ارالىقتى مەڭگەرۋ شكابىن نۇسقاپ تۇرىپ بىلاي دەدى: ”بۇل جۇيە زەردەلى رەتتەي الادى، اۆتوماتتى تۇردە جارىق تولىقتايدى، اۋا الماستىرادى“. ادەتتەگى ەگىس اتىزدارىمەن سالىستىرعاندا، زەردەلى ەگىس الاڭىنىڭ مۋ باسىنا ورتا ەسەپپەن 50 تەكشەمەتر سۋ، 15 كيلوۆات - ساعات توك ۇنەمدەپ، اۋىل شارۋاشىلىق ءوندىرىسىنىڭ جالپى تۇلعالىق ونىمدىلىگىن %20 ارتتىرۋعا بولادى.
2020 - جىلدان بەرى تايۋانجۋاڭ قىستاعى ىلگەرىندى - كەيىندى زەردەلى ەگىس الاڭى جانە ءتورت ماۋسىمدىق تەرۋ باقشا رايونى، اقاۋسىز ازىق - تۇلىك كاسىپ باقشاسى رايونى سياقتىلاردى قۇردى، قىستاق كوللەكتيۆى جىلىنا 10 ميلليون يۋان ەڭ تومەنگى شەككە كەپىلدىك ەتىپ، تايۋانجۋاڭ قىستاعى مەن توڭىرەكتەگى شارۋالاردان 200 دەن استام ادامدى جۇمىس ىستەپ، كىرىستى ارتتىرۋعا جەتەكتەدى.
”ءبىز وسى زامانعى اۋىل شارۋاشىلىعىن اۋىل - قىستاق ساياحاتىمەن، كۇتىنۋ كاسىبىمەن ۇشتاستىرىپ، كاسىپ سالاسىنىڭ ىشكەرىلەي توعىسۋىن ىلگەرىلەتىپ، اۋىل - قىستاقتىڭ جاپپاي گۇلدەنۋىن ىلگەرىلەتتىك“. تايۋانجۋاڭ قىستاعى پارتكومىنىڭ شۋجيى يىن جيپيڭ بىلاي دەپ تانىستىردى: 2023 - جىلى تايۋانجۋاڭ قىستاعىنىڭ كوللەكتيۆ كىرىسى 30 ميلليون يۋانعا جەتىپ، قىستاق تۇرعىندارىنىڭ جان باسىندىق تازا كىرىسى 35 مىڭ يۋان بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
