ساپالى دامۋدا، ءسوز جوق، تاباندى بولۋدى جاڭا ءداۋىردىڭ بۇلجىماس قاعيداسى ەتۋ كەرەك
جۇڭ سايۋىن
2024.01.29 16:20 كەلۋ قاينارى : حالىق تورابى
ورتالىقتىڭ ەكونوميكالىق قىزمەت ماجىلىسىندە بىلاي دەپ دارىپتەلدى: ”ساپالى دامۋدا، ءسوز جوق، تاباندى بولۋدى جاڭا داۋىردەگى بۇلجىماس قاعيدا ەتىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، ەكونوميكانىڭ ساپاسىنىڭ ءونىمدى جوعارىلاۋىن جانە مولشەرىنىڭ ۇيلەسىمدى ارتۋىن ىلگەرىلەتۋ كەرەك“. بۇل − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ ەلىمىزدىڭ دامۋ ساتىسىنا ىشكەرىلەي تالداۋ جاساۋ، ەلىمىزدىڭ وسىزامانداندىرۋ قۇرىلىسىنىڭ زاڭدىلىعىن جاپپاي يگەرۋ نەگىزىندە، ساپالى دامۋ جونىندەگى تانىمىنىڭ ونان ارى كەڭەيۋى جانە تەرەڭدەۋى. وسى زاڭدىلىق تانىمىن مۇقيات ۇيرەنىپ، ءتۇسىنىپ، ساپالى دامۋدا ۇزدىكسىز تىڭ تابىستارعا قول جەتكىزۋدى قۇلشىنا ىلگەرىلەتۋ كەرەك.
ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. جۇڭگو ۇلگىسىندەگى وسىزامانداندىرۋدى جۇزەگە اسىرۋدا، ءسوز جوق، بەرىك زاتتىق، تەحنيكالىق نەگىز بولۋ كەرەك. ساپالى دامۋدا تاباندى بولىپ، دامۋ ساپاسىن ۇزدىكسىز جوعارىلاتىپ، ەكونوميكالىق قۋاتتى زورايتقاندا عانا، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرىپ، ءبىر ميلليارد 400 ميلليوننان استام حالىق سانى بار ءىرى ەلدىڭ دامۋ ورەسى مەن ادام باسىنا تۋرا كەلەتىن تۇرمىس ورەسىن بىرتىندەپ ورتاشا دامىعان ەلدەرگە جەتكىزىپ، وسىزامانداندىرۋدى ۋاعىندا نەگىزىنەن جۇزەگە اسىرۋعا كەپىلدىك ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋعا بولادى. كەيبىر ەلدەردىڭ ەلىمىزدىڭ عىلىم - تەحنيكاسى، ساۋداسى سياقتىلارعا قىسىم تۇسىرۋىنە قاراتا، ساپالى دامۋدا تاباندى بولىپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جۇزەگە اسىرىپ، وسىزاماندانعان كاسىپ سالاسى جۇيەسىن جەدەل قۇرعاندا عانا، حالىق شارۋاشىلىعىنىڭ اينالىمىنىڭ ىركىلىسسىزدىگىنە كەپىلدىك ەتۋگە بولادى. وركەندەپ كەلە جاتقان ءىرى ەل رەتىندە، ەلىمىزدىڭ ونەركاسىپتەنۋىن، قالا - قالاشىقتانۋىن ۇزدىكسىز ىلگەرىلەتۋ كەرەك، ءبىراق ەلىمىزدىڭ ەكولوگيالىق جۇيەسى ءالسىز، ساپالى دامۋدا تاباندى بولىپ، ەكونوميكالىق، قوعامدىق دامۋدىڭ جاسىلدانۋىن، تومەن كومىرتەكتى بولۋىن ىلگەرىلەتكەندە عانا، ورتا سيىمدىلىعىنىڭ شەكتى بولۋ قيىنشىلىعىن جەڭۋگە بولادى. تۇرعىنداردىڭ كىرىس پارقى مەن بايلىق ءبولىسى پارقى ءالى دە ءبىرشاما زور بولعان جاعدايدا، ساپالى دامۋدى ىلگەرىلەتىپ، بىرگە اۋقاتتانۋدى تىڭعىلىقتى ىلگەرىلەتكەندە عانا، ەكى ۇيەككە جىكتەلۋدەن ساقتانۋعا بولادى. كوپتەگەن حاۋىپ - قاتەر مەن كومەسكى قاتەر الدىندا، ساپالى دامۋدا تاباندى بولىپ، ەكونوميكالىق قۋات سىندى ءبولىمدى زورايتىپ، حاۋىپ - قاتەر سىندى ەلەمەنتتى سۇيىلتقاندا عانا، ءتۇرلى حاۋىپ - قاتەرگە ءونىمدى توتەپ بەرۋگە بولادى. ساپالى دامۋدا تاباندى بولۋدى جاڭا داۋىردەگى بۇلجىماس قاعيدا ەتۋ نازاريانىڭ داۋىرمەن بىرگە العا باسۋىن، دۇرىس جولدان تايماي جاڭالىق اشۋىن ايگىلەدى، بۇل − تاريحتىڭ العا باسۋى مەن امالياتتىڭ دامۋىنىڭ تابيعي تالابى.
ساپالى دامۋدىڭ ناتيجەسى قۋانارلىق بولعانىمەن، مىندەت اۋىر، جول ۇزاق. تاياۋ جىلداردان بەرى جەر - جەر، تاراۋلار باس شۋجي شي جينپيڭنىڭ ساپالى دامۋ جونىندەگى ماڭىزدى پايىمداۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمى جونىندەگى تانىمدى، تۇسىنىكتى بىرتىندەپ ساپالى دامۋدى ىلگەرىلەتۋدىڭ ءىس جۇزىندىك ارەكەتىنە اينالدىرىپ، ادامدى قۋانتارلىق تابىستارعا قول جەتكىزدى. ەلىمىزدىڭ عىلىم - تەحنيكادا جاڭالىق جاراتۋىندا تىڭ تابىستارعا قول جەتتى، شەشۋشى، وزەكتى تەحنيكالار، كەلەلى عىلىم - تەحنيكانىڭ الدىڭعى لەگى، جوعارى دەڭگەيلى جابدىق سياقتى سالالاردا كوپتەگەن بەلەستىك جاڭالىق جاراتۋ جەتىستىكتەرى جارىققا شىقتى. قالا مەن اۋىلدىڭ وڭىرلىك دامۋىنىڭ سايكەسىمدىلىگى كۇشەيىپ، كەلەلى وڭىرلىك دامۋ ستراتەگياسى ساپالى ىلگەرىلەتىلدى. جاسىل، اينالمالى، تومەن كومىرتەكتى دامۋدا نىق قادام تاستالىپ، ەكولوگيالىق ورتانى قورعاۋدا تاريحي، بۇرىلىستىق، جالپى جاعدايلىق وزگەرىستەر تۋىلدى. رەفورما جاساپ، ەسىك اشۋ ىشكەرىلەي ىلگەرىلەپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدا سۇبەلى تابىستارعا قول جەتتى. حالىق تۇرمىسى ۇزدىكسىز جاقسارىپ، ناقتى تابىس سەزىمىنەن، باقىت سەزىمىنەن، حاۋىپسىزدىك سەزىمىنەن يگىلىكتەندى. سونىمەن بىرگە مىنانى دا كورە ءبىلۋىمىز كەرەك: كەيبىر جەرلەر مەن تاراۋلاردىڭ ساپالى دامۋ جونىندەگى تانىمى ءالى دە تياناقتانباعان، امالياتى ءالى دە جەتەرسىز. مىسالى، كەيبىرەۋلەرى وبيەكتيۆ شارت - جاعدايمەن جانە جەرگىلىكتى ورىننىڭ ءىس جۇزىندىك جاعدايىمەن ساناسپاي، كوزسىزدىكپەن قارىز الدى، كەيبىرەۋلەرى ەكولوگيالىق ورتا مەن ءوندىرىس حاۋىپسىزدىگىنە نەمقۇرايدى قارادى، كەيبىرەۋلەرى ورىنسىز باسەكە ءتاسىلىن قولدانىپ، ساۋداگەر شاقىرىپ، قارجى ەنگىزىپ، ءبىرقىدىرۋ جاڭا ماسەلەلەر مەن كومەسكى قاتەرلەردى تۋدىردى. ءسوز جوق، يدەيالىق تانىمدى ساپالى دامۋ تالابىمەن شىنايى بىرلىككە كەلتىرىپ، ساپالى دامۋدى ىلگەرىلەتۋ سانالىلىعى مەن ىرىقتىلىعىن ونان ارى كۇشەيتىپ، ساپالى دامۋدى ىلگەرىلەتۋدىڭ امالياتتىق قابىلەتىن جوعارىلاتۋ كەرەك.
ساپالى دامۋدى ىلگەرىلەتۋدىڭ تەتىگى جاڭا دامۋ ۇستانىمىن ويداعىداي دايەكتىلەندىرۋدە. ءبىز دامۋ تەبىنىن ارتتىرىپ، قيان - كەسكى حالىقارالىق باسەكەدە ىرىقتىلىقتى يگەرۋىمىز كەرەك، مۇنىڭ تەتىگى عىلىم - تەحنيكادا جاڭالىق اشۋعا سۇيەنۋدە. جاڭالىق اشۋدىڭ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنداعى وزەكتى ورنىندا تاباندى بولىپ، عىلىم - تەحنيكادا جاڭالىق اشۋ جۇيەسىن كەمەلدەندىرىپ، كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتىپ، جاڭالىق اشۋمەن دەم بەرۋ ارقىلى ەلىمىز ەكونوميكاسىنىڭ سىرتقا فاكتوردىڭ اسەرىنەن كەڭەيۋىنەن ىشكى ماندىك دامۋعا بۇرىلىس جاساۋىن ىلگەرىلەتۋ كەرەك. ەلىمىزدىڭ جەرى كەڭ، حالىق سانى كوپ، دامۋدىڭ بىركەلكى، سايكەسىمدى بولماۋى − وبيەكتيۆ رەالدىق، بۇل − ءارى پارىق، ءارى كومەسكى كۇش. ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، قالا مەن اۋىلدىڭ توعىسپالى دامۋىن جەبەپ، وڭىرلىك سايكەستى دامۋ ستراتەگياسىن، وڭىرلىك كەلەلى ستراتەگيانى، نەگىزگى تۇلعالىق فۋنكتسيالىق رايون ستراتەگياسىن ىشكەرىلەي اتقارىپ، ابزالدىقتارىمەن ءبىرىن - ءبىرى تولىقتايتىن، ساپالى داميتىن وڭىرلىك ەكونوميكالىق ورنالاستىرۋ مەن مەملەكەت جەرى كەڭىستىك جۇيەسىن ورناتۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، ورتانىڭ لاستانۋىنان ساقتانۋدى جانە ونى جونگە سالۋدى ىشكەرىلەي ىلگەرىلەتىپ، كومىر قىشقىل گازىنىڭ شىعارىلۋىن جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەندى، ورنىقتى ىلگەرىلەتىپ، كورىكتى جۇڭگو قۇرىلىسىن جەدەلدەتۋ كەرەك. ەسىك اشۋ العا باستىرادى، توماعا - تۇيىقتىق، ءسوز جوق، ارتتا قالدىرادى. جوعارى دەڭگەيدە سىرتقا ەسىك اشۋدى ىلگەرىلەتىپ، ساۋدا، قارجى قوسۋ سەلبەستىگىنىڭ ساپاسى مەن دەڭگەيىن جوعارىلاتىپ، دۇنيە جۇزىلىك كاسىپ سالاسى جۇمىس ءبولىسى مەن سەلبەستىگىنە ىشكەرىلەي ات سالىسىپ، ەرەجە، بەلگىلەمە، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتۋ كەرەك. بار كۇشپەن ىستەۋدە، شاماعا قاراي ىستەۋدە تاباندى بولىپ، حالىق بۇقاراسى كوڭىل ءبولىپ وتىرعان جۇمىستانۋ، وقۋ - اعارتۋ، ەمدەۋ، زەينەتكەرلىك سياقتى ماسەلەلەردى تىڭعىلىقتى شەشىپ، ساپالى دامۋ بارىسىندا حالىقتىڭ ىرىس - قۇتىن ارتتىرۋ كەرەك.
ساپالى دامۋدى ىلگەرىلەتۋدە، ءسوز جوق، كەيبىر كەلەلى قاتىناستاردى ويداعىداي شەشۋ كەرەك. قارقىن مەن ساپانىڭ قاتىناسىن دۇرىس شەشىپ، ىشكى سۇرانىمدى ۇلعايتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن قۇلشىنا جۇزەگە اسىرۋ كەرەك. دامۋ مەن حاۋىپسىزدىكتىڭ قاتىناسىن دۇرىس شەشۋدە جۇيەلىك حاۋىپ - قاتەر تۋىلماۋدىڭ تومەنگى شەگىن ساقتاۋمەن بىرگە، حاۋىپسىزدىك ءۇشىن توقىراپ قالۋعا دا بولمايدى. دامۋ مەن قورشاعان ورتانى قورعاۋدىڭ قاتىناسىن دۇرىس شەشىپ، كومىر قىشقىل گازىن تومەندەتۋدى، لاستانۋدى ازايتۋدى، جاسىلدىقتى كەڭەيتۋدى، ارتۋدى سايكەستى ىلگەرىلەتۋ كەرەك. ەل ءىشى مەن حالىقارانىڭ قاتىناسىن دۇرىس شەشىپ، ەل ىشىندەگى جالپى اينالىمدى نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن قالىپتاستىرۋ كەرەك. ناقتى ەكونوميكا مەن ۆيرتۋالدى ەكونوميكانىڭ قاتىناسىن دۇرىس شەشىپ، شىندىقتان قول ءۇزىپ، جالعاندىققا بەت الۋدان باتىل ساقتانىپ، ناقتى ەكونوميكانى تىرەك ەتكەن وسىزاماندانعان كاسىپ جۇيەسىن جەدەل قۇرۋ كەرەك. قازىرگى مەن ۇزاق بولاشاقتىڭ قاتىناسىن دۇرىس ءبىر جاقتى ەتىپ، ەكونوميكانىڭ ومىرشەڭدىك كۇشىن شىنايى نىعايتىپ، حاۋىپ - قاتەردەن ساقتانىپ جانە ونى شەشىپ، قوعامدىق مەجەنى جاقسارتىپ، ەكونوميكانىڭ قايتا ورلەۋ جاعدايىن بەكەمدەپ جانە كۇشەيتىپ، ساپالى دامۋدى تاباندىلىقپەن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
