2023 – جىلى كولەمدەنگەن مادەنيەت كاسىپورىندارىنىڭ تيجارات كىرىسى 13 تريلليون يۋانعا تايادى (جاڭا ساندى مالىمەت، جاڭا ءتۇيىن)
الدىنداعى جىلداعىدان %8.2 ارتىپ، پايدا سايكەس مەزگىلدەگىدەن %30.9 ارتتى
2024.02.07 17:02 كەلۋ قاينارى : حالىق تورابى
«حالىق گازەتى»، 2 - ايدىڭ 6 - كۇنى، بەيجيڭ (ءتىلشى ليۋ جىچياڭ). ءتىلشىنىڭ بىرنەشە كۇننىڭ الدىندا مەملەكەتتىك ساناق مەكەمەسىنەن ۇعىسۋىنشا، 2023 - جىلى مادەنيەت كاسىپورىندارىنىڭ دامۋى ءۇرتىس جاقسارىپ، مادەنيەت قىزمەت وتەۋ كاسىبىنىڭ تىرەكتىك رولى كۇشەيىپ، مادەنيەت، كوڭىل اشۋ، سەيىل - سەرۋەن كاسىبى جەدەل قالپىنا كەلىپ، مادەنيەتتەگى جاڭا كاسىپ كۇيىنىڭ جەتەكتەۋ اسەرى كورنەكتى بولىپ، مادەنيەت كاسىپورىندارىنىڭ تيجارات ونىمدىلىگى ۇزدىكسىز جوعارىلاعان. مەملەكەت بويىنشا كولەمدەنگەن مادەنيەت جانە قاتىستى شارۋاشىلىق كاسىپورىندارىنىڭ (تومەندە قىسقاشا ”مادەنيەت كاسىپورىندارى“ دەلىنەدى) تيجارات كىرىسى 12 تريلليون 951 ميلليارد 500 ميلليون يۋان بولىپ، الدىنداعى جىلداعىدان %8.2 ارتقان. سالالار بويىنشا قاراعاندا، مادەنيەت وزەكتى سالاسىنىڭ تيجارات كىرىسى 8 تريلليون 397 ميلليارد 800 ميلليون يۋان بولىپ، الدىنداعى جىلداعىدان %12.2 ارتىپ، بارلىق كولەمدەنگەن مادەنيەت كاسىپورىندارىنىڭ تيجارات كىرىسىنىڭ ارتۋىنا قوسقان ۇلەسى %93.3 بولعان. مادەنيەتكە قاتىستى سالالاردىڭ تيجارات كىرىسى 4 تريلليون 553 ميلليارد 700 ميلليون يۋان بولىپ، الدىنداعى جىلداعىدان %1.5 ارتقان.
مادەنيەت قىزمەت وتەۋ كاسىبىنىڭ تىرەكتىك رولى ورنىقتى كۇشەيىپ، مادەنيەت، كوڭىل اشۋ، سەيىل - سەرۋەن كاسىبى جەدەل قالپىنا كەلدى. 2023 - جىلى مادەنيەت قىزمەت وتەۋ كاسىبىنىڭ تيجارات كىرىسى 6 تريلليون 773 ميلليارد 900 ميلليون يۋان بولىپ، الدىنداعى جىلداعىدان %14.1 ارتىپ، ارتۋ قارقىنى بۇكىل ەلدەگى كولەمدەنگەن قىزمەت وتەۋ كاسىبى كاسىپورىندارىنىڭ جالپى تۇلعالىق ورەسىنەن كورنەكتى تەز بولدى؛ مادەنيەت قىزمەت وتەۋ كاسىبىنىڭ تيجارات كىرىسىنىڭ جالپى كولەمدەنگەن مادەنيەت كاسىپورىندارىندا ۇستايتىن سالىستىرماسى %52.3 بولىپ، سالىستىرماسى الدىنداعى جىلداعىدان 2.7 پايىز جوعارى بولدى؛ بارلىق كولەمدەنگەن مادەنيەت كاسىپورىندارىنىڭ تيجارات كىرىسىنىڭ ارتۋىنا قوسقان ۇلەسى %85.4 بولدى. ىشكى سۇرانىمدى كەڭەيتۋ، تۇتىنۋدى جەبەۋ ساياساتىنىڭ تياناقتانىپ، كورنەكتى ونىمدىلىككە قول جەتكىزۋىنە بايلانىستى، تۇرعىنداردىڭ مادەنيەت تۇتىنۋ قاجەتى ۇزدىكسىز جارىققا شىعىپ، مادەنيەت، كوڭىل اشۋ، سەيىل - سەرۋەن كاسىبىنىڭ قالپىنا كەلۋىن، دامۋىن پارمەندى ىلگەرىلەتتى. 2023 - جىلى مادەنيەت، كوڭىل اشۋ، سەيىل - سەرۋەن قىزمەت وتەۋ كاسىبىنىڭ تيجارات كىرىسى 175 ميلليارد 800 ميلليون يۋان بولىپ، ەكى جىلدا ورتا ەسەپپەن %18.0 ارتتى.
جاڭا قوزعاۋشى كۇش ۇزدىكسىز جارىققا شىعىپ، مادەنيەتتىڭ جاڭا كاسىپ كۇيىنىڭ جەتەكتەۋ اسەرى كورنەكتى بولدى. 2023 - جىلى مادەنيەتتىڭ جاڭا كاسىپ كۇيى ەرەكشەلىگى ءبىرشاما كورنەكتى بولعان 16 كاسىپتىڭ شاعىن تۇرلەرىنىڭ تيجارات كىرىسى 5 تريلليون 239 ميلليارد 500 ميلليون يۋان بولىپ، الدىنداعى جىلداعىدان %15.3 ارتىپ، كولەمدەنگەن بارلىق مادەنيەت كاسىپورىندارىنان 7.1 پايىز تەز بولدى. مادەنيەتتىڭ جاڭا كاسىپ كۇيىنىڭ بارلىق كولەمدەنگەن مادەنيەت كاسىپورىندارىنىڭ تيجارات كىرىسىنىڭ ارتۋىنا قوسقان ۇلەسى %70.9 بولدى. مۇنىڭ ىشىندە كيۋگە بولاتىن زەردەلى مادەنيەت جابدىقتارىن جاساۋ، سيفرلى باسپا ءسوز، كوپ مەديالى ويىن - كارتون جانە سيفرلى باسپا جۇمساق بولشەگىن اشۋ، ينتەرنەتتە ىزدەۋ قىزمەت وتەۋى، كوڭىل اشۋعا پايدالانىلاتىن زەردەلى ۇشقىشسىز ۇشۋ جابدىقتارىن جاساۋ، ينتەرنەتتىڭ باسقا دا ينفورماتسيالىق قىزمەت وتەۋى سىندى 6 كاسىپتىڭ شاعىن تۇردەگى تيجارات كىرىسىنىڭ ارتۋ قارقىنى ءبىرشاما تەز بولىپ، جەكە - جەكە %24.0، %21.6، %19.4، %19.3، %17.9 جانە %16.5 بولدى.
تيجارات ونىمدىلىگى ۇزدىكسىز جوعارىلاپ، مادەنيەت كاسىپورىندارىنىڭ پايداسى ءبىر تريلليون يۋاننان استى. 2023 - جىلى كولەمدەنگەن مادەنيەت كاسىپورىندارىنىڭ پايداسى ءبىر تريلليون 156 ميلليارد 600 ميلليون يۋان بولىپ، الدىنداعى جىلداعىدان %30.9 ارتىپ، ەكى جىلدا ورتا ەسەپپەن %14.5 ارتتى؛ تيجارات كىرىسىنىڭ پايدا مولشەرى %8.93 بولىپ، الدىنداعى جىلداعىدان 1.55 پايىز جوعارىلادى. مۇنىڭ ىشىندە ينتەرنەت ينفورماتسياسىنا قىزمەت وتەۋ، سيفرلى مازمۇنعا قىزمەت وتەۋ، ينتەرنەت مادەنيەت، كوڭىل اشۋ تۇعىرى سىندى 3 كاسىپتىڭ پايدانى جەبەۋ رولى كورنەكتى بولدى. 2023 - جىلدىڭ سوڭىندا كولەمدەنگەن مادەنيەت كاسىپورىندارىنىڭ مال - مۇلكى ءبىر تريلليون 620 ميلليارد يۋان بولىپ، الدىنداعى جىلدىڭ سوڭىنداعىدان %7.6 ارتتى؛ ءار 100 يۋاندىق مال - مۇلىكتىڭ تيجارات كىرىسى 68.3 يۋان بولىپ، 0.8 يۋان ارتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
