حان جىڭ شۆەتساريا فەدەراتسياسىنىڭ مۇشەسى، قوسىمشا سىرتقى ىستەر مينيسترى كاسيسپەن كەزدەستى
2024.02.07 17:05 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 6 – كۇنى، بەيجيڭ. 2 - ايدىڭ 6 – كۇنى مەملەكەت ءتوراعاسىنىڭ ورىنباسارىحان جىڭ بەيجيڭدە شۆەتساريا فەدەراتسياسىنىڭ مۇشەسى، قوسىمشا سىرتقى ىستەر مينيسترى كاسيسپەن كەزدەستى.
حان جىڭ مىنالاردى ءبىلدىردى: ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو مەن شۆەتساريا جاڭالىق اشۋدى بەلگى ەتكەن ستراتەگيالىق سەرىكتەستىك قارىم - قاتىناس ورناتىپ، تۇرلىشە قوعامدىق ءتۇزىمنىڭ، تۇرلىشە دامۋ كەزەڭىنىڭ، تۇرلىشە ۇلكەندى - كىشىلى ەلدەردىڭ دوستىق سەلبەستىگىنىڭ ۇلگىسىنە اينالدى. كەلەر جىلى − ەكى ەلدىڭ ديپلوماتيالىق قارىم - قاتىناس ورناتقانىنىڭ 75 جىلدىعى، ەكى جاق جۇڭگو مەن شۆەتساريانىڭ دوستىق سەلبەستىگىنىڭ تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، ءوزارا قۇرمەت ەتۋدە تاباندى بولىپ، ءوزارا ءتيىمدى سەلبەستىكتى تەرەڭدەتىپ، گۋمانيتارلىق اۋىس - كۇيىستى بىرگە جەبەپ، ەكى ەل قارىم - قاتىناسىنىڭ ۇزدىكسىز دامۋىن ىلگەرىلەتۋى كەرەك. ءتوراعا شي جينپيڭ ادامزاتتىڭ تاعدىرلاس ورتاق تۇلعاسىن قۇرۋ ۇستانىمى مەن 3 ۇلكەن دۇنيە جۇزىلىك باستامانى العا قويىپ، ادامزات ءدوپ كەلىپ وتىرعان ورتاق ماسەلەلەردى شەشۋگە ايقىن باعدار كورسەتتى. جۇڭگو جاق شۆەتساريا جاقپەن بىرگە ادامزاتتىڭ تاعدىرلاس ورتاق تۇلعاسىن قۇرۋدى نىسانا ەتىپ، دۇنيە جۇزىلىك جونگە سالۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋدى قالايدى.
كاسيس مىنانى ءبىلدىردى: شۆەتساريا جاق جۇڭگومەن قارىم - قاتىناسىن دامىتۋعا ەجەلدەن باسا ءمان بەرىپ كەلەدى، ءار دارەجەلى بارىس - كەلىستى بەلسەنە ورىستەتىپ، ءار سالاداعى ناقتى سەلبەستىكتى تەرەڭدەتىپ، ەكى ەل قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
