ديڭ شۋەشياڭ نورۆەگيانىڭ سىرتقى ىستەر ءۋازىرى ايدپەن كەزدەستى
2024.02.07 17:04 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 6 – كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 2 - ايدىڭ 6 – كۇنى بەيجيڭدە نورۆەگيانىڭ سىرتقى ىستەر ءۋازىرى ايدپەن كەزدەستى.
ديڭ شۋەشياڭ مىنانى ءبىلدىردى: بيىل − جۇڭگو مەن نورۆەگيانىڭ ديپلوماتيالىق قارىم - قاتىناس ورناتقانىنىڭ 70 جىلدىعى، ەكى جاق وسىنى وراي ەتىپ، ەكى ەل مەملەكەت باسشىلارىنىڭ ماڭىزدى ورتاق تانىمىن اناعۇرلىم ويداعىداي تياناقتاندىرىپ، ساياسي سەنىمدىلىكتى بەكەمدەپ، ءوزارا ءتيىمدى سەلبەستىكتى تەرەڭدەتىپ، ءبىر - ءبىرىنىڭ وزەكتى مۇددەسى مەن نازار اۋدارىپ وتىرعان كەلەلى ىستەرىنە كوڭىل ءبولىپ، جۇڭگو – نورۆەگيا قارىم - قاتىناسىنىڭ باياندى، اقاۋسىز، ورنىقتى دامۋىن ىلگەرىلەتۋى كەرەك. جۇڭگو جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتەدى، نورۆەگيامەن وراسان زور كولەمدى بازار ورايىنان بىرگە يگىلىكتەنۋدى قالايدى، نورۆەگيانىڭ جۇڭگو كاسىپورىندارىنا اشىق، ءادىل، ادىلەتتى، كەمسىتپەيتىن تيجارات - ساۋدا ورتاسىن ۇزدىكسىز ازىرلەۋىن ءۇمىت ەتەدى. جۇڭگو جاق نورۆەگيا جاقپەن بىرگە قورشاعان ورتانى جونگە سالۋ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ سياقتى سەلبەستىكتەردى ۇزدىكسىز كۇشەيتىپ، دۇنيە ءجۇزىنىڭ جاسىل، باياندى دامۋىنا اناعۇرلىم زور ۇلەس قوسۋدى قالايدى.
ايد مىنانى ءبىلدىردى: نورۆەگيا جۇڭگو جاقتىڭ دۇنيە جۇزىلىك جونگە سالۋدا اتقارعان ماڭىزدى رولىن جوعارى باعالايدى، نورۆەگيا مەن جۇڭگونىڭ ءار دارەجەلى بارىس - كەلىسىن كۇشەيتىپ، ءار سالاداعى سەلبەستىكتە تىڭ تابىستارعا قول جەتكىزۋدى ىلگەرىلەتۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
