گۋاڭشي وسى زامانعى ەرەكشە اۋىل شارۋاشىلىق كاسىبىن زور كۇشپەن دامىتتى
«حالىق گازەتىنىڭ» ءتىلشىسى دىڭ جيانشىڭ
2024.02.07 17:07 كەلۋ قاينارى : حالىق تورابى
قانت قۇراعى ەگىلگەن جەر كولەمى، ازىقتىق قانت ءونىمى بۇكىل ەلدىڭ %60 ىن ۇستايدى. گۋاڭشي − بۇكىل ەلدەگى ەڭ ۇلكەن قانت ماتەريالدارى ەگىمشىلىك بازاسى جانە قانت وندىرەتىن نەگىزگى رايون.
2021 - جىلى 4 - ايدا باس شۋجي شي جينپيڭ گۋاڭشيدە قىزمەت تەكسەرگەندە بىلاي دەپ دارىپتەدى: گۋاڭشيدىڭ ورمان، جەمىس، كوكونىس، مال، قانت سياقتى ەرەكشە بايلىقتارىن تياناق ەتىپ، ەرەكشەلىككە يە ءبىر توپ اۋىل شارۋاشىلىعى كاسىپ سالالارى شوعىرىن قالىپتاستىرۋ كەرەك. 2023 - جىلى 12 - ايدا باس شۋجي شي جينپيڭ گۋاڭشيدە قىزمەت تەكسەرگەندە بىلاي دەپ اتاپ كورسەتتى: گۋاڭشيدىڭ جەمىس ورمانى، كوكونىس، مال، قانت سياقتى ەرەكشە بايلىق قاينارى مول بولۋ باسىمدىعىن ساۋلەلەندىرىپ، ەرەكشەلىككە يە وسى زامانعى اۋىل شارۋاشىلىعى كاسىپ سالاسىن كۇش سالا دامىتىپ، ءتىپتى دە كوپ گۋاڭشي اتتى اۋىل شارۋاشىلىعى ايگىلى ماركالارىنىڭ چاڭجياڭنىڭ تۇستىگى مەن تەرىستىگىندە تانىمال بولۋىنا مۇمكىندىك جاساۋ كەرەك.
تاياۋ جىلداردان بەرى گۋاڭشيدەگى قالىڭ كادرلار مەن بۇقارا باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ەرەكشە بايلىق باسىمدىعىن ساۋلەلەندىرىپ، تيجاراتتى كولەمدەندىرۋ، ءوندىرىستى ماشينالاندىرۋ، سۋ يگىلىگىن وسىزامانداندىرۋ، ەگىمشىلىكتى ساپالىلاندىرۋ ولشەمى بويىنشا، ”قوس جوعارى“ قانت قۇراعى بازاسىنان 5 ميلليون مۋ قۇرۋدى جوسپارلادى. سونىمەن بىرگە، قانت كاسىبىنىڭ اينالمالى ەكونوميكاسىن دامىتىپ، كاسىپ تىزبەگىن ۇزارتىپ، قوسىمشا قۇندى جوعارىلاتتى.
گۋاڭشيدىڭ لايبين قالاسى فىڭحۋاڭ قالاشىعىنداعى مەملەكەتتىك وسى زامانعى اۋىل شارۋاشىلىق كاسىپ باقشاسى حۋاڭ - ان ساپالى ”قوس جوعارى“ (جوعارى ءونىمدى، جوعارى قانتتى) قانت قۇراعى بازاسىندا ءىرى تۇرپاتتى كومباين ارلى - بەرلى زىرىلداپ، قانت قۇراعىن تولتىرا تيەگەن جۇك اۆتوموبيلى قايشالىسىپ ءجۇر.
”قازىر قانت قۇراعىن ەگىپ، كوڭىلىمىز جاي تاپتى، جاپاسى از، كىرىس ورنىقتى بولۋدا“. فىڭحۋاڭ قالاشىعى حۋاڭ - ان قىستاعىنداعى قانت قۇراعىن ەگەتىن ەگىنشى مو چۇڭشۇي بىلاي دەدى: ”قوس جوعارى“ قانت قۇراعى بازاسىنىڭ اۋدانى 13 مىڭ مۋ، قىستاقتاعى كاسىپتىك سەلبەستىك كووپەراتيۆى تۇتاس بارىستى ماشينالاندىرۋدى جانە سۋ مەن تىڭايتقىشتى ءبىر تۇلعالاندىرۋدى جولعا قويدى، قانت قۇراعىن ەگەتىن ەگىنشىلەر تەك ەگىس دارىلەرىنىڭ، حيميالىق تىڭايتقىشتىڭ وزىندىك قۇن اقىسىن جانە جۇمىس كۇشى قاراجاتىن عانا ۇستىنە الادى، ”ءبىزدىڭ وتباسىمىز 45 مۋ جەرگە قانت قۇراعىن ەكتى، بارلىعى گۋاڭشي دەربەس جەتىلدىرگەن ’گۇي قانت 42‘ سورتى، قانت قۇرامى جوعارى، مۋ باسىندىق ءونىمى جوعارى، جالپى ءونىم مولشەرى 300 توننادان اسادى. قانت زاۆودى جۇك اۆتوموبيلىن اتىز باسىنان ساتىپ الۋعا جىبەردى، ءار تونناسىنىڭ ساتىپ الۋ باعاسى 580 يۋان، وزىندىك قۇنىن شىعارىپ تاستاعاندا، وسى مانەرلەۋ ماۋسىمىنداعى تازا كىرىس 100 مىڭ يۋان اينالاسىندا بولدى“ دەدى.
حۋاڭ - ان قىستاعىنىڭ باتىس سولتۇستىگىنەن شامامەن 2 كيلومەتر قاشىقتىقتا، كۇنىنە 10 مىڭ تونناعا جۋىق قانت قۇراعىن مانەرلەيتىن، جىلىنا 100 مىڭ توننا اق شەكەر وندىرەتىن ءىرى تۇرپاتتى قانت جاساۋ كاسىپورنى − گۋاڭشي لايبين دۇڭتاڭ سامۇرىق شەكتى سەرىكتەستىگى ورنالاسقان. باس جورا لي جۇنگۇي بىلاي دەپ تانىستىردى: كاسىپورىن جاڭا تەحنيكالاردى، جاڭا تەحنولوگيالاردى، جاڭا جابدىقتاردى ۇزدىكسىز ەنگىزۋ ارقىلى وندىرىلگەن قوقىر - قوقسىقتاردى، جاراقسىز سۇيىقتىقتاردى %100 كادەگە جاراتىپ پايدالانۋدى جۇزەگە اسىردى: ساحاروزا قوقىر - قوقسىقتارىن ساپالى قاعاز قويمالجىڭىنا اينالدىرىپ، كەڭسە قاعازى مەن قورشاعان ورتانى قورعايتىن ىدىس - اياقتاردى وندىرەدى؛ جاراقسىز قانت شىرىنىنان ۇستەمە قۇنى جوعارى اشىتقى جەلىلەس ونىمدەرىن جاسايدى؛ سۇزىلگەن بالشىقتى تىكەلەي اتىزعا قايتارادى نەمەسە قوسپا تىڭايتقىش جاسايدى... ”ءتۇرلى ولشەمدەگى قانتتان سىرت، ءبىز تاعى 30 نەشە تۋىندى ءونىمدى اشتىق“ دەدى لي جۇنگۇي.
ساحاروزا كاسىبى − گۋاڭشيدىڭ وسى زامانعى ەرەكشە اۋىل شارۋاشىلىعىن دامىتۋىنىڭ ىقشام كورىنىسى. گۋاڭشيدىڭ جاۋىن - شاشىنى مول، اۋىل شارۋاشىلىق ءوندىرىس شارت - جاعدايى جاقسى. تاياۋ جىلداردان بەرى گۋاڭشي بايلىق قاسيەتىن تياناق ەتىپ، ەرەكشەلىكتى كۇشەيتۋگە، ساپانى جوعارىلاتۋعا، ماركا جاراتۋعا كۇش سالىپ، ساحاروزا، جەمىس - جيدەك، كوكونىس سياقتى ءبىر توپ وسى زامانعى ەرەكشە اۋىل شارۋاشىلىق كاسىپ شوعىرىن قالىپتاستىرىپ، بۇكىل ەلدەگى ايگىلى قانت قۇراعى، كوجە قاتىق، جەمىس – جيدەك مەكەنىنە اينالدى.
”قازىر گۋاڭشي ساپا ارقىلى اۋىل شارۋاشىلىعىن گۇلدەندىرۋدىڭ، ايگىلى ماركانى دامىتۋدىڭ جاڭا كەزەڭىنە ءوتتى“. گۋاڭشي جۋاڭزۋ اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ باستىعى حۋاڭ جىيۇي بىلاي دەپ تانىستىردى: گۋاڭشي اۋىل شارۋاشىلىق عىلىم اكادەمياسى، جۇڭگو ىستىق بەلدەۋ اۋىل شارۋاشىلىق عىلىم اكادەمياسى ىستىق بەلدەۋ داقىلدارى سورتى بايلىعىن زەرتتەۋ ورنى سياقتى عىلمي زەرتتەۋ كۇشتەرىنە سۇيەنىپ، گۋاڭشيدە 9 مەملەكەت دارەجەلى اۋىل شارۋاشىلىق ساپالى تۇقىم بايلىعى قامباسىن (باقشا، الاڭ)، 2 سۋ ونىمدەرى ساپالى تۇقىم الاڭىن قۇردى؛ گۋاڭشيدىڭ اۋىل شارۋاشىلىق ايگىلى ماركا قۇرىلىسىن جەدەل ىلگەرىلەتۋ جونىندەگى جەتەكشى پىكىر سياقتى ساياساتتىق شارالاردى شىعارىپ، گۋاڭشيدىڭ اۋىل شارۋاشىلىق ايگىلى ماركا تىزىمدىگى ءتۇزىمىن ورناتىپ، اۆتونوميالى رايون بويىنشا ”3 ءونىم، ءبىر بەلگى“ (زالالسىز اۋىل شارۋاشىلىق ونىمدەرى، جاسىل ازىق - تۇلىك، ورگانيكالىق اۋىل شارۋاشىلىق ونىمدەرى جانە اۋىل شارۋاشىلىق ونىمدەرىنىڭ جاعراپيالىق بەلگىسى) جۇيەسىندەگى حاۋىپسىز، ساپالى اۋىل شارۋاشىلىق ونىمدەرىنىڭ الەۋمەتتىك ماركاسى 2 مىڭ 500 دەن استى.
2023 - جىلى گۋاڭشي اۋىل شارۋاشىلىق ەرەكشە ونىمدەرىنەن 300 ميلليونعا جۋىق پوسالكا ساتىپ، زات قۇنى 21 ميلليارد يۋاننان استى. ”گۋاڭشي اق شەكەرى“، ”بايسى ماڭگوسى“ سياقتىلاردى ۋاكىل ەتكەن گۋاڭشي اتىنداعى اۋىل شارۋاشىلىعى ماركاسى جۇڭگونىڭ بايتاق دالاسىنا تارالۋدا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
