كوڭىلدەرى توعىسىپ كەلەدى (بۇگىنگى ايتار ءسوز)
شىڭ يۇيلەي
2024.02.07 17:08 كەلۋ قاينارى : حالىق تورابى
جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى كەلۋ قارساڭىندا، باس شۋجي شي جينپيڭ تيانجينگە كەلىپ، نەگىزگى ساتىداعى كادر – جۇرتشىلىقپەن امانداسىپ، ولاردان حال سۇراپ، قالا كوشەلەرىنە، قىستاق تۇرعىندارىنىڭ ۇيلەرىنە، كوكونىس جىلىجايلارىنا بارىپ، قارتتاردىڭ ەمدەۋ قامسىزداندىرۋىنا، بالالاردىڭ وقۋىنا، جاستاردىڭ جۇمىسقا ورنالاسۋىنا كوڭىل ءبولىپ، ەگجەي - تەگجەيلى سۇرادى. ىزگى تىلەك شىنايى ۇمىتكە تولى. بۇقارانىڭ مۇڭ - مۇقتاجىن كوكەيدە ساقتاپ، دامۋ ۇلى جوسپارىن نەگىزگى ورىنعا قويدى، باس شۋجي شي جينپيڭنىڭ حالىققا دەگەن شىنايى دا تەرەڭ سۇيىسپەنشىلىگى ”حالىقپەن تىلەكتەس بولۋ، حالىقپەن راقاتتا دا، جاپادا دا بىرگە بولۋ، حالىقپەن ىنتىماقتاسا كۇرەس جاساۋ“ سىندى ايقىن تۇرعىسىن ايگىلەپ، ”مەن وزىممەن ساناسپاي حالىقتىڭ ءۇمىتىن اقتايمىن“ دەيتىن وسكەلەڭ قاسيەتىن بەينەلەدى.
ۋاقىت زىمىراپ جىلجۋدا، سۇيىسپەنشىلىك ۇزاعىنان جالعاسۋدا. پارتيانىڭ 18 - قۇرىلتايىنان بەرى ءار جىلى كوكتەم مەرەكەسى قارساڭىندا باس شۋجي شي جينپيڭ حالىق بۇقاراسىمەن ۇنەمى بىرگە بولىپ، اڭگىمە دۇكەنىن قۇرىپ، حال سۇراپ، تىلەك تىلەپ وتىردى.
”ەل امان، جۇرت تىنىش بولسىن، جۇرت تىنىش بولعاندا عانا ەل امان بولادى“، ”بۇقارانىڭ ءىسى ەڭ ماڭىزدى ءىس، ءسوز جوق، جاقسى ىستەۋ كەرەك“، ”مەنىڭ كوڭىلىم كوپشىلىكپەن، بۇكىل ەلدەگى ءار ۇلت حالقىمەن باستان - اياق بىتە قايناسقان“، ”كوكتەم مەرەكەسىندە نەگىزگى ساتىداعى كادرلار مەن بۇقارانىڭ قامىن ءتىپتى دە جەيمىن“... جىل ارتىنان جىل ءوتىپ، ءبىر ساپار ءبىر ساپارعا جالعاسۋدا، تاۋ بيىك، جول الىس بولسا دا،، باستان - اياق قامقورلىق جاساپ، تەرەڭ سۇيىسپەنشىلىكتى باستان - اياق جالعاستىرىپ كەلەدى. بۇدان ءبىز ”نىسانامىز وتە ۇلى ءارى وتە قاراپايىم، سايىپ كەلگەندە، بۇقارانى ءتىپتى دە جاقسى تۇرمىسقا كەنەلتۋ ءۇشىن“، ”ىنتىماق ارقىلى كۇش - قۋاتتى ۇيىستىرىپ، كۇرەس ارقىلى ۇلى ءىس تىندىرىپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازۋ“ دەگەندى اناعۇرلىم تۇسىنەمىز.
بوگەلمەي شەرۋ تارتقاندا، بولاشاققا جەتۋگە بولادى. باس شۋجي شي جينپيڭنىڭ كوكتەم مەرەكەسىندەگى ىزدەرىندە حالىق تۇرمىسىنىڭ باقىتىنا كوڭىل ءبولۋ دە، مادەنيەت جۇلگەسىنە مۇراگەرلىك ەتۋ جونىندەگى تەرەڭ تولعانىس تا، ىستەردىڭ دامۋى جونىندەگى جوبا دا، تاماشا ارمان - تىلەك تە بار. تاپسىرمانى ەستە بەرىك ساقتاپ، بورىشتى باتىلدىقپەن ارقالاپ، قايراتتى تاسقىنداتىپ، ەرلىكپەن العا ۇمتىلساق، ءبىز، ءسوز جوق، ”تۇرمىسىمىزدى ءتىپتى دە جاقسارتا الامىز“، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى نىساناسىنا قاراي ەرلىكپەن العا باسا الامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
