كوكتەم مەرەكەسى كەزىندە سولتۇستىك شينجياڭدا قار جاۋادى، وڭتۇستىك شينجياڭدا كۇن اشىق بولادى
شينجياڭنىڭ باسىم كوپ جەرىندە تەمپەراتۋرانىڭ وزگەرىسى ءبىرشاما زور بولادى
2024.02.08 12:59 كەلۋ قاينارى : حالىق تورابى
ءتىلشىنىڭ شينجياڭ اۋا رايى ستانسياسىنان ۇعىسۋىنشا، مەجەمەن كوكتەم مەرەكەسى كەزىندە (2 - ايدىڭ 9 - كۇنىنەن 17 - كۇنىنە دەيىن) وڭتۇستىك شينجياڭنىڭ باسىم كوپ جەرىندە كۇن اشىق بولادى، سولتۇستىك شينجياڭدا قارلى بوران سوعىپ، تەمپەراتۋرا تومەندەيدى، بۇكىل شينجياڭنىڭ باسىم كوپ جەرىندە اۋا تەمپەراتۋراسىنىڭ وزگەرىسى ٴبىرشاما زور بولادى. 2 - ايدىڭ 10 - كۇنىنەن 11 - كۇنىنە دەيىن (كوكتەم مەرەكەسىنىڭ 1 - كۇنىنەن 2 - كۇنىنە دەيىن) تيانشان تاۋىنىڭ سولتۇستىك بەتكەيىندە سوقىر تۇمان تۇسەدى نەمەسە كۇن بۇلتتى بولىپ، قارلى اۋا رايى ۇزىلمەيدى؛ 2 - ايدىڭ 12 - كۇنىنەن 14 - كۇنىنە دەيىن (كوكتەم مەرەكەسىنىڭ 3 - كۇنىنەن 5 - كۇنىنە دەيىن) سولتۇستىك شينجياڭ سۋىق اعىستىڭ ىقپالىنا ۇشىراپ، قار جاۋىپ، بوران سوعىپ، تەمپەراتۋرا تومەندەيدى. شينجياڭ اۋا رايى ستانسياسى قاتىستى تاراۋلاردىڭ قار جاۋعان اۋا رايىنىڭ قاتىناس ـ تاسىمالعا، قالا اينالىمىنا، قۇرىلعىلى اۋىل شارۋاشىلىعىنا، مال شارۋاشىلىعىنا جانە بۇقارانىڭ ءجۇرىس ـ تۇرىسىنا جاسايتىن ىقپالىنان دەر كەزىندە ساقتانۋىن ۇسىنىس ەتتى.
الدىن الا مالىمەتتە كورسەتىلۋىنشە، 2 ـ ايدىڭ 9 ـ كۇنى، بۇكىل شينجياڭنىڭ باسىم كوپ جەرىندە كۇن اشىق بولىپ، كەيدە بۇلتتايدى، جەل كۇشى زور بولمايدى. 2 – ايدىڭ 10 – كۇنىنەن 11 – كۇنىنە دەيىن تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجىنىڭ وڭتۇستىك قالا ماڭى مەن دابانچىڭ ءوڭىرى، سانجى حۇيزۋ اۆتونوميالى وبلىسىنىڭ شىعىس بولەگى قاتارلى جەرلەردىڭ ءىشىنارا وڭىرلەرىندە شىعىستان 5 بال اينالاسىندا جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل ٴوتى، التاي ايماعىنىڭ نوقاي جەل ٴوتى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە 8 دە 9 بال بوران سوعادى، ءىشىنارا جەرلەردە قارلى بوران سوعادى.
2 - ايدىڭ 12 - كۇنىنەن 14 - كۇنىنە دەيىن سولتۇستىك شينجياڭنىڭ باسىم كوپ جەرىندە، تيانشان تاۋلى رايونى، قۇمىل قالاسى قاتارلى جەرلەردە قىرباق قار جاۋادى، مۇنىڭ ىشىندە سولتۇستىك شينجياڭنىڭ باتىس بولەگىنىڭ، سولتۇستىك بولەگىنىڭ ءىشىنارا وڭىرلەرىندە ورتاشادان قالىڭ قارعا دەيىن جاۋادى، كەي جەرلەرىندە ەرەكشە قالىڭ قار جاۋادى، اۋا تەمپەراتۋرا 8 دە 12 سەلتسي گرادۋس تومەندەيدى. 2 - ايدىڭ 15 - كۇنىنەن 17 - كۇنىنە دەيىن سولتۇستىك شينجياڭنىڭ باسىم كوپ بولەگى، تيانشان تاۋلى ءوڭىرى، وڭتۇستىك شينجياڭنىڭ باتىس بولىگىندەگى تاۋلى ٴوڭىر قاتارلى جەرلەردە ازدان قىرباققا دەيىن قار جاۋادى، سولتۇستىك شينجياڭنىڭ باتىس بولىگى، سولتۇستىك بولەگى، وڭتۇستىك شينجياڭنىڭ باتىس بولىگىندەگى تاۋلى وڭىر قاتارلى جەرلەردىڭ ءىشىنارا جەرلەردىڭ وڭىرلەرىندە ورتاشادان قالىڭ قارعا دەيىن جاۋادى. جوعارىدا ايتىلعان وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتىندە 9 دا 10 بال بوران سوعادى.
ءۇرىمجى قالا رايونىندا 2 - ايدىڭ 12 - كۇنى كۇندىزدەن تۇنگە دەيىن قىرباق قار جاۋادى؛ 2 - ايدىڭ 10 - كۇنى تۇننەن 11 - كۇنى كۇندىزگە دەيىن جانە 14 - كۇنى كۇندىزدەن 15 - كۇنى كۇندىزگە دەيىن، وڭتۇستىك قالا ماڭىندا شىعىس وڭتۇستىكتەن 5 تە 6 بال جەل سوعادى، ۇلانباي، حۇڭيانچى قاتارلى جەل وتتەرىندە 8 دە 9 بالعا جەتەدى، سولتۇستىگىندە ۇزدىك - سوزدىق تۇماندى اۋا رايى بولادى. كوكتەم مەرەكەسى كەزىندە ۇرىمجىدە ەڭ تومەنگى تەمپەراتۋرا نولدەن تومەن 14 تە نولدەن تومەن 9 سەلتسي گرادۋس اينالاسىندا بولادى، ەڭ جوعارى اۋا تەمپەراتۋرا نولدەن تومەن 6 دا 2 سەلتسى گرادۋس اينالاسىندا بولادى.
شينجياڭ اۋا رايى ستانسياسى مىنانى ەسكەرتتى: كوكتەم مەرەكەسى كەزىندە بۇكىل شينجياڭنىڭ باسىم كوپ ساندى جەرىندە اۋا تەمپەراتۋراسىنىڭ وزگەرىسى زور بولادى، الدىڭعى مەزگىلدەگى اۋا تەمپەراتۋراسى ءبىرشاما جوعارى بولسا، ورتا، سوڭعى مەزگىلدە اۋا تەمپەراتۋراسى ءبىرشاما تومەن بولادى، كۇندىز بەن ءتۇننىڭ تەمپەراتۋرا پارقى زور بولادى، مەرەكەنىڭ سوڭعى مەزگىلىندە جولعا شىققاندا جۇرت سۋىقتان ساقتانىپ، جىلۋ ساقتاۋعا، تۇماۋدان ساقتانۋعا كوڭىل ءبولۋى كەرەك. 2 – ايدىڭ 10 – كۇنىنەن 11 – كۇنىنە دەيىن تيانشان تاۋىنىڭ سولتۇستىك بەتكەيىندە سوقىر تۇمان تۇسەدى نەمەسە كۇن بۇلتتى بولادى، قارلى اۋا رايى تولاستامايدى، لاس زاتتاردىڭ تارالۋىنا ءتيىمسىز بولىپ، ءىشىنارا جەرلەردە اۋىر دارەجەدە لاستانۋ تۋىلىپ، دەنساۋلىققا ءتيىمسىز ىقپال جاسايدى، بۇقارا ويداعىداي قورعانۋى كەرەك. سولتۇستىك شينجياڭ مەن شىعىس شينجياڭدا قيىس شىعىس پەن باتىس سولتۇستىكتەن الما كەزەك جەل سوعادى، جەل وتىندە جەل كۇشى ءبىرشاما زور بولادى، ءىشىنارا جول بولەكتەرىندە قارلى بوران سوعادى، كورۋ ارالىعى ناشارلايدى، بوراننىڭ تاس جول، تەمىر جول قاتىناسىنا، قۇرىلعىلى اۋىل شارۋاشىلىعىنا جانە بۇقارانىڭ ءجۇرىس - تۇرىسىنا جاسايتىن ءتيىمسىز ىقپالىنان ساقتانۋ قاجەت.
بۇدان سىرت ، كوكتەم مەرەكەسى كەزى قىسقى قار ـ مۇز ساياحاتىنىڭ قاۋىرت مەزگىلى، ساياحاتشىلار مولشەرى ارتادى. قازىر التاي ايماعىنىڭ تاۋلى وڭىرلەرىندە قار قالىڭ، 2 – ايدىڭ 12 – كۇنىنەن 14 – كۇنىنە دەيىن ىلە وبلىسىنىڭ، تارباعاتاي ايماعىنىڭ، التاي ايماعىنىڭ ءىشىنارا جەرلەرىندە قالىڭ قار جاۋىپ، تاۋلى رايونداردا قار كوشكىنىنىڭ تۋىلۋ مۇمكىندىگى زور بولادى، قاتىستى تاراۋلاردىڭ ساياحاتشىلارعا حاۋىپسىزدىككە كوڭىل ءبولۋدى ەسكەرتۋىن ءارى ساقتىقتى كۇشەيتۋىن ۇسىنىس ەتەمىز. سونىمەن بىرگە، بۇقاراعا ءار دارەجەلى اۋا رايى ستانسيالارىنىڭ ۇلاسپالى جاريالاعان ەڭ جاڭا اۋا رايى مالىمەتى مەن ساقتىق سيگنالىن تىڭداۋعا، كورۋگە نازار اۋدارىپ، ساياحات جانە ساپار جوسپارىن ويداعىداي ورنالاستىرۋدى ەسكەرتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
