قوعام حاۋىپسىزدىگى ورگاندارى مەرەكە كەزىندە ۇقىققا قول سۇعۋ، جالعانشىلىق ىستەۋ قىلمىسىنا قاتاڭ سوققى بەردى
2024.02.08 13:09 كەلۋ قاينارى : حالىق تورابى
حالىق گازەتىنىڭ 2 – ايدىڭ 7 – كۇنى بەيجيڭنەن بەرگەن حابارى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، 2023 – جىلى 12 - ايدان بەرى جىل سوڭى مەن جىل باسىنداعى حاۋىپسىزدىكتى، ورنىقتىلىقتى قورعاۋ قىزمەتىن شىنايى جاقسى ىستەۋ ءۇشىن، قوعام حاۋىپسىزدىگى مينيسترلىگىنىڭ ءبىرتۇتاس ورنالاستىرۋى بويىنشا، بۇكىل ەلدەگى قوعام حاۋىپسىزدىگى ورگاندارى نازاردى جاڭا جىل مەن كوكتەم مەرەكەسىنىڭ الدى – ارتىندا ۇقىققا قول سۇعاتىن جالعان گاز جابدىقتارىن، ءۇي ەلەكتر جابدىقتارىن، اۆتوموبيل، ەلەكتر ونىمدەرىن جالعاننان جاساۋ قاتارلى حالىق تۇرمىسى حاۋىپسىزدىگى سالاسىنداعى كورنەكتى زاڭعا قايشى قىلمىستىق ارەكەتتەرگە شوعىرلاندىرىپ، قالا، اۋىل بازارلارىنا جانە قاتىستى كاسىپورىندارعا بارىپ احۋال ۇعىسىپ، اكىمشىلىك زاڭ اتقارۋ تاراۋلارىمەن تىعىز سەلبەسىپ، ءبىر توپ دەلونى شوعىرلى اشكەرەلەپ، ءبىر توپ جارامسىز تاۋارلاردى تەكسەرىپ انىقتادى.
قوعام حاۋىپسىزدىگى ورگاندارى مەرەكە كەزىندە بازاردىڭ قامداۋ مەن قاجەتسىنۋىنىڭ كۇشەيۋى، ءىشىنارا زاڭسىز ەلەمەنتتەردىڭ ورايدان پايدالانىپ ۇقىققا قول سۇققان جالعان تاۋارلاردى ءوندىرۋ، ساتۋ سياقتى جاعدايلارىنا باعىتتاي وتىرىپ، بۇقارانىڭ ءومىرى مەن مال - مۇلكىنىڭ حاۋىپسىزدىگىنە زالال جەتكىزەتىن ءتۇرلى ۇقىققا قول سۇعۋ، جالعان - جارامسىز تاۋارلاردى ءوندىرۋ - ساتۋ قىلمىسىنا سىلەيتە سوققى بەرىپ، ءتۇپ - تۇقيانىمەن تەكتەۋگە، جەلى بويىنشا تەرەڭ قازۋعا تاباندى بولىپ، مۇددە تىزبەگىن ءۇزىپ، ىشكەرىلەي، تۇبەگەيلى سوققى بەرىپ، بۇقارانىڭ مەرەكەنى حاۋىپسىز وتكىزۋىنە قورعان بولدى. جياڭسۋ، شاندۇڭ، گۋاڭدۇڭ، چۇڭچيڭ، سىچۋان قاتارلى جەرلەردەگى قوعام حاۋىپسىزدىگى ورگاندارى قوعام حاۋىپسىزدىگى مينيسترلىگى باقىلاپ وتىرعان جاۋ X قاتارلىلاردىڭ جالعان، جارامسىز گاز وشاعىن جاساۋ، ساتۋ دەلوسى قاتارلى 5 ءتۇيىندى دەلونى دەر كەزىندە تەكسەرىپ انىقتاپ، 80 قىلمىس كۇماندىسىن، 24 جالعاننان جاساۋ، جالعان زات ساتۋ اپانىن تالقانداپ، دەلوعا ساياتىن سومانىڭ جالپى قۇنى 150 ميلليون يۋاننان استى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
