شي جينپيڭ پارتيا سىرتىنداعى قايراتكەرلەرمەن بىرگە كوكتەم مەرەكەسىن قارسى الدى
ج ك پ ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى
ۋاڭ حۋنيڭ، ساي چي، ديڭ شۋەشياڭ قاتىناستى
2024.02.08 13:23 كەلۋ قاينارى : حالىق تورابى
 |
2 - ايدىڭ 7 - كۇنى شي جينپيڭ، ۋاڭ حۋنيڭ، ساي چي، ديڭ شۋەشياڭ قاتارلىلار بەيجيڭدەگى حالىق سارايىندا پارتيا سىرتىنداعى قايراتكەرلەرمەن ءبىر اراعا باس قوسىپ، كوكتەم مەرەكەسىن بىرگە قارسى الدى.
سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
|
شينحۋا اگەنتتىگى، 2 - ايدىڭ 7 - كۇنى، بەيجيڭ. جۇڭحۋا ۇلتىنىڭ ءداستۇرلى مەرەكەسى جياچىن ۇلۋ جىلعى كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 7 - كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ءبىر اراعا باس قوسىپ، كوكتەم مەرەكەسىن بىرگە قارسى الدى. شي جينپيڭ ج ك پ ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلى تاۋ جى قاتارلىلار ۇسىنىس بويىنشا قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارلارى حى حوۋحۋا، لياڭ جىنيىڭ، باسشىلىق ورنىنان شەگىنگەن دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بۇرىنعى ءتوراعالارى، ءبىرىنشى ورىنباسار ءتوراعالارى جانە ۇنەمىلىك ىستەرگە جاۋاپتى ورىنباسار ءتوراعالارى دا ۇسىنىس بويىنشا قاتىناستى.
حاۋ ميڭجين دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەدى. ول مىنالاردى ءبىلدىردى: ەندى عانا وتكەن 2023 - جىلى قاتاڭ دا كۇردەلى جاعداي جانە قات - قابات قيىنشىلىقتار مەن سىن - سايىس الدىندا، شي جينپيڭ جولداستى ۇيىتقى ەتكەن ج ك پ ورتالىق كوميتەتى بيىكتە تۇرىپ الىستى بولجاپ، جالپى جاعدايدى ءبىر تۇتاس مەڭگەرىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، قايسارلىقپەن كۇرەس جۇرگىزىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋدا نىق قادام تاستادى، جاڭا داۋىردەگى جۇڭگو كۇن سايىن جاڭالانىپ، ۇلى ارمانعا بىرتىندەپ جاقىنداۋدامىز. جاڭا جىلدا دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەت، ءبىر تىلەكتە بولا وتىرىپ، ىنتىماقتاسا كۇرەس جۇرگىزىپ، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە تىڭ دا اناعۇرلىم زور ۇلەس قوسۋى كەرەك.
حاۋ ميڭجيننىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ دارىپتەدى: 2023 - جىل وتە ەرەكشە جىل بولدى. ءبىر جىلدان بەرى ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ج ك پ 20 - قۇرىلتايىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، سىرتقى قىسىمعا توتەپ بەرىپ، ىشكى قيىنشىلىقتاردى جەڭىپ، ەكونوميكانىڭ قالپىنا كەلۋىن، دامۋىن بار كۇشپەن ىلگەرىلەتىپ، ەكونوميكالىق، قوعامدىق دامۋدىڭ باستى مەجەلى نىسانالارىن تولىق جۇزەگە اسىرىپ، باستامانى ورنىقتى باستاپ، كورىنەۋ تۇيىندەر ارت - ارتىنان جارىققا شىقتى. ءبىز قيىن ماسەلەلەردى باعىتتامالى تۇردە شەشىپ، ساپالى دامۋدى تىڭعىلىقتى ىلگەرىلەتىپ، ەلىمىز ەكونوميكاسىنىڭ جالپى تۇلعالىق جاقتان جاقسارۋىن ىلگەرىلەتىپ، تۇتاس جىلدا ەكونوميكانىڭ جالپى مولشەرى 126 تريلليون يۋاننان اسىپ، جۇمىستانۋ، زات باعاسى جالپى جاقتان ورنىقتى بولدى. ءبىز بۇكىل ەل بولىپ جۇمىلۋ سىندى جاڭاشا ءتۇزىلىستى جەدەل كەمەلدەندىرىپ، عىلىم - تەحنيكادا جاڭالىق اشۋدا تىڭ تابىستارعا قول جەتكىزىپ، جاڭا ساپالى وندىرگىش كۇشتەردىڭ دامۋىن جەبەدىك. ەلىمىز 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن، جۇڭگو - ورتا ازيا باسشىلار باس قوسۋىن ءساتتى وتكىزىپ، بريكس ەلدەرىنىڭ مۇشە كوبەيتۋىن ىلگەرىلەتتى، جۇڭگوشا ءىرى ەلدىك ديپلوماتيا بارعان سايىن قۇدىرەتتى ىقپال كۇشىن، باۋراۋ قۋاتىن، سومداۋ قۋاتىن ايگىلەدى. ءبىز سولتۇستىك جۇڭگوداعى، شىعىس سولتۇستىك جۇڭگوداعى تاسقىن جانە گانسۋ، چيڭحايداعى جەر سىلكىنىسى، شينجياڭداعى جەر سىلكىنىسى سياقتى ءبىرقىدىرۋ اۋىر جاراتىلىستىق اپاتقا ءونىمدى توتەپ بەرىپ، چىڭدۋ ستۋدەنتتەر سپورت جارىسىن، حاڭجوۋ ازيا سپورت جارىسىن ءساتتى وتكىزدىك، ەلىمىزدىڭ دەنەتاربيە ساڭلاقتارى تاعى دا تاماشا ناتيجە جاراتتى. وسى ناتيجەلەرگە قول جەتكىزۋ − جۇڭگو كوممۋنيستىك پارتياسىنىڭ پارمەندى باسشىلىعىنىڭ ناتيجەسى، سونداي - اق دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بۇكىل قوعامنىڭ ءار سالاسىنىڭ قايسارلىقپەن كۇرەس جۇرگىزۋىنىڭ، بىرگە كۇرەس جۇرگىزۋىنىڭ ناتيجەسى.
شي جينپيڭ بىلاي دەپ اتاپ كورسەتتى: وتكەن ءبىر جىلدا دەموكراتيالىق پارتيا - توپتار مەن پارتيادا، توپتا جوق قايراتكەرلەر جاڭا ءداۋىر جۇڭگوشا سوتسياليزم يدەياسىن جانە جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”زەيىن - زەردەنى شوعىرلاندىرىپ، رۋحتى سومداپ، نەگىزدى بەكەمدەپ، ىنتىماقتاسا ەكپىندەي ىلگەرىلەۋدىڭ جاڭا جورىعى“ نەگىزگى تاقىرىپتىق تاربيەسىن تىڭعىلىقتى ورىستەتىپ، ج ك پ ورتالىق كوميتەتى جاريالاعان ”1 - مامىر ۇرانىنىڭ“ 75 جىلدىعىن ەسكە ءتۇسىرۋ ورايىن مىقتى يگەرىپ، ساياسي وتكىزىپ بەرۋ - وتكىزىپ الۋدى تەرەڭدەتىپ، كوپ پارتيا سەلبەستىگىنىڭ يدەيالىق - ساياسي ورتاق تانىمىن ۇزدىكسىز كۇشەيتتى. كوپشىلىك وزەكتى ارقاۋ ەتۋدە، جالپى جاعدايعا قىزمەت وتەۋدە تاباندى بولىپ، جۇڭگو ۇلگىسىندەگى وسىزامانداندىرۋ اياق الىسىن ىلگەرىلەتۋدەگى ءتۇيىندى، قيىن ماسەلەلەرگە نازار اۋدارىپ، اقىل - كەڭەس بەرىپ، ەكونوميكالىق، قوعامدىق دامۋعا قىزمەت وتەۋ جاعىندا تىڭ تابىستارعا قول جەتكىزدى. مەملەكەتتىك ساۋدا - ونەركاسىپشىلەر بىرلەستىگى قاتىستى تاراۋلار مەن جەرگىلىكتى ورىنداردىڭ حالىقتىق شارۋاشىلىقتىڭ ساپالى دامۋىن جەبەۋ ساياساتىن تياناقتاندىرۋىنا بەلسەنە سايكەسىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن، جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەۋ ءۇشىن قىرۋار قىزمەت ىستەدى. ول ج ك پ ورتالىق كوميتەتى اتىنان كوپشىلىككە شىن جۇرەكتەن العىس ايتتى!
شي جينپيڭ بىلاي دەپ دارىپتەدى: 2024 - جىل − جاڭا جۇڭگو قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل. ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، الدىمەن ورناتىپ، ونان سوڭ كۇشىنەن قالدىرۋ تالابىن دايەكتىلەندىرىپ، ەكونوميكانىڭ قايتا ورلەۋ جاعدايىن ۇزدىكسىز بەكەمدەپ جانە كۇشەيتىپ، ەكونوميكانىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن ۇزدىكسىز ىلگەرىلەتىپ، جۇڭگو ۇلگىسىندەگى وسىزامانداندىرۋدى تىڭعىلىقتى، ورنىقتى ىلگەرىلەتۋ كەرەك. دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات ءتۇسىنىپ، تەكسەرۋ - زەرتتەۋ، ۇكىمەت ءىسىن كەڭەسۋ، دەموكراتيالىق باقىلاۋ، وزىندىك قۇرىلىس سياقتى جاقتاردا ۇزدىكسىز قۇلشىنىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل - پاراساتى مەن كۇش - قۋاتىن ارناۋى كەرەك.
شي جينپيڭ دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 جاقتان ءۇمىت ارتتى. ءبىرىنشى، ءتۇزىم سەنىمىن بەكەمدەپ، جۇڭگونىڭ جاڭاشا ساياسي پارتيا تۇزىمىندە ويداعىداي تاباندى بولۋ، ونى ويداعىداي دامىتۋ، ويداعىداي كەمەلدەندىرۋ كەرەك. ساياسي پارتيالاردىڭ كەڭەسۋ ساپاسىن شىنايى جوعارىلاتىپ، ۇكىمەت ءىسىن كەڭەسۋ، ۇسىنىس بەرۋ مەحانيزمىن ۇزدىكسىز اقاۋسىزداندىرىپ، دەموكراتيالىق باقىلاۋدى تارتىپپەن ورىستەتىپ، باسىمدىق رولىن ساۋلەلەندىرەتىن تۇعىر دانەكەرىن كەڭەيتىپ، جۇڭگونىڭ جاڭاشا ساياسي پارتيا ءتۇزىمىنىڭ ونىمدىلىگىن كۇش سالا جوعارىلاتۋ كەرەك. ەكىنشى، ورتاق تانىمدى كەڭىنەن ۇيىستىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە دەم بەرۋ كەرەك. ج ك پ 20 - قۇرىلتايىندا العا قويىلعان كەلەلى ستراتەگيالىق مىندەتتەر مەن ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋلارىن ارقاۋ ەتىپ، ۇزدىكسىز ىشكەرىلەي تەكسەرۋ - زەرتتەۋ جۇرگىزىپ، اناعۇرلىم باعىتتامالى تۇردە اقىل - كەڭەس بەرۋ كەرەك. مەملەكەتتىك ساۋدا - ونەركاسىپشىلەر بىرلەستىگى حالىقتىق شارۋاشىلىق قايراتكەرلەرىن دامۋ سەنىمىن بەكەمدەۋگە جەتەكتەپ، جۇڭگو ەكونوميكاسىنىڭ بولاشاعى نۇرلى نازارياسىن بىرگە اسقاقتاتۋى كەرەك. ءۇشىنشى، ساياسي جەتەكشىلىكتى كۇشەيتىپ، وزىندىك قۇرىلىس دەڭگەيىن ۇزدىكسىز جوعارىلاتۋ كەرەك. ماڭداي الدى مىندەت − يدەيالىق - ساياسي قۇرىلىستى كۇشەيتىپ، ساياسي بەتالىستى مىقتاپ يگەرىپ، جۇڭگو كوممۋنيستىك پارتياسىنىڭ باسشىلىعىندا تاباندى بولۋدىڭ يدەيالىق - ساياسي نەگىزىن بەكەمدەۋ. پاكتىك قۇرىلىسىن، باسشىلىق القا قۇرىلىسىن جانە ۇيىمدىق قۇرىلىستى كۇشەيتىپ، يدەيالىق ستيل مەن قىزمەت ستيلىن شىن مانىندە جاقسارتىپ، مىندەت اتقارۋ قابىلەتى مەن ورەسىن ورنىقتى قاداممەن جوعارىلاتۋ كەرەك.
اڭگىمەلەسۋدەن كەيىن شي جينپيڭ قاتارلى پارتيا مەن مەملەكەت باسشىلارى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاڭا، كونە جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن بىرگە ەستەلىك سۋرەتكە ءتۇستى.
ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
