شي جينپيڭ حات جولداپ جۇڭگونىڭ وڭتۇستىك ۇيەك چينليڭ پۋنكتىنىڭ سالىنىپ بولعانىن ءارى پايدالانۋعا بەرىلگەنىن قۇتتىقتاعاندا بىلاي دەپ دارىپتەدى
ۇيەكتى اناعۇرلىم ويداعىداي تانىپ، قورعاپ، پايدالانىپ، ادامزاتقا باقىت جاراتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن تىڭ دا اناعۇرلىم زور ۇلەس قوسۋ كەرەك
2024.02.08 13:29 كەلۋ قاينارى : حالىق تورابى
قۇتتىقتاۋ حاتى
جۇڭگونىڭ وڭتۇستىك ۇيەك چينليڭ پۋنكتى سالىنىپ بولىپ، پايدالانۋعا بەرىلۋى ساتىندە مەن قىزۋ قۇتتىقتايتىنىمدى بىلدىرەمىن!
بيىل − جۇڭگونىڭ ۇيەكتى تەكسەرۋگە كىرىسكەنىنىڭ 40 جىلدىعى. 40 جىلدان بەرى پارتيانىڭ باسشىلىعىندا، ەلىمىزدىڭ ۇيەك ىستەرى جوقتان بار بولىپ، السىزدەن نىعايىپ، ۇرپاقتان - ۇرپاققا جالعاسقان ۇيەك قىزمەتكەرلەرى ەرلىكپەن شايقاس جاساپ، قاجىماي - تالماي، ەرلىكپەن ۇلەس قوسىپ، شىندىقتى ءىس جۇزىنەن ىزدەپ، قاجىرلىلىقپەن قىزمەت ىستەپ، سۇبەلى تابىستارعا قول جەتكىزدى. جۇڭگونىڭ وڭتۇستىك ۇيەك چينليڭ پۋنكتىنىڭ قۇرىلۋى ەلىمىز بەن بۇكىل دۇنيە جۇزىندەگى عىلىم قىزمەتكەرلەرىنىڭ تابيعات سىرىن ۇزدىكسىز اشىپ، عىلىم شىڭىنا ەرلىكپەن شىعۋىن پارمەندى كەپىلمەن قامدايدى. ۇيەك قىزمەتكەرلەرىنىڭ وسىنى وراي دەپ ءبىلىپ، ۇزدىكسىز جاپاعا شىداپ كۇرەس جۇرگىزىپ، جول اشىپ جاڭالىق جاراتىپ، حالىقارا قوعاممەن بىرگە ۇيەكتى ءتىپتى دە جاقسى تانىپ، قورعاپ، پايدالانىپ، ادامزاتقا باقىت جاراتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن تىڭ دا اناعۇرلىم زور ۇلەس قوسۋىن ءۇمىت ەتەمىن.
كوكتەم مەرەكەسى تاياپ قالدى، مەن قالىڭ ۇيەك قىزمەتكەرلەرىنە شىنايى سالەم جولدايمىن جانە كوكتەم مەرەكەسى بايلانىسىمەن باقىت تىلەيمىن!
شي جينپيڭ
2024 – جىلى 2 – ايدىڭ 7 – كۇنى
(شينحۋا اگەنتتىگى، 2 - ايدىڭ 7 - كۇنى، بەيجيڭ)
شينحۋا اگەنتتىگى، 2 - ايدىڭ 7 - كۇنى، بەيجيڭ. ۇلۋ جىلعى كوكتەم مەرەكەسى قارساڭىندا، جۇڭگونىڭ وڭتۇستىك ۇيەك چينليڭ پۋنكتى 2 - ايدىڭ 7 - كۇنى سالىنىپ بولدى ءارى پايدالانۋعا بەرىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حات جولداپ قىزۋ قۇتتىقتاپ، قالىڭ ۇيەك قىزمەتكەرلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: بيىل − جۇڭگونىڭ ۇيەكتى تەكسەرۋگە كىرىسكەنىنىڭ 40 جىلدىعى. 40 جىلدان بەرى پارتيانىڭ باسشىلىعىندا، ەلىمىزدىڭ ۇيەك ىستەرى جوقتان بار بولىپ، السىزدەن نىعايىپ، ۇرپاقتان - ۇرپاققا جالعاسقان ۇيەك قىزمەتكەرلەرى ەرلىكپەن شايقاس جاساپ، قاجىماي - تالماي، ەرلىكپەن ۇلەس قوسىپ، شىندىقتى ءىس جۇزىنەن ىزدەپ، قاجىرلىلىقپەن قىزمەت ىستەپ، سۇبەلى تابىستارعا قول جەتكىزدى. جۇڭگونىڭ وڭتۇستىك ۇيەك چينليڭ پۋنكتىنىڭ قۇرىلۋى ەلىمىز بەن بۇكىل دۇنيە جۇزىندەگى عىلىم قىزمەتكەرلەرىنىڭ تابيعات سىرىن ۇزدىكسىز اشىپ، عىلىم شىڭىنا ەرلىكپەن شىعۋىن پارمەندى كەپىلمەن قامدايدى.
شي جينپيڭ قالىڭ ۇيەك قىزمەتكەرلەرىنىڭ وسىنى وراي دەپ ءبىلىپ، ۇزدىكسىز جاپاعا شىداپ كۇرەس جۇرگىزىپ، جول اشىپ جاڭالىق جاراتىپ، حالىقارا قوعاممەن بىرگە ۇيەكتى ءتىپتى دە جاقسى تانىپ، قورعاپ، پايدالانىپ، ادامزاتقا باقىت جاراتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن تىڭ دا اناعۇرلىم زور ۇلەس قوسۋىن ءۇمىت ەتتى (قۇتتىقتاۋ حاتىنىڭ تولىق مازمۇنى بولەك جاريالاندى).
جۇڭگونىڭ وڭتۇستىك ۇيەك چينليڭ پۋنكتىنىڭ اشىلۋ قيمىلى 2 - ايدىڭ 7 – كۇنى وتكىزىلدى، بەيجيڭدە نەگىزگى ءماجىلىس الاڭى ورنالاستىرىلىپ، وڭتۇستىك ۇيەك ۇلى قورعان پۋنكتىندە، وڭتۇستىك ۇيەك جۇڭشان پۋنكتىندە، وڭتۇستىك ۇيەك چينليڭ پۋنكتىندە، سولتۇستىك ۇيەك حۋاڭحى پۋنكتىندە، شۋەلۇڭ كەمەسىندە، شۋەلۇڭ 2 - كەمەسىندە بولىمشە ءماجىلىس الاڭى ورنالاستىرىلدى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حى ليفىڭ بەيجيڭدەگى نەگىزگى ءماجىلىس الاڭىندا قيمىلعا قاتىناسىپ، شي جينپيڭنىڭ قۇتتىقتاۋ حاتىن وقىپ، جاڭا پۋنكتكە ات قويىلعانىن جانە پۋنكتتىڭ اشىلعانىن جاريالادى ءارى ءسوز سويلەدى. ول بىلاي دەدى: باس شۋجي شي جينپيڭنىڭ قۇتتىقتاۋ حاتى جاڭا ءداۋىردىڭ جاڭا جورىعىندا ەلىمىزدىڭ ۇيەك ىستەرىنىڭ دامۋىنا العا باسۋ بەتالىسىن كورسەتىپ، ءتۇبىرلى تياناق ازىرلەدى. باس شۋجي شي جينپيڭنىڭ قۇتتىقتاۋ حاتىنىڭ رۋحىن ىشكەرىلەي ۇيرەنىپ، ءتۇسىنىپ، باتىل دايەكتىلەندىرىپ، تياناقتاندىرىپ، جۇڭگونىڭ وڭتۇستىك ۇيەك چينليڭ پۋنكتى اشۋ جانە ىسكە قوسۋ قىزمەتتەرىن جوعارى ولشەممەن، جوعارى دەڭگەيدە ويداعىداي ىستەپ، سايكەستى قۇرىلعىلاردى كەمەلدەندىرۋدى مىقتى يگەرىپ، ءوندىرىس حاۋىپسىزدىگىن باسقارۋدى مىقتى يگەرىپ، عىلمي تەكسەرۋ - زەرتتەۋدى ىشكەرىلەي جۇرگىزىپ، حالىقارالىق اۋىس - كۇيىستى، سەلبەستىكتى كۇشەيتۋ كەرەك. ۇيەكتى تەكسەرۋدەگى 40 جىلدىق باعالى تاجىريبەلەردى قورتىندىلاپ جانە ودان جاقسى پايدالانىپ، پارتيانىڭ جاپپاي باسشىلىعىن كۇشەيتىپ، كۇشتى بىرلەستىرىپ ءىرى ىستەر تىندىرۋ ابزالدىعىن ساۋلەلەندىرىپ، تاماشا ستيلدى شىڭداپ، ۇيەك قىزمەتكەرلەرىنە كوڭىل ءبولۋ جانە قامقورلىق جاساۋدى كۇشەيتىپ، ۇيەك ىستەرىندە وزدىكسىز جاڭا جاعداي اشۋ كەرەك.
جۇڭگونىڭ وڭتۇستىك ۇيەك چينليڭ پۋنكتى روسحەيەنكسبۋرگ ارالىنا ورنالاسقان، ەلىمىزدىڭ وڭتۇستىك ۇيەكتەگى 5 - تەكسەرۋ پۋنكتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
