كوكتەمگى ەگىس جۇمىسىنا دايىندىق وڭتۇستىكتەن سولتۇستىككە قاراي بىرتىندەپ ورىستەتىلدى
تىڭايتقىشپەن قامداۋ مولشەرىنىڭ جەتكىلىكتى بولۋىنا، باعاسىنىڭ ورنىقتى بولۋىنا شىنايى كەپىلدىك ەتەدى
2024.02.08 14:09 كەلۋ قاينارى : حالىق تورابى
حالىق گازەتىنىڭ ءتىلشىسى ليۋ جىچياڭ 2 – ايدىڭ 7 – كۇنى بەيجيڭنەن حابارلايدى. كوكتەمگى ەگىس مەزگىلى — تىڭايتقىش مولىنان ىستەتىلەتىن كەز، ادەتتە جىل بويى ىستەتىلەتىن تىڭايتقىش مولشەرىنىڭ %40 تەن استامى وسى كەزدە پايدالانىلادى. قازىر ەلىمىز بويىنشا كوكتەمگى ەگىس جۇمىسىنا دايىندىق جۇمىستارى وڭتۇستىكتەن سولتۇستىككە قاراي بىرتىندەپ ورىستەتىلۋدە، الدا تىڭايتقىشتى مولىنان پايدالاناتىن مەزگىل كەلەدى. مەملەكەتتىك دامۋ – رەفورما كوميتەتى جۋىردا «2024 – جىلعى كوكتەمگى ەگىس مەزگىلى مەن تۇتاس جىل بويى تىڭايتقىشپەن قامداۋعا، باعاسىنىڭ ورنىقتى بولۋىنا كەپىلدىك ەتۋ قىزمەتىن ويداعىداي ىستەۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى) جاريالاپ، كوكتەمگى ەگىس مەزگىلىندە تىڭايتقىشپەن قامداۋعا كەپىلدىك ەتىپ، ونىڭ باعاسىن ورنىقتىرۋ قىزمەتى جونىندە جالپى بەتتىك ورنالاستىرۋ جاسادى.
كەزەكتە، ۋەرا قاتارلى ءتۇيىندى تىڭايتقىش تۇرلەرىن ءوندىرۋ ءبىرشاما جوعارى ورەدە تۇر، قىستىق زاپاس تىڭايتقىش مولشەرى دە ءبىرشاما جەتكىلىكتى، كوكتەمگى ەگىس مەزگىلىندە اۋىل شارۋاشىلىعىنا تىڭايتقىش پايدالانۋ قاجەتىن قامتاماسىزداندىرۋدىڭ نەگىزى ءبىرشاما جاقسى. كەلەسى قادامدا، مەملەكەتتىك دامۋ – رەفورما كوميتەتى قاتىستى جاقتارمەن بىرگە تىڭايتقىشپەن قامداۋ جانە تىڭايتقىشتى قاجەتسىنۋ جاعدايىنداعى وزگەرىستەرگە ءجىتى نازار اۋدارىپ، تىڭايتقىشپەن قامداۋعا كەپىلدىك ەتۋ جانە ونىڭ باعاسىن ورنىقتىرۋ جاعىنداعى مەحانيزمدى ۇزدىكسىز كەمەلدەندىرىپ، ءتۇرلى مەڭگەرۋ شارالارىن جان – جاقتى اتقارىپ، تىڭايتقىش بازارىنىڭ ورنىقتى جۇمىس جۇرگىزۋىن ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
