ەلىمىز ورمان مەن جايىلىمدا ءورت اپاتىنان ساقتانۋ جانە ونى تىزگىندەۋ جاعىندا ارناۋلى ارەكەت ورىستەتەدى
2024.03.22 13:53 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى حۋ لۋ 3 – ايدىڭ 21 – كۇنى بەيجيڭنەن حابارلايدى. ورمان مەن جايىلىمدا ءورت اپاتى تۋىلۋ حاۋپىن ءونىمدى اداقتاۋ جانە جونگە سالۋ ءۇشىن، مەملەكەتتىك ورمان مەن جايىلىمدا ورتتەن ساقتانۋعا جانە ءورتتى وشىرۋگە جەتەكشىلىك ەتۋ كەڭسەسى، مەملەكەتتىك ورمان شارۋاشىلىعى جانە جايىلىم مەكەمەسى، قوعام حاۋىپسىزدىگى مينيسترلىگى، شۇعىل جاعدايلارعا توتەپ بەرۋدى باسقارۋ مەكەمەسى، مەملەكەتتىك ەنەرگيا مەكەمەسى جۋىردا ۇقتىرۋ جاريالاپ، 2024 – جىلى ورمان مەن جايىلىمدا ءورت اپاتى تۋىلۋدىڭ زور حاۋىپ – قاتەرىن ۇزدىكسىز الاستاپ وتىرۋ جانە وتتى بەلگىلەمەگە قايشى پايدالانۋ ارەكەتىن تەكسەرىپ ءبىرجاقتى ەتۋ ارناۋلى ارەكەتىن ورىستەتۋدى ۇيعاردى.
بۇل اقپاراتتى ءتىلشى 3 – ايدىڭ 21 – كۇنى مەملەكەتتىك ورمان جانە جايىلىم مەكەمەسىنەن ۇعىسقان.
ۇقتىرۋعا قاراعاندا، ارناۋلى ارەكەت 2024 – جىلى 3 – ايدىڭ 18 – كۇنىنەن 2024 – جىلى 11 – ايدىڭ 30 كۇنىنە دەيىن ورىستەتىلەدى، مۇندا، ورمان مەن جايىلىمدا ءورت اپاتى تۋىلۋدىڭ زور حاۋىپ – قاتەرىن ۇزدىكسىز الاستاپ وتىرۋ جانە وتتى بەلگىلەمەگە قايشى پايدالانۋ ارەكەتىن انىقتاپ ءبىرجاقتى ەتۋ سىندى ەكى جاقتاعى قىزمەتتەر قامتىلادى.
ورمان مەن جايىلىمدا ءورت اپاتى تۋىلۋدىڭ زور حاۋىپ – قاتەرىن ۇزدىكسىز الاستاپ وتىرۋ جاعىندا، ورمان مەن جايىلىمدا ءورت اپاتى تۋىلۋدىڭ حاۋىپ – قاتەرىن ءبىر – بىرلەپ تەكسەرۋدى جانە جونگە سالۋدى ۇدايى ۇيىمداستىرۋ، ورمان جانە مال شارۋاشىلىعى وڭىرلەرىندە ەلەكتر جەتكىزۋ، ەلەكتر ۇلەستىرۋ قۇرىلعىلارىندا ءورت اپاتى تۋىلۋدىڭ حاۋىپ – قاتەرىن ءبىر – بىرلەپ تەكسەرۋدى جانە جونگە سالۋدى ۇدايى ۇيىمداستىرۋ، ورمان مەن جايىلىمدا ءورت اپاتى تۋىلۋدىڭ زور حاۋىپ – قاتەرىن ۇدايى ءبىر – بىرلەپ تەكسەرۋدى جانە جونگە سالۋدى ىلگەرىلەتۋ كەرەك.
وتتى بەلگىلەمەگە قايشى پايدالانۋ ارەكەتىن انىقتاپ ءبىرجاقتى ەتۋ جاعىندا، ورمان جانە مال شارۋاشىلىعى وڭىرلەرىندە وتتى بەلگىلەمەگە قايشى پايدالانۋ، جوسپار بويىنشا ورتەپ الاستاۋ مەن ورتتەن ساقتانۋعا جاتتىعۋ قاتارلى ارەكەتتەردى بەلگىلەمە بويىنشا ورىستەتپەۋ قاتارلى ارەكەتتەرگە ءتۇيىندى تۇردە سوققى بەرىپ، ءورت اپاتىنىڭ تەگىن تەكتەۋدى كۇشەيتۋ، ورتتەن ساقتانۋ مەن ءورتتى ءوشىرۋ حاۋىپسىزدىگىنە جانە ەنەرگيامەن قامداۋعا كەپىلدىك ەتۋ حاۋىپسىزدىگىنە زيان جەتكىزەتىن بەلگىلەمەگە قايشى ارەكەتتەردى جونگە سالۋ كەرەك. 2022 – جىلدان بەرگى ورمان مەن جايىلىمداعى ءورت اپاتىنا قاتىستى جينالىپ قالعان دەلولاردى قاتاڭ تەكسەرۋ، قاساقانا ءورت قويۋ، تاۋعا ءورت كەتىرۋ سىندى ارەكەتتەرگە قاتاڭ سوققى بەرىپ، جوسپار بويىنشا ورتەپ الاستاۋ مەن ورتتەن ساقتانۋعا جاتتىعۋ بارىسىندا مەڭگەرۋسىز كەتۋ سەبەبىنەن ماڭىزدى ەلەكتر قۋاتى قۇرىلعىلارىن كەدەرگىگە ۇشىراتۋ ارەكەتىن قاتاڭ تەكسەرۋ، ورمان مەن جايىلىمدا ءورت اپاتىنان ساقتانۋ جانە ونى ءوشىرۋ بارىسىنداعى ۇكىمەت قىزمەتىن اتقارۋعا كەدەرگىلىك جاساۋ ارەكەتىن وتكىزگەندەردى قاتاڭ جازالاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
