بەنزين مەن ديزەل مايىنىڭ باعاسى جوعارىلاتىلدى
2024.04.02 14:39 كەلۋ قاينارى : حالىق تورابى
مەملەكەتتىك دامۋ – رەفورما كوميتەتىنىڭ 4 – ايدىڭ 1 – كۇنى جاريالاعان مالىمەتىنە قاراعاندا، جۋىرداعى حالىقارالىق بازارداعى ماي باعاسىنداعى وزگەرىستەرگە ساي، وڭدەلگەن مۇناي باعاسىن قالىپتاستىرۋدىڭ قازىر اتقارىلىپ وتىرعان مەحانيزمى بويىنشا، 2024 - جىلى 4 - ايدىڭ 1 - كۇنى ساعات 24 تەن باستاپ، ەل ىشىندەگى بەنزين مەن ديزەل مايىنىڭ باعاسى (ولشەمدى ءونىم، تومەندە ۇقساس) ءار تونناسىنا جەكە – جەكە 200 يۋان جانە 190 يۋان جوعارىلاتىلدى.
مەملەكەتتىك دامۋ – رەفورما كوميتەتىنىڭ جاۋاپتىسىنىڭ ايتۋىنشا، جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىرجاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.
مەملەكەتتىك دامۋ – رەفورما كوميتەتى باعانى باقىلاۋ ورتالىعىنىڭ مەجەلەۋىنشە، قىسقا مەرزىم ىشىندە ەل ىشىندەگى جانارماي باعاسىندا تولقۋ ءبىرشاما كۇشتى بولادى، الايدا، ۇزدىكسىز زور مولشەردە قىمباتتاۋ ىقتيمالدىعى زور بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
