لي چياڭ فرانسيانىڭ سىرتقى ىستەر مينيسترى سەيجۋرنمەن كەزدەستى
2024.04.02 16:29 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 1 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 4 - ايدىڭ 1 - كۇنى تۇستەن كەيىن حالىق سارايىندا فرانسيانىڭ سىرتقى ىستەر مينيسترى سەيجۋرنمەن كەزدەستى.
لي چياڭ مىنالاردى ءبىلدىردى: جۇڭگو - فرانسيا قارىم – قاتىناسى ۇزاق ۋاقىت بويى جۇڭگونىڭ باتىستاعى ءىرى ەلدەرمەن قارىم – قاتىناسىنىڭ الدىڭعى قاتارىندا ءجۇرىپ، ەكى ەل حالىقتارىنا باقىت جاراتىپ قانا قالماي، دۇنيە جۇزىنە دە تەرەڭ ىقپال كورسەتتى. بيىل − جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعى، ءتوراعا شي جينپيڭ مەن ماكرون زۇڭتۇڭ ءوزارا قۇتتىقتاۋ تەلەگرامماسىن جولداپ، ەكى ەل قارىم - قاتىناسىنىڭ ونان ارى دامۋىن ىلگەرىلەتۋگە ءبىر اۋىزدان ماقۇل بولدى. جۇڭگو جاق فرانسيا جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ءار جىكتەگىلەردىڭ بارىس - كەلىسىن كۇشەيتىپ، ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، ءوزارا ءتۇسىنىسۋدى كۇشەيتىپ، ەكى جاقتى قارىم - قاتىناستى تاباندىلىقپەن ىلگەرىلەتىپ، جۇڭگو - فرانسيا قارىم - قاتىناسىنىڭ ورنىقتىلىعى ارقىلى ەكى ەلدىڭ اناعۇرلىم جاقسى دامۋىن جەبەۋدى ءارى كوپ جاقتى سەلبەستىكتى كۇشەيتۋ ارقىلى دۇنيە ءجۇزىنىڭ دامۋىنا اناعۇرلىم كوپ تۇراقتىلىق ۇستەۋدى قالايدى.
لي چياڭ بىلاي دەپ اتاپ كورسەتتى: جۇڭگو مەن فرانسيانىڭ ەكونوميكاسى ءبىرشاما كۇشتى ءبىرىن - ءبىرى تولىقتاۋ ابزالدىعىنا يە، مۇددە توعىسۋ ءتۇيىنى كوپ. جۇڭگو جاق فرانسيا جاقتى باستان - اياق الدىمەن ەسكەرىلەتىن سەلبەستىك سەرىگى دەپ قارايدى، فرانسيا جاقپەن ءداستۇرلى سەلبەستىكتى تەرەڭدەتۋمەن بىرگە، جاسىل ەنەرگيا، عىلىم - تەحنيكادا جاڭالىق اشۋ، وزىق جاساۋ، جاساندى زەردە، سيفرلى ەكونوميكا سياقتى سالالارداعى سەلبەستىكتىڭ كومەسكى كۇشىن ىشكەرىلەي اشىپ، ءوزارا پايدا جەتكىزىپ، تەڭ يگىلىككە كەنەلۋدى اناعۇرلىم ويداعىداي جۇزەگە اسىرۋدى قالايدى. فرانسيا جاقتىڭ جۇڭگو كاسىپورىندارىنا اشىق، ءادىل، كەمسىتپەيتىن تيجارات - ساۋدا ورتاسىن ازىرلەۋىن، سونىمەن بىرگە، ەۆروپا جاقتىڭ ەكونوميكالىق زاڭدىلىق پەن بازار ەرەجەسىنە بويسۇنۋىن بەلسەنە ىلگەرىلەتىپ، ەكى جاق كوڭىل ءبولىپ وتىرعان ماسەلەلەردى كەڭەسۋ ارقىلى ۇيلەسىمدى شەشۋىن ءۇمىت ەتەمىن. سەلبەسپەۋ، دامىماۋ − ەڭ ۇلكەن حاۋىپ - قاتەر. جۇڭگو مەن فرانسيا − بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى جانە جاۋاپكەرلىك ارقالايتىن ءىرى ەلدەر، جۇڭگو جاق فرانسيا جاقپەن كوپ جاقتى سەلبەستىكتى كۇشەيتىپ، حالىقارالىق قولامتالى ماسەلەلەردى شەشۋدى ىلگەرىلەتۋگە، دۇنيە جۇزىلىك جونگە سالۋدى كەمەلدەندىرۋگە بەلسەندى ۇلەس قوسۋدى قالايدى.
سەيجۋرن مىنانى ءبىلدىردى: فرانسيا – جۇڭگو قارىم - قاتىناسى ەكى ەل مەن دۇنيە جۇزىنە ماڭىزدى ىقپال جاسايدى. فرانسيا جاق دەربەس، ءوز - وزىنە قوجايىن بولۋدا تاباندى بولىپ، توپقا ءبولىنىپ قارسىلاسۋعا، قول ۇزۋگە قارسى تۇرىپ، ءبىر جۇڭگو ساياساتىن باتىل اتقارادى، جۇڭگو جاقپەن بىرگە فرانسيا مەن جۇڭگونىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتاۋدى وراي ەتىپ، ەكى ەل مەملەكەت باسشىلارىنىڭ ورتاق تانىمىن تياناقتاندىرىپ، ەكونوميكا - ساۋدا، قورشاعان ورتانى قورعاۋ، جاساندى زەردە، گۋمانيتارلىق سياقتى سالالارداعى اۋىس - كۇيىستى، سەلبەستىكتى تەرەڭدەتىپ، دۇنيە جۇزىلىك سىن - سايىسقا قول ۇستاسا توتەپ بەرىپ، فرانسيا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم ىشكەرىلەي دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
