&$
كاسىپ بەتالىسىن ءداپ باسىپ تاۋىپ، نازاردى جاڭالىق اشا دامۋعا شوعىرلاندىرايىق (كاسىپورىندارعا بارىپ، ساپالى دامۋعا نازار سالۋ)
«حالىق گازەتىنىڭ» ءتىلشىسى حان جۇنجيە
2024.04.02 16:31 كەلۋ قاينارى : حالىق تورابى
انحۇي حىفەي ۋنيۆەرسال قورعامالى سالىق رايونىنا ورنالاسقان شىيا عىلىم – تەحنيكا شەكتى جارنا سەرىكتەستىگىندە (تومەندە قىسقاشا ”شىيا عىلىم – تەحنيكاسى“ دەلىنەدى) بارىپ، VR (ۆيرتۋالدى رەالدىق) كوزىلدىرىگىن تاعىپ، تەاتر كەسكىنىنەن ءۇزىندى كورگەنىمىزدە كوز الدىمىزدا تۇنىق بەينە جارىققا شىقتى: ادەمى كيىم - كەشەك، ارتيستەردىڭ كۇلكىسى جاقىن ماڭنان شىققانداي، كورۋ ونىمدىلىگى ادامدى تاڭ قالدىرادى ەكەن.
”ءبىز جارتىلاي وتكىزگىش تەحنيكاسى مەن كورسەتۋ تەحنيكاسىن بىرلەستىرىپ، جالاڭ كريستالدى كرەمني جاپىراقشاسىنا ىرىقتى جارىق شىعاراتىن OLED (ورگانيكالىق جارىق شىعاراتىن ەكى ەلەكترودتى لامپا) بولشەكتەرىن دايىندادىق“. شىيا عىلىم - تەحنيكاسى ءتوراعاسىنىڭ جوعارى دارەجەلى ورىنباسارى فىڭ حۋا بىلاي دەدى: وپتيكالىق ۇلكەيتۋ ارقىلى 3 - 5 مەتر ارالىققا جىلجىتۋعا بولاتىن 120 - 200 ديۋمدىق ۇلكەن ەكران قويىلعانمەن بارابار.
تۇتاس كاسىپ سالاسى تىزبەگىنە يە بولدى
نەگىزدىك قۇرىلعىلار مەن كورىنىستىڭ كىرەر اۋزى اراسىندا، ادام مەن ماشينانىڭ شەكارالىق بەتى كوپىرلىك رول اتقارادى، VR/AR (رەالدىقتى كۇشەيتۋ) كوزىلدىرىگى، زەردەلى قول ساعات سياقتى جابدىقتار ەڭ تىكە كىرەر اۋىز سانالادى. 2016 - جىلى شىيا عىلىم – تەحنيكاسى شاڭحايدا قۇرىلدى، سەرىكتەستىك مەتا عالام كورۋ تۇيسىگى تەحنيكاسىمەن قامداۋشى بولۋعا ويىسىپ، جاقىنداتىپ كورسەتۋ تەحنيكاسىنا زور دايىندىقپەن كىرىستى.
”100 ديۋمدىق فيزيكالىق ۇلكەن ەكرانعا نەشە ون مىڭ يۋان جۇمسالۋى مۇمكىن، ونىڭ ۇستىنە جىلجىتۋعا بولمايدى. كرەمني نەگىزدى OLED ميكرو كورسەتۋ تەحنيكاسى ارقىلى سونداي كورۋ تۇيسىگىن جۇزەگە اسىرۋعا بولادى، ءبىراق وزىندىك قۇنى نەشە مىڭ يۋان عانا“ دەدى فىڭ حۋا.
تىرناق قابىنىڭ ۇلكەندىگىندەي ميكرو كورسەتكىش بولشەكتەر − سەرىكتەستىكتىڭ شەشۋشى ءونىمى. ”اينەك نەگىزدى ۇلكەن ەكرانمەن سالىستىرعاندا، كرەمني نەگىزدى كورسەتكىش بولشەكتەر ءتىپتى دە كىشكەنە. نەبارى 0.49 ديۋمدىق ەكرانعا 6 ميلليوننان استام كەسكىن ەلەمەنتى بەكىتىلگەن“. فىڭحۋا بىلاي دەپ تانىستىردى: سەرىكتەستىگىمىز جالاڭ كريستالدى كرەمنيدى ارتقى تاقتانىڭ قوزعالتقىشى ەتەدى، ونىڭ دالدىگى ءداستۇرلى بولشەكتەردەن الدەقايدا جوعارى بولىپ، VR، AR ونىمدەرىن ءتىپتى دە شىنايى، ءتىپتى دە كۇشتى كورۋ تۇيسىگىمەن قامدايدى، سونىمەن بىرگە ءتىپتى دە جەڭىل، جايلى بولادى.
بۇگىنگى تاڭدا شىجيا عىلىم - تەحنيكاسى كرەمني نەگىزدى OLED ميكرو كورسەتكىش بولشەكتەرىن زەرتتەپ اشۋمەن، جاساۋمەن ارناۋلى شۇعىلداناتىن مەملەكەت دارەجەلى جوعارى، جاڭا تەحنيكا كاسىپورنىنا اينالدى، IC (ينتەگرالدى تىزبەك) جوبالاۋدان، ميكرو كورسەتكىش بولشەكتەردى وندىرۋدەن، وپتيكالىق جۇيەنى جوبالاۋدان، جاساۋدان زەردەلى تاقپالى تەرمينالعا دەيىنگى تۇتاس كاسىپ سالاسى تىزبەگى بار، مەملەكەت دارەجەلى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان شاعىن الپاۋىت كاسىپورىن، مەملەكەتتىك ءبىلىم مەنشىك ۇقىعىن باسقارۋ سىناق ءتۇيىنى ورنى بولىپ باعالانعان، ت. ب.
شەشۋشى تەحنيكا كوپتەگەن جۇيەگە قولدانىلىپ، بازار ۇلەسى ۇزدىكسىز كەڭەيدى
شىيا عىلىم - تەحنيكاسى 12 ديۋمدىق كريستال ساقيناعا دەن قويىلعان كرەمني نەگىزدى OLED ميكرو تۇرپاتتى كورسەتۋ بولشەكتەرى ءوندىرىس جەلىسىن قۇردى، ايىنا 9 مىڭ دانا 12 ديۋمدىق كريستال ساقينا وندىرە الادى. ءداستۇرلى 8 ديۋمدىق كريستال ساقينامەن سالىستىرعاندا، 12 ديۋمدىق كريستال ساقينانىڭ وزىندىك قۇنى ءتىپتى دە تومەن، تەحنيكالىق تۇعىرى ءتىپتى دە وزىق. دەربەس زەرتتەۋ - اشۋ ارقىلى سەرىكتەستىك ەلەكتر ارقىلى قوزعاۋ، جوعارى جاڭالانۋ شاماسى، اۋقىمدى ءتۇس ءوڭىرى، قاباتتالعان اق جارىق OLED بولشەكتەرى سياقتى ءبىر توپ شەشۋشى تەحنيكانى ءساتتى يگەردى. قازىرگە دەيىن شىيا عىلىم – تەحنيكاسى 420 دان استام ءتۇرلى پاتەنت ۇقىعىن ءوتىنىش ەتتى.
”سەرىكتەستىگىمىز 2 - ءوندىرىس جەلىسى قۇرىلىسىن ىلگەرىلەتۋدە، مەجەمەن بيىل 5 - ايدا جابدىق ورنالاسادى، بولاشاقتا ءتۇرلى قاريدارلاردىڭ ءوندىرىس قۋاتى قاجەتىن اناعۇرلىم قاناعاتتاندىرامىز“. شىيا عىلىم - تەحنيكاسى جورالار القاسى كەڭسەسىنىڭ جاۋاپتىسى لي يانمين بىلاي دەدى: سەرىكتەستىكتىڭ قازىرگى زاۆود ۇيلەرىنە 3 ءوندىرىس جەلىسى سيادى، كريستال ساقينا پلاستينكاسىنىڭ ءوندىرىس قۋاتى ەڭ جوعارى بولعاندا ايىنا 27 مىڭ پارشاعا جەتەدى.
IC جوباسى − سەرىكتەستىكتىڭ تاعى ءبىر ماڭىزدى باسەكەلىك قۋاتى. شىيا عىلىم – تەحنيكاسى قۋاتى مىعىم زەرتتەۋ - اشۋ توپتارىن شوعىرلاندىرىپ، ولكە، قالا دارەجەلى كاسىپورىنداردىڭ تەحنيكا ورتالىعى سياقتى جاڭالىق جاراتۋ تۇعىرلارىن قۇرىپ، كاسىپورىننىڭ مىعىم تەحنيكالىق قورعا يە بولۋىنا مۇمكىندىك جاساپ، كاسىپ سالاسىندا الدىڭعى ورىندى ساقتادى. جوبالانعان ينتەگرالدى تىزبەك كريستال ساقينا زاۆودىنا تاپسىرىلىپ، ونان سوڭ شىيا عىلىم - تەحنيكا زاۆودىنا قايتارىلىپ، بۋلاندىرىپ جالاتۋ، قاباتتى پەشەتتەۋ، ءتۇستى جارعاقپەن وراۋ، بولەككە ءبولۋ سياقتى جۇمىس تارتىپتەرى جۇرگىزىلەدى.
”كرەمني نەگىزدى OLED ميكرو كورسەتكىش بولشەكتەرىنىڭ تومەنگى اعارىنداعى قولدانىلمالى بازار كولەمى ۇزدىكسىز كەڭەيدى، كاسىپ سالاسى الداعى جەردە جوعارى قارقىنمەن ارتۋ مەزگىلىن قارسى الادى“. فىڭ حۋا مەجەلەپ بىلاي دەدى: سەرىكتەستىك كرەمني نەگىزدى OLED مەن تاقپالى جابدىقتاردىڭ ۇيلەسىمدىلىگىنە سۇيەنىپ، بازار كولەمى مەن بازار ۇلەسىن تەز كەڭەيتىپ، جوعارى قارقىنمەن ارتۋ كەزەڭىنە وتەدى.
شىيا عىلىم - تەحنيكاسىنىڭ كرەمني نەگىزدى OLED ميكرو ەكرانى قازىر بازاردا كوپتەپ قولدانىلۋدا. فوتو سۋرەت اۋەسكەرلەرى جونىنەن العاندا، بۇل تەحنيكا كەسكىنگە الىنعان كورىنىستى ءتىپتى دە انىق ەتىپ كورسەتىپ، ”سۋرەتكە العان زامان كورۋدى“ جۇزەگە اسىرادى.
قازىر شىيا عىلىم – تەحنيكاسى ميكرو كورسەتۋ تەحنيكاسىن ىشكى باقىلاۋىش اينانىڭ كلينيكالىق وپەراتسياسىنا قولدانۋعا كۇش سالۋدا، ۆەلوسيپەد مىنۋشىلەرگە قولايلىلىق تۋدىرۋ ءۇشىن جوبالانعان AR كوزىلدىرىگى دە بازارعا شىعارىلۋ الدىندا تۇر. فىڭ حۋا بىلاي دەپ تانىستىردى: بولاشاقتا كرەمني نەگىزدى OLED ميكرو كورسەتۋ تەحنيكاسى كاسىپ تۇرىندەگى جۇيەلەرگە كەڭىنەن قولدانىلىپ، ساۋدا كەڭسەسى، ەمدەۋ، شۇعىل جاعدايعا توتەپ بەرۋ، ءورت ءوشىرۋ، تاربيەلەۋ، ونەركاسىپ ينتەرنەتى سياقتى سالالاردا اناعۇرلىم زور رول اتقارادى.
كاسىپ تىزبەگىنمەن، قامداۋ تىزبەگىمەن ىشكەرىلەي كىرىكتى
سەرىكتەستىك شاڭحايدا قۇرىلعان ەكىنشى جىلى شىيا عىلىم - تەحنيكاسى حىفەيدە ءوندىرىس بازاسىن قۇرۋدى تاڭدادى. قازىر باس شتاپ حىفەيگە كوشىرىلدى.
”2017 - جىلى 4 - ايدا شىيا عىلىم – تەحنيكاسىنا بارىپ تەكسەرۋ - زەرتتەۋ جۇرگىزگەننەن كەيىن، ولاردىڭ حىفىەيدىڭ جاڭاشا كورسەتكىش كاسىپ تىزبەگىنىڭ ۇزارتىلعان تىزبەگىن تولىقتاۋدا ماڭىزدى مانگە يە ەكەنىن بايقادىق“. سول كەزدەگى انحۇي ولكەلىك ەكونوميكا جانە ينفورماتسيالاندىرۋ مەڭگەرمەسى باستىعىنىڭ ورىنباسارى ۋاڭ حوۋلياڭ بىلاي دەدى: ەكى جاق كاسىپورىننىڭ حىفەي جاڭا پۋنكتىندەگى جوعارى، جاڭا تەحنيكالى شارۋاشىلىق اشۋ رايونىندا تياناقتانۋ ىستەرىن تەز ارادا اقىلداسىپ بەلگىلەدى.
ونىمدەردى زەرتتەۋ - اشۋ، جابدىق ساتىپ الۋ... شىيا عىلىم - تەحنيكاسى العاش قۇرىلعان كاسىپورىن رەتىندە، باستاپقى مەزگىلدە قارجى قوسۋ ءبىر مەزەت كاسىپورىننىڭ دامۋىنا تۇساۋ بولدى. شەشۋشى ساتتە حىفەي جاڭا پۋنكتىنىڭ ءوندىرىس قۋاتىنا قارجى قوسۋى، حىفەي كاسىپ سالاسىنا جەتەكشىلىك ەتۋ قورى ”الاشاق ۇقىعى + جارنا ۇقىعى“ ءوزارا ۇشتاسقان قارجى قوسۋ ءتاسىلى ارقىلى كاسىپورىندارعا دەر كەزىندە قارجى قوستى. قازىر ىلگەرىندى - كەيىندى 3 رەت قارجى قۇراۋ ارقىلى شىيا عىلىم - تەحنيكاسى كاسىپ سالاسىنداعى ايگىلى قۋاتتى سەرىكتەستىككە اينالدى. سوڭعى 3 جىلدا سەرىكتەستىكتىڭ زەرتتەۋ - اشۋعا قوسقان قارجىسى 800 ميلليون يۋانعا جەتتى.
جاڭاشا كورسەتۋ كاسىبىندەگى ميكرو كورسەتۋ كاسىبى − ينفورماتسيا ءداۋىرىنىڭ سوڭعى نەگىزى جانە سيفرلى ەكونوميكانىڭ ماڭىزدى سالاسى، نەگىزدىك، جەتەكشىلىك جانە ستراتەگيالىق ەرەكشەلىككە يە.شىيا عىلىم - تەحنيكاسى جاڭاشا كاسىپ تىزبەگىن ايگىلەيتىن تىزبەك يەسى نەگىزگى كاسىپورنى رەتىندە كاسىپ سالاسىنىڭ جوعارعى، تومەنگى اعارىنداعى كاسىپورىنداردىڭ بىرگە دامۋىنا جەتەكشىلىك ەتۋدە.
كريستال ساقينادان تاقپالى جابدىقتارعا دەيىنگى تۇتاس كاسىپ تىزبەگى تەحنيكاسىن ازىرلەگەن، شىيا عىلىم – تەحنيكاسى IC جوبالاۋ، وپتيكالىق زەرتتەۋ - اشۋ، ەكران جاساۋ سياقتى تەحنيكا سالاسىنا دەن قويىپ، ”قاتتى عىلىم - تەحنيكانى“ دامىتۋ ارقىلى مەتا عالام كاسىپ ەكولوگياسىن حالىقارالىق وزىق كورۋ تۇيسىگى قاتتى بولشەك تۇعىرىمەن قامداۋعا كۇش سالدى. ”قازىر حالىقاراداعى، ەل ىشىندەگى كوپتەگەن باستاماشى كاسىپورىن سەرىكتەستىگىمىزگە تاپسىرىپ بەرىپ، كاسىپتىك سەلبەستىك ورىستەتىپ وتىر“. لي يانمين بىلاي دەدى: ”سەرىكتەستىگىمىز كاسىپورىن تۇتىنۋشىلارىن جالپىلىق شەشۋ جوبامەن قامداۋعا كۇش سالادى“.
باس شتاپ حىفىەيدە ورنالاسۋدان سىرت، شىيا عىلىم – تەحنيكاسى شاڭحاي، شياڭگاڭ، شىنجىن قاتارلى جەرلەردە زەرتتەۋ - اشۋ ۇيىرمەسى، ساتۋ سەرىكتەستىگى قاتارلىلاردى قۇردى. ”سەرىكتەستىگىمىز جاڭاشا كورسەتكىش كاسىپ تىزبەگىمەن، قامداۋ تىزبەگىمەن ىشكەرىلەي توعىسىپ، جوعارى، تومەنگى اعارداعى كاسىپورىندارمەن سەلبەسىپ، مەتا عارىش قۇرىلىسىن جانە تۇتىنۋ ەلەكتروندى بۇيىمدارىنىڭ دارەجەسىن جوعارىلاتۋدى ىلگەرىلەتەدى“ دەدى فىڭ حۋا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
