31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس – قۇرىلىس بيڭتۋانى ساندى مالىمەت قۇرىلىمىن جاساقتادى

2024.04.03 14:07 كەلۋ قاينارى : حالىق تورابى

　　بۇكىل ەلىمىز بويىنشا ساندى مالىمەت قىزمەتى جونىندەگى تۇڭعىش رەتكى ءماجىلىس 4 – ايدىڭ 1 – كۇنىنەن 2 – كۇنىنە دەيىن بەيجيڭدە اشىلدى. ءتىلشىنىڭ مەملەكەتتىك ساندى مالىمەت مەكەمەسىنەن ۇعىسۋىنشا، جەر – جەر سايكەستى ساندى مالىمەت قۇرىلىمىن جاساقتاپ بولعان.

　　قاتىستى جاۋاپتىلار مەملەكەتتىك ساندى مالىمەت قىزمەتى جونىندەگى ماجىلىستە مىنانى بىلدىرگەن: مەملەكەتتىك ساندى مالىمەت مەكەمەسى بىلتىر 10 – ايدا رەسمي ماڭدايشالىق ءىلىپ، سيفرلاندىرىپ دامىتۋ جانە ساندى مالىمەت سالاسىن باسقارۋ جاعىنداعى قىزمەتتىك جاۋاپكەرشىلىكتى مىندەتىنە العان. جەر – جەر جەرگىلىكتى جاعدايعا قاراي رەفورمانى ىلگەرىلەتىپ، 31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس – قۇرىلىس بيڭتۋانى قۇرىلىمداردى جاساقتاۋدى تۇگەلدەي ورىنداپ بولعان، مۇندا 26 قۇرىلىم دەربەس قۇرىلعان، 6 قۇرىلىم ماڭدايشالىقتى قوسىپ ءىلۋ ارقىلى قۇرىلعان.

　　بەيجيڭ قاتارلى 21 ورىن ۇكىمەت قۇرىلىسىن سيفرلاندىرۋدى ساندى مالىمەت قىزمەتىنىڭ كولەمىنە ەنگىزىپ، قۇرىلىمدىق فۋنكتسياسى الەۋمەتتىك ساندى دەرەكتەردى ءوندىرۋ جانە جيناۋ باسقىشتارىنا دەيىن كەڭەيتىلگەن. جالپى جاقتان ايتقاندا، ىشكەرىلەي بىرگە ارەكەتتەنەتىن، جان – جاقتى سەلبەسەتىن ساندى مالىمەت جۇيەسىنىڭ نەگىزى قالىپتاسقان.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved