دوۋيىن تەكشەسىنىڭ الدامكوستىككە قارسى تۇرۋ جونىندەگى ەسكەرتۋى: جۇرەكشە بەلگىنى باسۋ ارقىلى اقشا تابۋعا بولادى دەگەن ايتىلىم الدامكوستەردىڭ شىرعاسى
2024.04.03 14:09 كەلۋ قاينارى : حالىق تورابى
جۋىردا دوۋيىن تەكشەسى ”جالعان ساۋدالاسۋ، جۇرەكشە بەلگىنى باسۋ، باسقالاردىڭ اتىنان كەسكىن شىعارۋ قاتارلى قوسىمشا قىزمەت بەرەمىز دەگەن الدامكوستىك جونىندەگى ەسكەرتۋدى“ جاريالاعان، ەسكەرتۋدە بىلاي دەلىنگەن: ءىشىنارا تىركەلگىلەر قوسىمشا قىزمەتكە ادام قابىلداۋ جونىندەگى ينفورماتسيالاردى جەكە حات ارقىلى نەمەسە توپتاردا شوعىرلى جولداعان، بۇل مازمۇندار جالعان ساۋدالاسۋ، جۇرەكشە بەلگىنى باسۋ، باسقالاردىڭ اتىنان كەسكىن شىعارۋ قاتارلى ءتۇرلى فورمالارعا سايادى، ولار الداماقشى بولعان اداممەن حابارلاسقان سوڭ، شاعىن سومادا ەڭبەكاقى بەرۋ ارقىلى قارسى جاقتى ءۇشىنشى جاقتىڭ APP تەكشەسىندە ۇزدىكسىز اقشا جوتكەۋگە، تىركەلگىگە اقشا ساقتاۋعا شىرعالايدى، سوڭىندا الداماقشى بولعان ادامنىڭ مال – مۇلكىن زيانعا ۇشىراتادى.
دوۋيىن تەكشەسى بارشا قولدانۋشىلارعا مىنانى ەسكەرتەدى: ينتەرنەت جەلىسىندەگى قوسىمشا قىزمەت تانىستىرۋعا قاتىستى ينفورماتسيالاردان ساق بولۋ قاجەت، وتە – موتە، ءۇشىنشى جاقتىڭ APP تەكشەسىن ءتۇسىرۋدى، كەپىلدىك قاراجات تاپسىرۋدى تالاپ ەتكەن، اقشا كىرگىزۋ ارقىلى كىرىس سوماسىن جوعارىلاتۋعا بولادى دەپ دابىرايتقان جاعدايعا جولىققاندا، اتقارۋ باسقىشىن دەرەۋ توقتاتقانىڭىز ءجون.
سونىمەن بىرگە، تەكشە دە وسى تەكتەس الدامكوستىك ارەكەتىنە ۇزدىكسىز سوققى بەرۋدە، 2024 – جىلى 1 – ايدان 2 – ايعا دەيىن، قوسىمشا قىزمەت بەرۋ، جالعاننان ساۋدالاسۋ قاتارلى الدامكوستىك ارەكەتتەرگە ساياتىن تىركەلگىلەردەن 160 مىڭنان استامىن جازالاعان، جالعان ساۋدالاسۋدىڭ حاۋپى تۋرالى ەسكەرتۋدى كۇنىنە ورتا ەسەپپەن 3000 رەت جولداعان، 96110 ءنومىرى ارقىلى 40 مىڭنان استام (رەت) قولدانۋشىعا ەسكەرتۋ جولداعان.
دوۋيىننىڭ حاۋىپسىزدىككە قاتىستى ءبولىمى كوپشىلىككە مىنانى ەسكەرتەدى: ەگەر تەكشەدەن وزگەشە جاعدايدى بايقاساڭىز، تور بەتى جانە ەلەكتروندىق پوچتا ارقىلى اشكەرەلەۋىڭىزگە بولادى، دوۋيىن تەكشەسى دە بەلگىلەمەگە قايشى ارەكەتتەردى جانە ناشار مازمۇنداردى ۇزدىكسىز جونگە سالادى، زاڭعا قايشى قىلمىستىق ارەكەتتەردىڭ دەرەكتەرىن قوعام حاۋىپسىزدىگى ورگاندارىنا جولداپ، كوپشىلىكپەن بىرگە ”جەلىدەگى حاۋىپسىزدىكتى“ قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
