لي چياڭ يندونەزيانىڭ سايلانعان زۇڭتۇڭى پرابوۆومەن كەزدەستى
2024.04.03 15:38 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 2 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 4 - ايدىڭ 2 - كۇنى تۇستەن بۇرىن حالىق سارايىندا يندونەزيانىڭ سايلانعان زۇڭتۇڭى پرابوۆومەن كەزدەستى.
لي چياڭ مىنانى ءبىلدىردى: تاياۋ جىلداردان بەرى ەكى ەل مەملەكەت باسشىلارىنىڭ ورتاق جەتەكشىلىگىندە، جۇڭگو مەن يندونەزيانىڭ قارىم - قاتىناسى جەدەل دامىپ، جۇڭگو مەن يندونەزيانىڭ تاعدىرلاس ورتاق تۇلعاسىن بىرگە قۇرۋدىڭ تىڭ پاراعى اشىلدى. پرابوۆو مىرزا سايلانعاننان كەيىن تۇڭعىش رەت جۇڭگوعا ساپارلاي كەلىپ، ەكى ەلدىڭ تەرەڭ دوستىعىن تاعى ءبىر رەت ايگىلەدى. كەشە ءتوراعا شي جينپيڭ سىزبەن جۇڭگو - يندونەزيا قارىم - قاتىناسىنىڭ ۇزاق بولاشاقتىق دامۋىنا ساياتىن ماسەلەلەر جونىندە ىشكەرىلەي پىكىرلەسىپ، ءبىرقىدىرۋ ماڭىزدى ورتاق تانىمعا كەلدىڭىزدەر. جۇڭگو جاق يندونەزيامەن بىرگە جوعارى دەڭگەيدەگى ستراتەگيالىق ءوزارا سەنىمدىلىكتى جالعاستىرىپ، جان - جاقتى ءوزارا ءتيىمدى سەلبەستىكتى تەرەڭدەتىپ، جۇڭگو مەن يندونەزيانىڭ تاعدىرلاس ورتاق تۇلعاسى قۇرىلىسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتىپ، اناعۇرلىم كوپ تەڭ يگىلىككە كەنەلۋ جەتىستىكتەرىنە قول جەتكىزىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
لي چياڭ بىلاي دەپ اتاپ كورسەتتى: جۇڭگو جاق يندونەزيا مەن جوعارى جىكتەگىلەر قارىم - قاتىناسىنىڭ جاقسى اۋقىمىن جالعاستىرىپ، ءارقايسى جىكتەگىلەر سۇحپات مەحانيزمىنەن ويداعىداي پايدالانىپ، ساياساتتىق پىكىرلەسۋدى، سايكەسۋدى كۇشەيتۋدى قالايدى. ەكى جاق ”ءبىر بەلدەۋ، ءبىر جول“ باستاماسىن يندونەزيانىڭ دامۋ ستراتەگياسىمەن ۇشتاستىرۋدى اناعۇرلىم كۇشەيتىپ، ”وڭىرلىك جالپىلىق ەكونوميكالىق ءدالىز“ جانە ”ەكى ەلدىڭ قوس باقشاسى“ سياقتى ءتۇيىندى نىسان قۇرىلىستارىن جەدەل ىلگەرىلەتىپ، اۋىل شارۋاشىلىعى، ورمان شارۋاشىلىعى، بالىق شارۋاشىلىعى سياقتى ءداستۇرلى سالالارداعى سەلبەستىكتى تەرەڭدەتۋمەن بىرگە، سيفرلى ەكونوميكا، جاسىل ەكونوميكا سياقتى جوعارى، جاڭا تەحنيكا جانە جاڭادان گۇلدەنگەن كاسىپ سالاسى سەلبەستىگىن كەڭەيتىپ، كەدەيلىكتى ازايتۋ، دامۋ، اۋىل - قىستاقتى گۇلدەندىرۋ سياقتى حالىق تۇرمىسى سالاسىنداعى اۋىس - كۇيىستى، سەلبەستىكتى كۇشەيتۋى كەرەك. جۇڭگو جاق يندونەزيامەن بىرلەسكەن مەملەكەتتەر ۇيىمى، شىعىس ازيا سەلبەستىك مەحانيزمى سياقتى كوپ جاقتى سالالارداعى قارىم - قاتىناستى، سەلبەستىكتى كۇشەيتىپ، قالىڭ وركەندەپ كەلە جاتقان ەلدەردىڭ مۇددەسىن بىرگە قورعاپ، حالىقارالىق ادىلدىك پەن ادىلەتتىلىكتى قورعاپ، دۇنيە ءجۇزىن جونگە سالۋدىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتىپ، ءوڭىردىڭ جانە دۇنيە ءجۇزىنىڭ گۇلدەنۋى مەن ورنىقتىلىعىنا بەلسەندى ۇلەس قوسۋدى قالايدى.
پرابوۆو مىنانى ءبىلدىردى: يندونەزيانىڭ جۇڭگومەن بارىس - كەلىس جاساۋ تاريحى ۇزاق. يندونەزيا جۇڭگونىڭ يندونەزياعا جانە يندونەزيا حالقىنا دەگەن قۇرمەتى مەن دوستىعىن القايدى، جۇڭگونىڭ يندونەزياعا پارمەندى قولداۋ كورسەتكەنىنە جانە كومەكتەسكەنىنە العىس ايتادى. مەن سايلانعاننان كەيىن تۇڭعىش رەت جۇڭگوعا رەسمي ساپارمەن كەلىپ وتىرمىن، ەكى ەلدىڭ دوستىعى مەن سەلبەستىگىن بەكەمدەۋگە كۇش سالىپ، ەكى ەل قارىم - قاتىناسىنىڭ ساپاسىن، دارەجەسىن جوعارىلاتۋدى جەبەۋگە كۇش سالامىن. يندونەزيانىڭ جاڭا ۇكىمەتى جۇڭگونىڭ قول جەتكىزگەن دامۋ جەتىستىكتەرىنە سۇيىنەدى، جۇڭگو جاقتىڭ تاجىريبەلەرىنەن ۇلگى الىپ، جۇڭگو جاقپەن نەگىزدىك قۇرىلعى قۇرىلىسى، اۋىل شارۋاشىلىعى، كەدەيلەردى سۇيەمەلدەۋ، حالىق تۇرمىسى، جاسىل ەكونوميكا سياقتى سالالارداعى سەلبەستىكتى اناعۇرلىم تەرەڭدەتىپ، اناعۇرلىم تىعىز ەكى جاقتى قارىم - قاتىناس ورناتىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىنا بەلسەندى ۇلەس قوسۋدى قالايدى.
ۋ جىڭلۇڭ كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
