الدىڭعى 2 ايدا جۇمساق بولشەك كاسىبىنىڭ كىرىسى سايكەس مەزگىلدەگىدەن %11.9 ارتتى (جاڭا ساندى مالىمەت، جاڭا ءتۇيىن)
ينفورماتسيالىق تەحنيكالىق قىزمەت وتەۋ كىرىسىنىڭ ارتۋ قارقىنى ءبىرشاما جوعارى، جاڭا كاسىپ كۇيىنىڭ ارتۋى قۋانارلىق بولدى
2024.04.03 15:40 كەلۋ قاينارى : حالىق تورابى
«حالىق گازەتى»، 4 – ايدىڭ 2 - كۇنى، بەيجيڭ (تىلشىلەر ۋاڭ جىڭ، ليۋ ۋىنشين). ءتىلشىنىڭ ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، كەڭ قولدانىلۋ جاعدايىنىڭ، وراسان زور بازار سۇرانىسىنىڭ پارمەندى تىرەگىنىڭ ارقاسىندا، بيىل الدىڭعى 2 ايدا ەلىمىزدىڭ جۇمساق بولشەك جانە ينفورماتسيا تەحنيكاسى قىزمەت وتەۋ كاسىبى تاماشا باستاما جاراتىپ، ءىشىنارا سالالار مەن رايونداردىڭ ارتۋ جاعدايى جاقسى بولعان. جۇمساق بولشەك كاسىبىنىڭ كىرىسى ءبىر تريلليون 700 ميلليارد يۋاننان اسىپ، سايكەس مەزگىلدەگىدەن %11.9 ارتقان؛ جۇمساق بولشەك كاسىبىنىڭ پايدا جالپى سوماسى 206 ميلليارد 400 ميلليون يۋان بولىپ، سايكەس مەزگىلدەگىدەن %11.5 ارتقان.
جۇمساق بولشەك ونىمدەرىنىڭ كىرىسى ورنىقتىلىق بارىسىندا جوعارىلادى. الدىڭعى 2 ايدا جۇمساق بولشەك ونىمدەرىنىڭ كىرىسى 394 ميلليارد 400 ميلليون يۋان بولىپ، سايكەس مەزگىلدەگىدەن %8.4 ارتىپ، تۇتاس كاسىپ كىرىسىنىڭ %23.1 ىن ۇستاعان. مۇنىڭ ىشىندە ونەركاسىپ جۇمساق بولشەك ونىمدەرىنىڭ كىرىسى 40 ميلليارد 700 ميلليون يۋان بولىپ، سايكەس مەزگىلدەگىدەن %8.2 ارتقان.
ينفورماتسيالىق تەحنيكالىق قىزمەت وتەۋ كىرىسىنىڭ ارتۋ قارقىنى ءبىرشاما جوعارى بولىپ، جاڭا كاسىپ كۇيىنىڭ ارتۋى قۋانارلىق بولدى. الدىڭعى 2 ايدا ينفورماتسيالىق تەحنيكالىق قىزمەت وتەۋ كىرىسى ءبىر تريلليون 100 ميلليارد يۋاننان اسىپ، سايكەس مەزگىلدەگىدەن %13.5 ارتىپ، تۇتاس كاسىپ كىرىسىنىڭ %66 ىن ۇستادى. مۇنىڭ ىشىندە بۇلتتىق ەسەپتەۋ، ءىرى ساندى مالىمەت قىزمەت وتەۋىنىڭ جالپى كىرىسى 210 ميلليارد 200 ميلليون يۋان بولىپ، سايكەس مەزگىلدەگىدەن %13.8 ارتقان؛ ينتەگرالدى تىزبەك جوبالاۋ كىرىسى 46 ميلليارد 300 ميلليون يۋان بولىپ، سايكەس مەزگىلدەگىدەن %12 ارتقان؛ ەلەكتروندىق ساۋدا تۇعىرىنىڭ تەحنيكالىق قىزمەت وتەۋ كىرىسى 137 ميلليارد 800 ميلليون يۋان بولىپ، سايكەس مەزگىلدەگىدەن %3.8 ارتقان.
ينفورماتسيا حاۋىپسىزدىگى كىرىسى ورنىقتى ارتتى. الدىڭعى 2 ايدا ينفورماتسيا حاۋىپسىزدىگى ونىمدەرى مەن قىزمەت وتەۋ كىرىسى 35 ميلليارد 200 ميلليون يۋان بولىپ، سايكەس مەزگىلدەگىدەن %13.3 ارتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
