وقۋ – اعارتۋ مينيسترلىگى وقىتۋشىلاردىڭ ءمورالىن باقىلاپ – باسقارۋدى كۇشەيتىپ، وقىتۋشىلاردىڭ ءتالىم – تاربيە بەرۋگە، وقىتۋعا جاتپايتىن اۋىرتپالىعىن شىنايى جەڭىلدەتەدى
2024.04.03 16:00 كەلۋ قاينارى : حالىق تورابى
ءتىلشىنىڭ وقۋ – اعارتۋ مينيسترلىگىنىڭ وقىتۋشىلار قىزمەتى مەڭگەرمەسىنەن ۇعىسۋىنشا، 2024 – جىلى وقىتۋشىلاردىڭ ءمورالى، ستيلى جاعىنداعى ءتالىم – تاربيەنى تەرەڭدەتىپ، وقىتۋشىلاردىڭ كاسىپتىك ارەكەتى جونىندەگى ون ءتۇرلى ولشەمدى ۇيرەنۋ جاعىنداعى ءتالىم – تاربيەنى ىشكەرىلەي ورىستەتەدى. وقىتۋشىلاردىڭ ءمورالىن باقىلاۋ – باسقارۋدى كۇشەيتىپ، ەڭ نەگىزگى ولشەم بويىنشا باسقارۋ – تەجەۋدى جانە جاۋاپكەرشىلىكتى قۋزاستىرۋدى كۇشەيتىپ، وقىتۋشىلاردىڭ ءمورالىنا ساياتىن بەلگىلەمەگە قايشى كەلگەندەردى جازالاۋ، ولارعا ەسكەرتۋ بەرۋ جانە ءتالىم – تاربيە بەرۋ، حابارلاندىرۋ شىعارىپ، اشكەرەلەۋ سىندى قاتىستى تۇزىمدەردى تياناقتاندىرادى.
وقۋ – اعارتۋ مينيسترلىگى ”مەملەكەت بويىنشا ۇزدىك وقىتۋشىلاردى جەتىلدىرۋ“ جوسپارىن تۇيىندە سىناق ەتەتىن مەكتەپتەردىڭ كولەمىن كەڭەيتىپ، اناعۇرلىم كوپ جوعارى ورەدەگى داشۋەلەردىڭ وقىتۋشىلاردى تاربيەلەۋدى ورىستەتۋىن ىلگەرىلەتىپ، مينيسترلىككە قاراستى پەداگوگيكالىق داشۋەلەردىڭ تولىق كۋرس پەن اسپيرانتۋرانى جالعاستىرۋعا ارنالعان ۇكىمەت قاراجاتىمەن وقيتىن ستۋدەنتتەرگە تاربيەنى ورىستەتۋىن ىلگەرىلەتەدى.
نەگىزدىك وقۋ – اعارتۋ سالاسىنداعى وقىتۋشىلاردىڭ جالپى تۇلعالىق ساپاسىن جوعارىلاتادى. ورتا، باستاۋىش مەكتەپتەردەگى فۋتبول مەن عىلىم ءپانىن وقىتاتىن وقىتۋشىلاردى جەتىلدىرۋ تەبىنىن كۇشەيتىپ، مۋزيكا، دەنە تاربيە، ەستەتيكا جانە ەڭبەك، سونداي – اق، پسيحولوگيالىق سالاماتتىق تاربيەسى جاعىنداعى وقىتۋشىلاردى جەتىلدىرۋدى ۇزدىكسىز ورىستەتەدى.
سيفرلاندىرۋ ارقىلى وقىتۋشىلارعا دەم بەرۋدى ىلگەرىلەتەدى. سيفرلاندىرۋ ارقىلى وقىتۋشىلارعا دەم بەرۋدى دامىتۋ ارەكەتىن اتقارىپ، وقىتۋشىلاردىڭ سيفرلاندىرۋ ورەسىن جوعارىلاتۋ جاعىنداعى اتقارىلاتىن باعدارنامانى قۇراستىرىپ، جەرگىلىكتى ورىنداردىڭ وقىتۋشىلاردىڭ سيفرلاندىرۋ ورەسىن جەتىلدىرۋدى ورىستەتۋىنە، وقىتۋشىلاردىڭ سيفرلاندىرۋ ورەسىن باعالاۋدى ورىستەتۋىنە جەتەكشىلىك ەتەدى.
مەملەكەتتىڭ زەينەتكەر وقىتۋشىلار ارەكەتى جوسپارىن ويداعىداي ۇيىمداستىرىپ اتقارىپ، مەملەكەت بويىنشا اۋىل – قىستاقتى گۇلدەندىرۋ جاعىندا ءتۇيىندى سۇيەمەلدەيتىن اۋداندارعا وقۋ – اعارتۋ سالاسىنداعى دارىندىلاردى ”ۇيىمدىق فورمادا“ سۇيەمەلدەۋگە ۇيىمداستىرۋ قىزمەتىن، ”ءۇش رايونعا“ دارىندىلار ارقىلى قولداۋ كورسەتۋ جوسپارىنداعى وقىتۋشىلارعا ارنالعان جوسپاردى، ”ۇيىمدىق فورمادا“ شينجياڭعا كومەكتەسەتىن وقۋ – اعارتۋ سالاسىنداعى دارىندىلاردى تاڭداپ جىبەرۋ قىزمەتىن ۇزدىكسىز ورىستەتەدى. جوعارى مەكتەپتەردە وقىتۋشىلاردىڭ كاسىپتىك اتاعىن باعالاۋدى باقىلاۋ – باسقارۋدى كۇشەيتىپ، وقىتۋشىلاردى باعالاۋ قىزمەتىن تۇرگە، ساتىعا ءبولىپ جاقسارتادى.
جان سانى وزگەرىسىنىڭ بەتالىسىنا توتەپ بەرىپ، وقىتۋشىلار بايلىق قاينارىن ورنالاستىرۋدى جاقسارتادى. جاۋاپكەرشىلىكتى قۋزاستىرۋ، تەكسەرىپ ءبىرجاقتى ەتۋ تەبىنىن ارتتىرىپ، مىندەتتى وقۋ – اعارتۋ ساتىسىنداعى وقىتۋشىلاردىڭ ەڭبەكاقى كىرىسىنىڭ دەڭگەيىنىڭ ورتا ەسەپپەن سول جەردەگى مەملەكەت قىزمەتكەرلەرىنىڭ ەڭبەكاقى كىرىسىنىڭ دەڭگەيىنەن تومەن بولماۋىنا كەپىلدىك ەتۋ ناتيجەسىن ۇزدىكسىز بەكەمدەيدى. الەۋمەتتىك ىستەردى مەكتەپ اۋلاسىنا ەنگىزۋدى ارناۋلى جونگە سالۋدى ورىستەتىپ، وقىتۋشىلاردىڭ وقىتۋعا، ءتالىم – تاربيە بەرۋگە جاتپايتىن اۋىرتپالىعىن شىنايى جەڭىلدەتەدى. (باس ستانسيا ورتالىق تەلەۆيزيا ءتىلشىسى پان حۇڭشۇي، ما لي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
