ەمدەۋدى قامسىزداندىرۋ كولەمىندەگى ءدارى – دارمەكتەردىڭ تىزىمدىگى ەلىمىز بويىنشا نەگىزىنەن ءبىرىڭعاي بولۋ ىسكە اسىرىلادى
2024.04.12 14:35 كەلۋ قاينارى : حالىق تورابى
مەملەكەتتىك ەمدەۋدى قامتاماسىزداندىرۋ مەڭگەرمەسى ءدارى – دارمەككە قاتىستى قىزمەت وتەۋدى باسقارۋ مەكەمەسىنىڭ باستىعى حاۋڭ شينيۇيدىڭ 4 – ايدىڭ 11 – كۇنى وتكىزىلگەن 2024 – جىلعى الدىڭعى جارىم جىلداعى كەزەكتى اقپار جاريالاۋ ماجىلىسىندە تانىستىرۋىنشا، مەملەكەتتىك ەمدەۋدى قامسىزداندىرۋ كولەمىندەگى ءدارى – دارمەكتەردىڭ تىزىمدىگى ەلىمىز بويىنشا نەگىزىنەن ءبىرىڭعاي بولۋ ىسكە اسىرىلادى، تىزىمدىكتەگى باتىسشا دارىلەر مەن جۇڭگوشا دايىن دارىلەر مەملەكەتتىك دەڭگەيدە ءبىرتۇتاس تۇراقتاندىرىلادى ءارى باسقارىلادى، جەر – جەر رەتتەۋ جۇرگىزبەيدى، تولەۋ كولەمى مەملەكەت بويىنشا ءبىرىڭعاي بولادى.
حۋاڭ شينيۇيدىڭ تانىستىرۋىنشا، مەملەكەتتىك ەمدەۋدى قامتاماسىزداندىرۋ مەكەمەسى قۇرىلعاننان كەيىن، يكەمدى رەتتەۋ مەحانيزمىن ورناتىپ، ءار جىلى جاڭادان بازارعا شىعارىلعان جاڭا دارىلەردى، جاقسى دارىلەردى تىزىمدىككە تولىقتاپ كىرگىزىپ، قازىرگە دەيىن جيىنى 744 ءدارىنى تىزىمدىككە كىرگىزدى، تىزىمدىكتەگى باتىسشا دارىلەر مەن جۇڭگوشا دايىن دارىلەردىڭ سانى 2017 – جىلداعى 2535 دارىدەن قازىرگى 3088 دارىگە ارتتى، قامتاماسىزداندىرۋ ورەسى كورنەكتى جوعارىلادى. ساناققا قاراعاندا، قازىر ەلىمىز بويىنشا ۇكىمەت اشقان ەمحانالار ساتىپ الاتىن ءدارى – دارمەكتەر ىشىندە، تىزىمدىكتەگى ءدارى – دارمەك تۇرلەرىن ساتىپ الۋ سوماسىنىڭ سالىستىرماسى %90 تەن اسقان.
مۇنان سىرت، كەلىسسوز وتكىزۋ قاتارلى شارالاردان پايدالانىپ، تىزىمدىكتەگى ءدارى – دارمەكتەردىڭ باعاسىن ۇيلەسىمدى دەڭگەيگە ءتۇسىرىپ، ناۋقاستاردىڭ اۋىرتپالىعىن جەڭىلدەتتى. حۋاڭ شينۇيدىڭ تانىستىرۋىنشا، 2024 – جىلى 1 – ايدان 2 – ايعا دەيىن، ەمدەۋ قامسىزداندىرۋى قورى كەلىسىمشارت مەرزىمىندەگى كەلىسسوز وتكىزىلگەن 397 ءدارى – دارمەك ءۇشىن 15 ميلليارد 450 ميلليون يۋان تولەنىپ، 39 ميلليون 500 مىڭ ادام (رەت) وسىدان يگىلىككە كەنەلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
