ايعا جاقىن ارالىقتا قوزعالىستى تەجەۋدى ءساتتى اتقاردى

چاڭ – ى 6 – ءنومىرلى بارلاۋ اسپابى ايدى اينالىپ ۇشاتىن وربيتاعا ءساتتى كىرگەن

2024.05.09 15:50 كەلۋ قاينارى : حالىق تورابى

　　حالىق گازەتىنىڭ 5 – ايدىڭ 8 – كۇنى بەرگەن حابارى (يۇي سىنان، ۋاڭ جىڭحۇڭ، جاڭ ۋەي) ءتىلشىنىڭ حالىقارالىق عارىش مەكەمەسىنەن ۇعىسۋىنشا، بەيجيڭ ۋاقىتى بويىنشا 5 – ايدىڭ 8 – كۇنى ساعات 10 نان 12 مينۋت وتكەندە، بەيجيڭ عارىشقا ۇشۋدى مەڭگەرۋ ورتالىعىنىڭ دالمە – ءدال مەڭگەرۋىندە، چاڭ – ي 6 – ءنومىرلى بارلاۋ اسپابى ايعا جاقىن ارالىقتا قوزعالىستى تەجەۋدى ءساتتى اتقارىپ، ايدى اينالىپ ۇشاتىن وربيتاعا ءساتتى كىرگەن.

　　ايعا جاقىن ارالىقتا قوزعالىستى تەجەۋ — چاڭ – ى 6 – ءنومىرلى بارلاۋ اسپابى ۇشۋ بارىسىندا اتقارىلاتىن وربيتاداعى شەشۋشى سيپاتتى تەجەۋ مىندەتى سانالادى. چاڭ – ى 6 – ءنومىرلى بارلاۋ اسپابى ايدىڭ ماڭىنا جاقىنداعان كەزدە قوزعالىستى تەجەپ ”تورموزداۋدى“ اتقارۋ ارقىلى ونىڭ سالىستىرمالى قارقىنىن ايدان الشاقتاۋ قارقىنىنان تومەن دەڭگەيگە ءتۇسىرىپ، ايدىڭ تارتۋ كۇشىنىڭ ىقپالىنان پايدالانىپ، ايدى اينالىپ ۇشۋدى ىسكە اسىرادى.

　　كەلەسى قادامدا، ساۋىسقان كوپىرى 2 – ءنومىرلى وتكەرمەلەۋىش جاساندى سەرىكتىڭ كومەگىندە، چاڭ – ى 6 – ءنومىرلى بارلاۋ اسپابى ايدى اينالىپ ۇشۋ وربيتاسىنداعى بيىكتىگى مەن كولبەۋ بۇرىشىن رەتتەپ، وربيتالىق اسپاپ - قايتۋ اسپابى قۇراما دەنەسى مەن قونۋ اسپابى - ۇشىرۋ اسپابى قۇراماسىن اجىراتۋدى قولايلى ساتتە اتقارادى. وسىدان سوڭ، قونۋ اسپابى – ۇشىرۋ اسپابى قۇراما دەنەسى ايدىڭ ارعى بەتىنىڭ وڭتۇستىك ۇيەگىندەگى ايتكەن ويپاتىنا باياۋ قونۋدى ورىنداپ، جوسپار بويىنشا ايدىڭ ارعى بەتىنەن ۇلگى الىپ قايتۋ مىندەتىن ورىستەتەدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved