كوممۋنيستىك جاستار وداعى 2024 — 2025 – جىلدارداعى ستۋدەنتتەردىڭ باتىس بولىكتە ەرىكتى قىزمەت وتەۋ جوسپارى قىزمەتى جونىندە ورنالاستىرۋ جاسادى
2024.05.15 15:28 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى حۋاڭ يۋە 5 – ايدىڭ 14 – كۇنى بەيجيڭنەن حابارلايدى. كوممۋنيستىك جاستار وداعى ورتالىق كوميتەتى جۋىردا ستۋدەنتتەردىڭ باتىس بولىكتە ەرىكتى قىزمەت وتەۋ جوسپارىن ىڭعايلاستىرۋ جونىندە مەملەكەت بويىنشا بەينە كەسكىن ارقىلى ءماجىلىس اشىپ، 2024 — 2025 – جىلدارداعى ستۋدەنتتەردىڭ باتىس بولىكتە ەرىكتى قىزمەت وتەۋ جوسپارى قىزمەتى جونىندە ورنالاستىرۋ جاسادى.
2024 — 2025 – جىلدارداعى ستۋدەنتتەردىڭ باتىس بولىكتە ەرىكتى قىزمەت وتەۋ جوسپارى عىلىم – تەحنيكادا جاڭالىق اشۋ، اۋىل – قىستاقتى گۇلدەندىرۋ، جاسىل تيپتى دامۋ، الەۋمەتتىك قىزمەت وتەۋ، وتاندى قورعاپ، شەكارانى كۇزەتۋ قاتارلى ماڭىزدى سالالارعا نازاردى شوعىرلاندىرادى؛ جاستاردى يدەيالىق – ساياسي جاقتان جەتەلەۋدى كورنەكتىلەندىرىپ، پارتيا ءۇشىن ادام تاربيەلەۋگە، مەملەكەت ءۇشىن دارىندى جەتىلدىرۋگە نازاردى شوعىرلاندىرىپ، جاستاردىڭ جاي قىزمەت ورنىندا ارمان مەن سەنىمگە تاباندى بولۋىنا ۇلگى كورسەتەدى ءارى جەتەكشىلىك ەتەدى؛ نەگىزگى ساتىنى باعدار ەتۋدى كورنەكتىلەندىرىپ، نىسانداردىڭ باستى ءتۇيىنىن نەگىزگى ساتىعا شوعىرلاندىرىپ، قىزمەتتە كۇشتى نەگىزگى ساتىعا ورنىقتىرادى؛ جۇڭحۋا ۇلتى ورتاق تۇلعا تانىمىن بەكەمدەۋدى كورنەكتىلەندىرىپ، شىعىس بولىك پەن باتىس بولىك اراسىنداعى سايكەسۋ مەحانيزمىن تياناقتاندىرىپ، ءار ۇلت جاستارىنىڭ ارالاسۋىن، ىشتەسۋىن، توعىسۋىن ىلگەرىلەتۋ جاعىنداعى قيمىلداردى بەلسەندى ورىستەتەدى.
كوممۋنيستىك جاستار وداعى ورتالىق كوميتەتىنىڭ قاتىستى جاۋاپتىسىنىڭ ايتۋىنشا، ستۋدەنتتەردىڭ باتىس بولىكتە ەرىكتى قىزمەت وتەۋ جوسپارىن اتقارۋ — جاڭا داۋىردەگى باتىس بولىكتى قاۋىرت اشۋعا جانە شىعىس سولتۇستىكتى جاپپاي گۇلدەندىرۋگە قىزمەت وتەۋ، شەكارانى كوركەيتىپ، حالىقتى اۋقاتتاندىرۋعا جانە شەكارانى ورنىقتىرىپ، شەكارانى بەكەمدەۋگە قىزمەت وتەۋ، جوعارى مەكتەپتەن وقۋ بىتىرگەندەردى جۇمىستاندىرۋعا قىزمەت وتەۋ جاعىنداعى ماڭىزدى شارا. بۇكىل وداقتاعىلار ءبىرىڭعاي جوسپارلاۋ وي جەلىسىندە تاباندى بولىپ، ”جوعارى مەن تومەن قوسىلا ارەكەتتەنۋ“، ”باتىس بولىك پەن شىعىس بولىك اۋىس – كۇيىس جاساۋ“، ”سەلبەسىپ جەتىلدىرۋ“ قاتارلى قىزمەت مەحانيزمدەرىن جاقسارتىپ، قىزمەت جاۋاپكەرشىلىگىن قاتايتىپ، نىساندى باسقارۋدى كۇشەيتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
