وقۋ – اعارتۋ مينيسترلىگى نەگىزدىك وقۋ – اعارتۋدىڭ ”ارناعا ءتۇسىرۋ - باسقارۋ جىلى“ قيمىلىن ورىستەتۋدى ورنالاستىردى
وقىتۋشىلاردىڭ وقۋشىلاردى جابىرلەۋ ارەكەتىنە نەمقۇرايدى قاراۋىنا قاتاڭ تيىم سالىنادى
2024.05.15 15:48 كەلۋ قاينارى : حالىق تورابى
تاياۋدا وقۋ – اعارتۋ مينيسترلىگى كەڭسەسى «نەگىزدىك وقۋ – اعارتۋدى ”ارناعا ءتۇسىرۋ - باسقارۋ جىلى“ قيمىلىن ورىستەتۋ جونىندەگى ۇقتىرۋدى» باسىپ تاراتىپ، نەگىزدىك وقۋ – اعارتۋدىڭ ”ارناعا ءتۇسىرۋ - باسقارۋ جىلى“ قيمىلىن ورىستەتۋدىڭ قىزمەت نىساناسى، ارناعا ءتۇسىرۋ - وڭاۋ ءتۇيىنى اتقارۋ باسقىشى، قىزمەت مەحانيزمىن اقاۋسىزداندىرۋ سياقتى جاقتاردا تالاپتار قويدى.
«ۇقتىرۋدا» ”ءۇش ٴتۇرلى ارناعا ءتۇسىرۋ - جونگە سالۋ ءتۇيىنى“ مەن ”12 تارماقتى ۇنامسىز تىزىمدىك“ ايقىندالىپ، حاۋىپسىزدىكتىڭ تومەنگى شەگىنەن اتتاماۋ، كۇندەلىكتى باسقارۋ ءتارتىبى بۇزىلۋ جانە وقىتۋشىلىق ءمورال، ۇستازدىق ستيل بۇزىلۋ سياقتى 3 جاقتاعى ماسەلەنى ءتۇيىندى تۇردە ارناعا ءتۇسىرۋ، جونگە سالۋ تالاپ ەتىلدى. ۇنامسىز تىزىمدىك مىنالاردى قامتيدى: پارتياعا، سوتسياليزمگە قارسى تۇرۋ، تاريحتى بۇرمالاۋ، شاپقىنشىلىقتى ۇنامدى ەتىپ كورسەتۋ سياقتى قاتە ءسوز - ارەكەتتەردىڭ جارىققا شىعۋىنا قاتاڭ تيىم سالۋ؛ مەكتەپ اۋلاسىندا كوپتىڭ ازدى باسىنۋىنا، كۇشتىنىڭ ءالسىزدى باسىنۋىنا، ۇلكەننىڭ كىشىنى باسىنۋىنا، نەمەسە وقىتۋشىلاردىڭ وقۋشىلاردى قورلاۋىنا، ىرقىنا جىبەرۋىنە قاتاڭ تيىم سالىنادى؛ مىندەتتى وقۋ – اعارتۋ مەكتەپتەرىنىڭ وقۋشى قاينارىن تاڭداۋدى ماقسات ەتكەن ءتۇرلى ەمتيحانداردى ۇيىمداستىرۋىنا نەمەسە ءتۇرلى جارىس كۋالىكتەرىن وقۋشى قابىلداۋدىڭ نەگىزى ەتۋىنە قاتاڭ تيىم سالىنادى؛ مەكتەپتەردىڭ بەلگىلەمەگە قايشىلىق جاساپ، الدىن الا وقۋ باستاۋىنا، دەمالىس ۋاقىتىن كەشەۋىلدەتۋىنە، مەرەكە، دەمالىس كۇندەرىنەن، قىستىق، جازدىق دەمالىستاردان پايدالانىپ وقۋشىلاردى توپتىق ساباق پىسىقتاۋعا ۇيىمداستىرۋعا قاتاڭ تيىم سالىنادى.
«ۇقتىرۋدا» مىنالار تالاپ ەتىلدى: جەر – جەر ”4 ءتۇرلى ءتۇزىمدى“ اقاۋسىزداندىرىپ، ارناعا ءتۇسىرۋ - جونگە سالۋ قىزمەتىن ۇدايى باسقارۋدى، ۇزاق ۋاقىت جونگە سالۋدى ىلگەرىلەتىپ، مەكتەپ باسقارۋدىڭ، مەكتەپتى جونگە سالۋدىڭ زاڭمەن جونگە سالىنۋ، جۇيەلىلەنۋ، ەگجەي - تەگجەيلى بولۋ دەڭگەيىن شىنايى جوعارىلاتۋ كەرەك. سونىمەن بىرگە، جاۋاپكەرشىلىكتى تياناقتاندىرۋ ءتۇزىمىن ورناتىپ، بەلگىلەمەگە قايشى مەكتەپ اشۋ ارەكەتتەرىن جازالاۋ تەبىنىن ارتتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
