ءتارتىپ پەن قاعيدانى ساياسي سانالىلىققا، يدەيالىق سانالىلىققا، ارەكەت سانالىلىعىنا اينالدىرۋ كەرەك
جۇڭيىن
2024.05.15 16:18 كەلۋ قاينارى : حالىق تورابى
بۇكىل پارتيادا پارتيا ءتارتىبىن ۇيرەنۋ تاربيەسىن ورىستەتۋ − پارتيانىڭ ءتارتىپ قۇرىلىسىن كۇشەيتىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋدەگى ماڭىزدى شارا. تاياۋدا باس شۋجي شي جينپيڭ چۇڭچيڭدە قىزمەت تەكسەرگەندە، پارتيانىڭ باسشىلىعىندا تيتتەي دە بوساڭسىماي تاباندى بولۋدى، پارتيا قۇرىلىسىن كۇشەيتۋدى ارقاۋ ەتە وتىرىپ ايقىن تالاپ قويىپ، ”پارتيا ءتارتىبىن ۇيرەنۋ تاربيەسىن تىڭعىلىقتى ورىستەتىپ، پارتيا مۇشەلەرىن، كادرلاردى ءتارتىپ پەن قاعيدانى شىن مانىندە ساياسي سانالىلىققا، يدەيالىق سانالىلىققا، ارەكەت سانالىلىعىنا اينالدىرۋعا جەتەكتەۋدى“ باسا دارىپتەدى.
بارلىق پارتيا ءتارتىبى مەن قاعيداسىندا ءبىرىنشى ورىندا تۇراتىنى ساياسي ءتارتىپ پەن ساياسي قاعيدا. ءتارتىپ پەن قاعيدانى ساياسي سانالىلىققا اينالدىرۋ ءۇشىن، ساياسيدا اڭعارلى ادام بولىپ، تۋدى ايقىن ۇستاي وتىرىپ ساياسيدى دارىپتەۋ سىندى ارقاۋدى قاي - قاشان دا مىقتاپ شيراتىپ، ۇلكەن دۇرىس پەن ۇلكەن بۇرىس الدىندا، ساياسي پرينسيپ ماسەلەسىندە وي - سانانى ەرەكشە سەرگەك ۇستاپ، تۇرعىدا ەرەكشە بەرىك بولىپ، پارتياعا ماڭگى ادال بولىپ، پارتيانىڭ قامىن جەپ، پارتيا ءۇشىن جاۋاپكەرشىلىگىن ادا ەتىپ، پارتيا ءۇشىن ۇلەس قوسىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتۋ كەرەك. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى ەڭ ءتۇبىرلى ساياسي ءتارتىپ جانە ساياسي قاعيدا ەتىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداۋ ءۇشىن، ءارقانداي ۋاقىتتا، ءارقانداي جاعدايدا يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، يدەيانى، ارەكەتتى بىرلىككە كەلتىرىپ، ءبىلۋ مەن ىستەۋدى ۇشتاستىرىپ، بۇيرىقتى بۇلجىتپاي اتقارىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى قوزعاۋشى كۇشى مەن بىرىككەن كۇشىن قالىپتاستىرۋ كەرەك.
بۇرىنعىلار: ”نيەتتى بۇزۋعا بولمايدى، پايدالى جاقتاردى ءبىلىپ وتىرۋ، زياندى جاقتاردى بارلاپ وتىرۋ كەرەك“ دەگەن ەكەن. ءتارتىپ پەن قاعيدانى يدەيالىق سانالىلىققا اينالدىرۋ ءۇشىن، ەرەجەگە، تارتىپكە بويسۇنۋدى كوكەيگە ۇيالاتىپ، ىشكى جاقتا ءسوز - ارەكەتتىڭ تەجەمىنە اينالدىرۋ كەرەك. جياۋ يۇيلۋدىڭ بالاسىنىڭ ويىن – تاماشاعا بەرىلۋىنە جول بەرمەۋىنەن اۋداندىق پارتكومدا ”ونعا جول بەرمەۋ“ بەلگىلەمەسىن شىعارۋىنا دەيىن، گۋ ۋىنچاڭنىڭ ءومىرىنىڭ جارىمىنان استام ۋاقىتى ورمان شارۋاشىلىعىمەن وتسە دە، ۇكىمەتتىڭ ءبىر سۇيەم اعاشىنا جۇعىسپاعانىنا دەيىن، ونان ياڭ شانجوۋدىڭ ءومىر بويى اۋىل - قىستاققا تۇسكەندە جانە ءىسساپارعا شىققاندا تاماق قاراجاتىن ءوزى تاپسىرىپ، ۇكىمەت اۆتوموبيلىن جەكە جۇمىسقا پايدالانباۋ ادەتىن ساقتاپ كەلگەنىنە دەيىن... پارتيا مۇشەلەرى، كادرلار جونىنەن العاندا، دۇرىس نيەتتە بولىپ، ءمورالدى قاستەرلەگەندە عانا، باستان - اياق ىرقىنا جىبەرمەۋگە، جولدان تايماۋعا، قاعيدادان اتتاماۋعا بولادى. پارتيا ءتارتىبىن ۇيرەنۋ بارىسىن ءتارتىپ تانىمىن كۇشەيتۋ، پارتيالىلىق تاربيەلەنۋدى جوعارىلاتۋ بارىسىنا شىن مانىندە اينالدىرىپ، يدەيالىق جاقتان ارقاۋدى بەكەمدەپ، نەگىزدى جەتىلدىرىپ، يدەيالىق سانانى، رۋحاني ورەنى، ءمورالدىق تاربيەلەنۋدى ۇزدىكسىز جوعارىلاتىپ، دۇرىس ۇقىق كوزقاراسىن، ساياسي ناتيجە كوزقاراسىن، ءىس كوزقاراسىن ورناتىپ، ساياسي تاباندىلىقتى، ءتارتىپ تاباندىلىعىن، ءمورال تاباندىلىعىن، شىرىكتەسۋدى تەجەۋ تاباندىلىعىن كۇشەيتىپ، ىشكى جاقتا قۇر قيالعا سالىنباۋعا كەپىلدىك ەتىپ، كوممۋنيستەردىڭ ساياسي قاسيەتىن ساقتاپ، باستان - اياق ادال، كىرشىكسىز بولۋدى، جاۋاپكەرشىلىك ارقالاۋدى ورىنداۋ كەرەك.
ءتارتىپ − پارتيانى باسقارۋدىڭ، پارتيانى جونگە سالۋدىڭ ”ولشەۋىشى“، سونداي - اق پارتيا مۇشەلەرىنىڭ، كادرلاردىڭ ءوز ارەكەتىن تەجەۋدەگى ولشەمى جانە تياناعى. ءتارتىپ پەن قاعيدانى ارەكەت سانالىلىعىنا اينالدىرۋ ءۇشىن، پارتيا ۋستاۆى، پارتيا ەرەجەسى، پارتيا ءتارتىبى ارقىلى ءوزىنىڭ ءسوز - ارەكەتىن تەجەپ، باقىلاۋ مەن تەجەۋگە ۇشىراعان ورتادا قىزمەت ىستەۋ، تۇرمىس كەشىرۋ ادەتىن ونان ارى قالىپتاستىرۋ كەرەك. پارتيانىڭ ءتارتىپ - قاعيدالارىن مۇقيات ۇيرەنىپ، «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىنىڭ» مازمۇنىن قاز - قالپىندا ۇيرەنىپ، ەرەجە - ءتارتىپ بويىنشا ۇيرەنۋدە، ءىس جۇزىندىكپەن ۇشتاستىرىپ ۇيرەنۋدە تاباندى بولىپ، پارتيانىڭ ءتارتىپ - قاعيدالارىنىڭ نە ەكەنىن ايقىنداپ، نەنى ىستەي الاتىنىن، نەنى ىستەي المايتىنىن ايقىنداپ، كۇندەلىكتى ءسوز - ارەكەتتىڭ ولشەم ولشەمىن ونان ارى ايقىنداپ، يدەيا مەن ارەكەتتى پارتيا ەرەجەسى، پارتيا ءتارتىبى ارقىلى تۇزەتۋ كەرەك. ءتارتىپتى ماڭداي الدى ورىنعا قويۋدا تاباندى بولىپ، ءتارتىپ اتقارۋدىڭ، زاڭ اتقارۋدىڭ ساباقتاسۋىن جەبەپ، ءتارتىپتىڭ بۇلجىماستىعىن، قاتاڭدىعىن شىنايى قورعاپ، تەمىردەي ءتارتىپتىڭ تەگەۋرىندى كۇيمەن سەس كورسەتۋىنە مۇمكىندىك جاساۋمەن بىرگە، كادرلاردىڭ ءمان بەرۋىنە، ساقتانۋىنا، تيىلۋىنا مۇمكىندىك جاساپ، بۇكىل پارتيادا ەرەجەگە، تارتىپكە بويسۇناتىن وسكەلەڭ سانالىلىق قالىپتاستىرىپ، پارتيا مۇشەلەرىنىڭ، كادرلاردىڭ تەمىردەي ءتارتىپتى سانالى تۇردە كۇندەلىكتى داعدىعا جانە ارەكەت ولشەمىنە اينالدىرۋىن ىلگەرىلەتۋ كەرەك.
قاعيدانى دارىپتەۋدە، تومەنگى شەكتى ساقتاۋ، ءسوز جوق، يمەنۋدى ءبىلۋ كەرەك. باس شۋجي شي جينپيڭ بىلاي دەپ باسا دارىپتەدى: ”ءارقانداي جايلى ورتادا دا قىراعىلىقتى جوعالتۋعا بولمايدى؛ عيبىراتتى ۇمىتپاي، بارلىق ادام ءارقاشان ەسكە الىپ تۇرۋىمىز كەرەك. سانامىزدا ’قۇرساۋ‘ بولۋى كەرەك. شىرىكتەسۋگە قارسى تۇرۋ ماڭگى جالعاسادى، يمەنۋ سەزىمى بولماسا جولدان اداسامىز“. كوڭىلدە قورقىنىش بولعاندا عانا، سوزدەن عيبىرات الامىز، ارەكەتتە تيىم بولادى. قالىڭ پارتيا مۇشەلەرى، كادرلار پارتيا ءتارتىبىن ۇيرەنۋ تاربيەسىن ورىستەتۋدى وراي ەتىپ، ءتارتىپ تالابىن سانالى تۇردە كوكەيگە ۇيالاتىپ، ارەكەتتە ايگىلەپ، يمەنۋدى ءبىلىپ، ساق بولىپ، تومەنگى شەكتى ساقتاپ، پارتياعا، حالىققا، زاڭ - تارتىپكە قۇرمەت ەتىپ، ءتارتىپتى قاتايتۋ ارقىلى پارتيانى اناعۇرلىم پارمەندى، قۇدىرەتتى ەتىپ قۇرىپ شىعىپ، تاريح پەن حالىقتىڭ سىنىنان وتە الاتىن ناقتى ناتيجە جاراتۋعا قۇلشىنۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
