جانارماي باعاسى ارزاندادى! جانارماي ساندىقشاسىن 92 – ءنومىرلى بەنزينمەن ءبىر رەت تولتىرعاندا جۇمسالاتىن قاراجات بۇرىنعىدان 9 يۋان از بولادى
2024.05.16 14:19 كەلۋ قاينارى : حالىق تورابى
مەملەكەتتىك دامۋ – رەفورما كوميتەتىنىڭ باعانى باقىلاۋ ورتالىعىنىڭ باقىلاۋىنا قاراعاندا، وسى اينالىمداعى وڭدەلگەن مۇنايدىڭ باعاسىن رەتتەۋ پەريودىندا (4 – ايدىڭ 29 – كۇنىنەن 5 – ايدىڭ 14 – كۇنىنە دەيىن) حالىقارادا مۇناي باعاسى ارزانداعان. لوندونداعى برەنتتە، نيۋ – يوركتاعى WTI دا مۇناي باعاسى الدىڭعى اينالىمداعى باعانى رەتتەۋ پەريودىنداعىمەن سالىستىرعاندا ورتا ەسەپپەن %4.8 ارزانداعان.
ءتىلشىنىڭ 5 – ايدىڭ 15 – كۇنى مەملەكەتتىك دامۋ – رەفورما كوميتەتىنەن ۇعىسۋىنشا، 5 – ايدىڭ 15 – كۇنى ساعات 24 تەن باستاپ، ەل ىشىندەگى بەنزين مەن ديزەل مايىنىڭ ءار تونناسىنىڭ باعاسى جەكە – جەكە 235 يۋان جانە 225 يۋان ارزانداعان.
ەلىمىز بويىنشا ورتا ەسەپپەن:
92 – ءنومىرلى بەنزيننىڭ ءار ليترىنىڭ باعاسى 0.18 يۋان ارزانداعان؛
95 – ءنومىرلى بەنزيننىڭ ءار ليترىنىڭ باعاسى 0.19 يۋان ارزانداعان؛
0 – ءنومىرلى ديزەل مايىنىڭ ءار ليترىنىڭ باعاسى 0.19 يۋان ارزانداعان.
وتباسىندا پايدالاناتىن جاي اۆتوموبيلدەردىڭ 50 ليترلىك جانارماي ساندىقشاسى بويىنشا ەسەپتەگەندە، ساندىقشانى ءبىر رەت 92 – ءنومىرلى بەنزينمەن تولتىرعاندا، بۇرىنعىدان 9 يۋان از جۇمساۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
