بەس تاراۋ 2024 – جىلعى جاڭا ەنەرگيالى اۆتوموبيلدى اۋىل – قىستاققا جەتكىزۋ قيمىلىن بىرگە ورىستەتەدى
2024.05.16 14:20 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاڭ شياۋجيە، جاڭ شينشين 5 – ايدىڭ 15 – كۇنى بەيجيڭنەن حابارلايدى. ونەركاسىپ جانە ينفورماتسيالاندىرۋ مينيسترلىگى قاتارلى بەس تاراۋ 5 – ايدىڭ 15 – كۇنى ۇقتىرۋ جاريالادى، 2024 – جىلعى جاڭا ەنەرگيالى اۆتوموبيلدى اۋىل – قىستاققا جەتكىزۋ قيمىلىن بىرگە ۇيىمداستىرىپ ورىستەتىپ، اۋىل – قىستاقتاعى جاڭا ەنەرگيالى اۆتوموبيلدى تۇتىنۋ، پايدالانۋ جاعىنداعى ولقىلىقتى جەدەل تولىقتايدى.
تانىستىرۋعا قاراعاندا، قيمىل ”جاسىل، تومەن كومىرتەكتى، زەردەلى، حاۋىپسىز — جاڭا تۇرمىسقا مۇمكىندىك سيلاپ، جاڭاشا ءجۇرىس – تۇرىس تاسىلىنەن يگىلىكتەنەيىك“ اتتى تاقىرىپتا 5 – ايدان 12 – ايعا دەيىن وتكىزىلەدى، اۋىل – قىستاق بازارىنا ۇيلەسەتىن، ەل اۋزىندا ءبىرشاما جاقسى اتقا يە بولعان، ساپاسى سەنىمدى جاڭا ەنەرگيالى اۆتوموبيلدەردىڭ تيپتەرىن تاڭداپ، شوعىرلى كورسەتۋ، وتىرىپ جانە جۇرگىزىپ سىناپ كورۋ قاتارلى قيمىلداردى ورىستەتىپ، تۇتىنۋشىلاردىڭ سىناپ كورۋىنە مۇمكىندىك جاساپ، ولارعا الۋان ءتۇرلى تالعام ازىرلەيدى.
قيمىل بارىسىندا باتەريانى زاريادتاۋ جانە اۋىستىرۋ جاعىندا قىزمەت وتەۋ، جاڭا ەنەرگيالى اۆتوموبيلدى قامسىزداندىرۋعا قابىلداۋ، تولەم بەرۋ، سەنىمدى قارىز بەرۋ قاتارلى فينانستىق قىزمەت وتەۋ تۇرلەرى ۇيىمداستىرىلادى، سونداي – اق، ساتىلعاننان كەيىنگى جوندەۋ – كۇتىمدەۋ قاتارلى جاقتاردا قىزمەت وتەۋ تۇرلەرىن سايكەستى اۋىل – قىستاققا جەتكىزۋ ورىستەتىلەدى ءارى اۆتوموبيىلدىڭ كونەسىن جاڭاسىنا اۋىستىرۋ، اۋدان كولەمىندە باتەريانى زاريادتاۋ جانە الماستىرۋ قۇرىلعىلارى جاعىنداعى ولقىلىقتاردى تولىقتاۋ قاتارلى قولداۋ سيپاتىندىق ساياساتتار تياناقتاندىرىلادى.
ۇقتىرۋدا مىنالار ايقىن تۇراقتاندىرىلعان: قيمىل بارىسىندا جاڭا ەنەرگيالى اۆتوموبيلدەردى جالپىلاستىرۋ جانە پايدالانۋ سالىستىرماسى جوعارى بولماعان، بولاشاقتا بازارداعى كومەسكى قۋاتى زور تيپتىك اۋدان دەڭگەيىندەگى قالالاردى تاڭداپ، ءبىرقىدىرۋ ارناۋلى قيمىلدار وتكىزىلەدى. جاڭا ەنەرگيالى اۆتوموبيل وندىرەتىن، ساتاتىن ءارقايسى كاسىپورىنداردى، فينانس قۇرىلىمدارىن، باتەريانى زاريادتاۋ جانە اۋىستىرۋ قۇرىلعىلارىن ازىرلەيتىن سەرىكتەستىكتەردى، زات ساتۋمەن جانە زات ساتقاننان كەيىن قىزمەت وتەۋمەن شۇعىلداناتىن سەرىكتەستىكتەردى بەلسەندى اتسالىسۋعا شابىتتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
