ورتا، باستاۋىش مەكتەپتەردە جاڭا داۋىردەگى جاڭا كەزەكتى ايگىلى وقىتۋشىلار مەن ايگىلى مەكتەپ مەڭگەرۋشىلەرىن جەتىلدىرۋ جوسپارى باستالدى
2024.05.16 14:22 كەلۋ قاينارى : حالىق تورابى
ءتىلشىنىڭ 5 – ايدىڭ 15 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى جۋىردا ۇقتىرۋ شىعارىپ، ورتا، باستاۋىش مەكتەپتەردە جاڭا داۋىردەگى جاڭا كەزەكتى ايگىلى وقىتۋشىلار مەن ايگىلى مەكتەپ مەڭگەرۋشىلەرىن جەتىلدىرۋ جوسپارىن (2024 – جىلدان 2027 – جىلعا دەيىن) اتقارۋ تۋرالى ورنالاستىرۋ جاساعان. بيىل اتالعان جوسپار جەتىلدىرۋ بازاسىنا ارقا سۇيەي وتىرىپ، ورتا، باستاۋىش مەكتەپتەردەن تاڭدالعان 300 دەي وقىتۋشى مەن مەكتەپ مەڭگەرۋشىسىن ءۇش جىلدىق شوعىرلى كۋرسكە قاتىناستىرادى، سونىمەن بىرگە، ايگىلى وقىتۋشىلار مەن ايگىلى مەكتەپ مەڭگەرۋشىلەرىن جەتىلدىرۋ بازاسى رەتىندە مىندەت وتەيتىن جاڭا ءبىر توپتاعى جوعارى ورەدەگى ۋنيۆەرسال داشۋەلەردى ارتتىرىپ، جەتىلدىرۋ بازاسىنىڭ سانىن جيىنى 32 ورىنعا جەتكىزەدى.
2022 – جىلعى نەگىزدە، بۇل جوسپار بويىنشا ايگىلى وقىتۋشىلار مەن ايگىلى مەكتەپ مەڭگەرۋشىلەرىن جەتىلدىرۋدى ۇزدىكسىز ىلگەرىلەتىپ، وقۋ – اعارتۋ جونىندە تانىمى ايقىن جانە وقىتۋ مەتودى تولىسقان، نەگىزدىك وقۋ – اعارتۋعا رەفورما جاساۋعا جانە ونى دامىتۋعا جەتەكشىلىك ەتە الاتىن پەداگوگ تيپىندەگى اناعۇرلىم كوپ وقىتۋشىلار مەن مەكتەپ مەڭگەرۋشىلەرىن جەتىلدىرەدى. جوسپار بويىنشا جەتىلدىرۋ وبيەكتىلەرى — جاي ورتا، باستاۋىش مەكتەپتەردە، بالالار باقشالارىندا، ارنايى وقۋ – اعارتۋ مەكتەپتەرىندە ءبىرىنشى شەپتەگى وقىتۋ، ءتالىم – تاربيە بەرۋ جانە باسقارۋ قىزمەتىمەن شۇعىلداناتىن وقىتۋشىلار مەن پارتيا باسشىلىق گرۋپپالارىنىڭ شۋجيلارى، مەكتەپ مەڭگەرۋشىلەرى، سونداي – اق، وقىتۋشىلاردى جەتىلدىرۋ قۇرىلىمدارىندا وقىتۋ، ءتالىم – تاربيە بەرۋ ىستەرىن زەرتتەۋمەن شۇعىلداناتىن ءارى ءبىرىنشى شەپتەگى امالياتقا جەتەكشىلىك ەتەتىن وقىتۋدى زەرتتەيتىن قىزمەتكەرلەر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
