كەن ەكولوگياسىن قالپىنا كەلتىرۋگە ساياتىن مەملەكەتتىك 4 ولشەم 8 – ايدا اتقارىلادى
2024.05.16 14:24 كەلۋ قاينارى : حالىق تورابى
حالىق گازەتىنىڭ ءتىلشىسى چاڭ چين 5 – ايدىڭ 15 – كۇنى بەيجيڭنەن حابارلايدى. ءتىلشىنىڭ 5 – ايدىڭ 15 – كۇنى جاراتىلىستىق بايلىق مينيسترلىگى اشقان 5 – ايداعى كەزەكتى اقپار جاريالاۋ ماجىلىسىنەن ۇعىسۋىنشا، جاراتىلىستىق بايلىق مينيسترلىگى جۋىردا «كومىر كەنىن قازعان جەرلەردى قايتا تىڭايتۋ جانە ەكولوگيالىق ورتاسىن قالپىنا كەلتىرۋ جونىندەگى تەحنيكالىق ولشەم»، «مەتال كەنىن قازعان جەرلەردى قايتا تىڭايتۋ جانە ەكولوگيالىق ورتاسىن قالپىنا كەلتىرۋ جونىندەگى تەحنيكالىق ولشەم»، «مۇناي – تابيعي گاز نىسانىنا پايدالانعان جەردى قايتا تىڭايتۋ جانە ەكولوگيالىق ورتاسىن قالپىنا كەلتىرۋ جونىندەگى تەحنيكالىق ولشەم»، «كەن اشىلعان جەردى قايتا تىڭايتۋ جانە ەكولوگيالىق ورتانى قالپىنا كەلتىرۋدى باقىلاۋ جانە وعان باعا بەرۋ جونىندەگى تەحنيكالىق ولشەم» سىندى كەننىڭ ەكولوگيالىق ورتاسىن قالپىنا كەلتىرۋگە ساياتىن مەملەكەتتىك 4 ولشەمدى ورتاعا قويعان. جاراتىلىستىق بايلىق مينيسترلىگىنىڭ مەملەكەت تەرريتورياسى اياسىندا ەكولوگيانى قالپىنا كەلتىرۋ مەڭگەرمەسىنىڭ ورىنباسار باستىعى لۋ ليحۋانىڭ تانىستىرۋىنشا، مەملەكەتتىك 4 ءتۇرلى ولشەم بيىل 8 – ايدىڭ 1 – كۇنىنەن باستاپ اتقارىلادى. بۇل قازىر ءوندىرىس ۇستىندەگى كەندەردىڭ ەكولوگياسىن ورتاسىن قالپىنا كەلتىرۋگە ساياتىن تۇڭعىش رەتكى مەملەكەتتىك ولشەم بولىپ، وندىرىستەگى كەندەرگە ”ءبىر جاعىنان قازىپ، ءبىر جاعىنان قالپىنا كەلتىرۋ“ تالابىن ورتاعا قويىپ، اتالعان سالاداعى بوستىقتى تولتىردى.
تانىستىرۋعا قاراعاندا، جەلىلەس ولشەمدەر كەن سالاسىنداعى كاسىپورىنداردىڭ ەكولوگيالىق ورتانى قالپىنا كەلتىرۋىنە عىلىمي تىرەك ازىرلەيدى. تۇتاس بارىس بويىنشا جونگە سالۋ، قالپىنا كەلتىرۋ تالابىنا ساي، ەكولوگيالىق ورتانى قالپىنا كەلتىرۋ تىزبەگىن سوڭىنان باستاپ جونگە سالۋدان قاينارىنان باستاپ قورعاۋدى، قورعاۋدى باستى ورىنعا قويىپ، قاينارىنان باستاپ ساقتانۋدى، ءبىرتۇتاس جوسپارلاپ، ءبىرتۇتاس اتقارۋدى، جاساندى جولمەن جەتەكشىلىك ەتۋ مەن تابيعي تۇردە قالپىنا كەلتىرۋدى ۇشتاستىرۋدى، جۇيەلى جونگە سالىپ، فۋنكتسياسىن جوعارىلاتۋدى، بۇقارانى قاتىناستىرىپ، بۇكىل بارىس بويىنشا باقىلاۋدى باسا دارىپتەپ، ءوندىرىس بارىسىندا جەر بەدەرىن قايتا قالىپتاستىرۋ، توپىراق قۇرىلىمىن قايتادان قالىپتاستىرۋ، وسىمدىك جامىلعىسىن قايتادان كوركەيتۋ، كورىنىس جاساۋ قاتارلى ناقتى اتقارىلاتىن شارالاردى ورتاعا قويىپ، كەن سالاسىمەن شۇعىلداناتىن كاسىپورىنداردىڭ قايتا تىڭايتۋ مەن قالپىنا كەلتىرۋدى عىلىمي ورىستەتۋىنە، جونگە سالۋ ونىمدىلىگىن جوعارىلاتۋىنا تەحنيكالىق تىرەك ازىرلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
