«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
رەفورما جاساپ، ەسىك اشۋدى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋعا ۇزدىكسىز پارمەندى قوزعاۋشى كۇش قوسۋ كەرەك
2024.05.16 16:29 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 15 – كۇنى، بەيجيڭ. 5 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 10 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «رەفورما جاساپ، ەسىك اشۋدى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋعا ۇزدىكسىز پارمەندى قوزعاۋشى كۇش قوسۋ كەرەك» اتتى ماڭىزدى ماقالاسى جاريالانادى. بۇل — باس شۋجي شي جينپيڭنىڭ 2012 - جىلى 12 – ايدان 2024 - جىلى 3 – ايعا دەيىنگى قاتىستى ماڭىزدى پايىمداۋلارىنان قىسقارتىپ قۇراستىرىلعان كىتاپ.
ماقالادا مىنالار باسا دارىپتەلدى: رەفورما جاساپ، ەسىك اشۋ — زامانىمىزداعى جۇڭگونىڭ ارشىندى قاداممەن داۋىرگە ىلەسۋىندەگى ماڭىزدى اسىلى، جۇڭگو ۇلگىسىندەگى وسىزامانداندىرۋدىڭ ءساتتى - ءساتسىز بولۋىن بەلگىلەيتىن شەشۋشى شارا. پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى رەفورمانى جاپپاي تەرەڭدەتۋدە تاريحي ۇلى تابىستارعا قول جەتتى. وسى جىلدارداعى رەفورما قىزمەتىنە قايىرىلا قاراساق، ءبىز العا قويعان ءبىرقىدىرۋ جاڭالىق اشۋ نازاريالارى، قولدانعان ءبىرقىدىرۋ كەلەلى شارالار، قول جەتكىزگەن ءبىرقىدىرۋ كەلەلى تابىستار تۇگەلدەي توڭكەرىستىك سيپات الىپ، رەفورما جاساپ، ەسىك اشۋ ارقىلى پارتيا مەن مەملەكەتتىڭ ءتۇرلى ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋدىرۋدى ىلگەرىلەتۋدىڭ جاڭا جاعدايىن اشتىق.
ماقالادا مىنالار اتاپ كورسەتىلدى: جۇڭگوشا سوتسياليزمدە تاباندى بولۋ جانە ونى دامىتۋ ءۇشىن، ءسوز جوق، قوعامدىق وندىرگىش كۇشتەردىڭ دامۋىنا ۇزدىكسىز سايكەسىپ، وندىرىستىك قاتىناستى رەتتەپ، ەكونوميكالىق بازيستىڭ دامۋىنا ۇزدىكسىز سايكەسىپ، قوندىرمانى كەمەلدەندىرۋ كەرەك. ءبىزدىڭ رەفورمانى جاپپاي تەرەڭدەتۋدى العا قويۋداعى ماقساتىمىز — ەلىمىز قوعامىنداعى نەگىزگى قايشىلىق قوزعالىسىنىڭ وزگەرىسىنە ۇيلەسۋ ارقىلى قوعامنىڭ دامۋىن ىلگەرىلەتۋ. رەفورما جاساپ، ەسىك اشۋ جۇرگىزىلە بەرەدى، اياقتالمايدى. رەفورما جاساپ، ەسىك اشۋ دا بەتالىس، مايدان، پرينسيپ بولادى. ءبىزدىڭ باعىتىمىز — سوتسياليستىك ءتۇزىمنىڭ ءوزىن - ءوزى كەمەلدەندىرۋى مەن دامىتۋىن ۇزدىكسىز ىلگەرىلەتۋ. جاڭا ءداۋىر، جاڭا جورىقتىڭ نىسانا - مىندەتتەرىن جۇزەگە اسىرۋدا رەفورمانى جاپپاي تەرەڭدەتۋدى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ءتۇبىرلى قوزعاۋشى كۇشى، جالپى جاعدايدى ورنىقتىرۋدىڭ، وزگەرىسكە توتەپ بەرۋدىڭ، جاڭا جاعداي اشۋدىڭ ماڭىزدى تۇتقاسى ەتىپ، بەتالىستى ءدال يگەرىپ، دۇرىس جولدان جازباي، جاڭالىق اشىپ، شىنايى يگەرىپ، ناقتى ىستەپ، جاڭا جورىقتا رەفورما جاساپ، ەسىك اشۋدىڭ تىڭ داستانىن جازۋ كەرەك.
ماقالادا مىنالار اتاپ كورسەتىلدى: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، رەفورما جاساپ، ەسىك اشۋدى ونان ارى جاپپاي تەرەڭدەتىپ، قوعامدىق وندىرگىش كۇشتەردى ۇزدىكسىز ازات ەتۋ جانە دامىتۋ، قوعامنىڭ ومىرشەڭدىك كۇشىن ازات ەتۋ جانە كۇشەيتۋ كەرەك. پارتيانىڭ 20 - قۇرىلتايىندا ءبىرقىدىرۋ كەلەلى رەفورما شارالارى ورتاعا قويىلدى، بۇل — پارتيا ورتالىق كوميتەتىنىڭ جاڭا ءداۋىر، جاڭا جورىقتا رەفورمانى جاپپاي تەرەڭدەتۋ جونىندە جاساعان كەلەلى ستراتەگيالىق ورنالاستىرۋى. جاپپاي سوتسياليستىك وسىزاماندانعان مەملەكەت قۇرۋ نىساناسىن تىعىز ارقاۋ ەتىپ، ءبىر توپ ستراتەگيالىق، جاسامپازدىق، جەتەكشىلىك رەفورمالاردى العا قويىپ، رەفورمانىڭ جۇيەلى، شوعىرلى، سايكەستى، جوعارى ءونىمدى بولۋىن كۇشەيتىپ، ماڭىزدى سالالار مەن شەشۋشى بۋىنداردا تىڭ تابىستارعا قول جەتكىزۋ كەرەك. رەفورمانى اناعۇرلىم جاپپاي تەرەڭدەتۋدىڭ كەلەلى شارالارىن جوسپارلاپ، ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە ۇزدىكسىز پارمەندى قوزعاۋشى كۇش قوسۋ كەرەك. ماسەلەنى نىشان ەتۋدى كورنەكتىلەندىرىپ، جاڭا دامۋ جاعدايىن ورناتۋعا جانە ساپالى دامۋدى ىلگەرىلەتۋگە تۇساۋ بولاتىن كەپتەلىس ماسەلەلەرىن، دامۋ ورتاسى مەن حالىق تۇرمىسى سالاسىنداعى قيىن ماسەلەلەردى، قوعامدىق ادىلدىك پەن ادىلەتتىلىككە قايشى كەلەتىن قولامتالى ماسەلەلەردى كۇش سالا شەشىپ، اۋىر حاۋىپ - قاتەردەن ءونىمدى ساقتانىپ جانە ونى شەشىپ، ەكونوميكالىق، قوعامدىق دامۋعا ۇزدىكسىز قوزعاۋشى كۇش، ومىرشەڭدىك كۇش قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
