«شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەردىڭ» ورىس تىلىندەگى نۇسقاسى باسپادان شىعىپ تاراتىلدى
2024.05.16 16:30 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 15 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى اۋدارعان «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەر» اتتى كىتاپتىڭ ورىس تىلىندەگى نۇسقاسى تاياۋدا ورتالىق قۇراستىرۋ - اۋدارۋ باسپاسىنان باسىلىپ شىعىپ، ەل ءىشى - سىرتىنا تاراتىلدى.
«شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەردى» جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى مەن قۇجات زەرتتەۋ ورنى رەداكسيالاعان، شي جينپيڭ جولداستىڭ 2012 - جىلى 11 – ايدان 2023 - جىلى 10 – ايعا دەيىنگى ارالىقتا جۇڭگو ۇلگىسىندەگى وسىزامانداندىرۋ توڭىرەگىندە جاريالاعان ءبىرقىدىرۋ ماڭىزدى بايىمداۋى ەنگىزىلگەن. بۇل كىتاپتىڭ ورىس تىلىندەگى نۇسقاسى مەن وسىدان بۇرىن باسپادان شىققان اعىلشىن، فرانسۋز تىلدەرىندەگى نۇسقاسى شەتەلدىك وقىرمانداردىڭ جۇڭگو ۇلگىسىندەگى وسىزامانداندىرۋدىڭ نازاريالىق جۇيەسى مەن امالياتتىق تالابىن تەرەڭ تۇسىنۋىنە، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ جۇرگەن جۇڭگو ۇلگىسىندەگى وسىزامانداندىرۋ جاڭا جولىن، جاراتقان ادامزات وركەنيەتىنىڭ جاڭا فورماتسياسىن، كورسەتكەن وسىزامانداندىرۋ جاڭا كارتيناسىن ىشكەرىلەي تۇسىنۋىندە، حالىقارالىق قوعامنىڭ قول ۇستاسا وتىرىپ وسىزاماندانۋ جولىمەن بىرگە ءجۇرىپ، بەيبىت دامۋ، ءوزارا ءتيىمدى سەلبەستىك، بىرگە گۇلدەنۋ سىندى دۇنيە ءجۇزىنىڭ وسىزاماندانۋىن جۇزەگە اسىرۋ جونىندەگى ورتاق تانىمدى كۇشەيتۋىندە كەلەلى ماڭىز الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
