ديڭ شۋەشياڭ پاكيستان زۇڭليىنىڭ ورىنباسارى، قوسىمشا سىرتقى ىستەر مينيسترى دالمەن كەزدەستى
2024.05.16 16:31 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 15 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 5 - ايدىڭ 15 - كۇنى بەيجيڭدە پاكيستان زۇڭليىنىڭ ورىنباسارى، قوسىمشا سىرتقى ىستەر مينيسترى دالمەن كەزدەستى.
ديڭ شۋەشياڭ مىنانى ءبىلدىردى: جۇڭگو مەن پاكيستان — بارلىق جاعدايدا بىردەي ستراتەگيالىق سەلبەستىك سەرىكتەرى جانە اينىماس باۋىرلاستار. ءتوراعا شي جينپيڭ پاكيستان باسشىلارىمەن كوپ رەت كەزدەسىپ، ەكى ەل قارىم - قاتىناسىنا ماڭىزدى ستراتەگيالىق جەتەكشىلىك ەتتى. جۇڭگو جاق پاكيستان جاقپەن بىرگە ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جوعارى دەڭگەيلى ستراتەگيالىق تىلدەسۋدى ساقتاپ، جۇڭگو - پاكيستان ەكونوميكالىق ءدالىزىن جوعارى ساپامەن بىرگە قۇرىپ، دامۋ مەن حاۋىپسىزدىكتى ءبىر تۇتاس جوسپارلاپ، حالىق تىلەگىنىڭ توعىسۋىن تەرەڭدەتىپ، جاڭا داۋىردەگى اناعۇرلىم تىعىز جۇڭگو - پاكيستان تاعدىرلاس ورتاق تۇلعاسىن جەدەل قۇرىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
دال مىنانى ءبىلدىردى: پاكيستان جۇڭگومەن قارىم - قاتىناسىن دامىتۋعا ايرىقشا ءمان بەرەدى، جۇڭگونىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىن باتىل قولدايدى، جۇڭگومەن ناقتى سەلبەستىكتى جاپپاي كۇشەيتىپ، ەكى ەل سەلبەستىگىنىڭ ساپاسىن جوعارىلاتىپ، دارەجەسىن جوعارىلاتۋدى ىلگەرىلەتىپ، پاكيستان مەن جۇڭگونىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
