- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«التىن قانات اقيىق» اتىنداعى جىر ٴءمۇشايراسى وتكىزىلدى
2014.01.08 15:44
«التاي گازەتىنىڭ» ءتىلشىسى قايروللا كومانتاي ۇلى حابارلايدى. 2013 ـ جىلى 30 ـ جەلتوقساندا ايماقتىق پارتكوم ۇگىت ءبولىمى مەن ايماقتىق ادەبيەت ـ كوركەمونەرشىلەر بىرلەستىگى ۇيىمداستىرعان «التىن قانات اقيىق» اتتى تۇتاس ايماق كولەمىندەگى جازبا اقىنداردىڭ جىر ءٴمۇشايراسى التاي ۇلتتار مادەنيەت ورتالىعىندا وتكىزىلدى.
قىران بويىنداعى ونەر دەسە، ولەڭ دەسە ىشكەن اسىن جەرگە قوياتىن قارا ورمان حالىقتى قارا ولەڭنىڭ قاسيەتىنە ايرانداي ۇيىتقان ايتىلمىش ءٴمۇشايرا جارىم كۇنگە جالعاسىپ، ءمۇشايراعا ايماعىمىزدىڭ ءارقايسى اۋدانىنان (قالادان) كەلگەن 20 اقىن قاتىناستى. بۇل 20 اقىن جاي اقىن ەمەس. الدىن الا جابىق تۇردە شىعارماسى جينالعان 100دەن استام اقىننىڭ ىشىنەن سارالانىپ، تالعارى بيىك تالانتىمەن دارالانىپ شىققان اقبەرەن اقىندار، جۇزدەن وزعان جۇيرىكتەر.
جاڭا جىلدى قارسى الۋ قيمىلى رەتىندە قارالعان بۇل رەتكى ءٴمۇشايراعا 18 جاستان 60 جاس ارالىعىنداعى اقىندار قاتىسىپ، اقىندارىمىز وتاندى، تۋعان جەردى، تابيعاتتى، ادامگەرشىلىكتى، اسقاق ارماندى جان ـ جاقتىلى جىرلاپ، كوركەمونەردىڭ ىشىندە كوركەم ولەڭنىڭ قۇدىرەتىن تانىتتى. سونىمەن بىرگە، ءاسەم ءان، كۇمبىرلى كۇي، تاعىلىمدى تەرمەلەردە ساحناعا كوتەرىلىپ، كەشتىڭ قىزىعىن اسىردى.
سوڭىندا، ءادىلعازىلاردىڭ ساراپتاۋىندا كوكتوعاي اۋدانىنان كەلگەن جاس اقىن سۇڭقاربەك الىكەي ۇلىنىڭ «دالا رۋحى ــ بابا رۋحى» اتتى ولەڭى باس جۇلدەنى قانجىعاسىنا بايلاپ، ايماقتىق راديو ستانسياسىنىڭ جۇرگىزۋشىسى وركەن سالۋباي ۇلىنىڭ «شاعىنۋ» اتتى ولەڭى مەن كوكتوعاي اۋدانىنىڭ اقىنى مۇراتبەك مۋسا ۇلىنىڭ «جۇڭحۋا مۇراتى» اتتى ولەڭى 2 ـ دارەجەلى سيلىقتى ەنشىلەدى. التاي ايماقتىق 1 ـ تولىق ورتا مەكتەبىنىڭ وقىتۋشىسى مانار ەسەنباي ۇلى قاتارلى 3 اقىن 3 ـ دارەجەلى سيلىق، قۋات اسىلبەك ۇلى قاتارلى 15 اقىنعا شابىتتاندىرۋ سيلىعى بۇيىردى.
ايماقتىق پارتكومنىڭ مۇشەسى، ۇگىت ءبولىمنىڭ باستىعى رازبەك قامزا ۇلى كورەرمەندەرمەن بىرلىكتە جىر ٴمۇشايراسىن ناق مايداننان تاماشالادى ءارى باس جۇلدەنى العان اقىنعا سيلىق تاراتتى.
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
