- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي ايماعى توي - تومالاق، ءولىم - ءجىتىم ىستەرى بويىنشا پارتيالى كادرلارعا «10 تيىم» بەلگىلەدى
2014.04.08 14:54 كەلۋ قاينارى : ءتاڭىرتاۋ تورابى
«توي - تومالاق ىستەرىنىڭ جايىن 10 كۇن بۇرىن ايتىپ كەستە تولتىرۋ، ءولىم - جىتىمنەن كەيىن 15 كۇن ىشىندە جاعدايدى مالىمدەپ كەستە تولتىرۋ ءارى ءوزى تۇرعان ورىن مەن ءتارتىپ تەكسەرۋ ورگانىنا جازباشا مالىمەت بەرۋ كەرەك. مۇنىڭ مازمۇندارى قوناعاسىنىڭ، ءنازىر - شىراقتىڭ ۋاقىتى، ورنى، ادام سانى، اۆتوكولىك پايدالانۋ احۋلى سياقتىلاردى قامتيدى...».
اقپاننىڭ سوڭىندا التاي ايماعى «پارتيالى كادرلاردىڭ توي - تومالاق، ءولىم - ءجىتىم ىستەرىن اناعۇرلىم جۇيەگە ءتۇسىرۋ جونىندەگى ۋاقىتتىق بەلگىلەمەنى» باسىپ تاراتتى، مۇنداعى وزەكتى مازمۇن ەسەپتەلەتىن «10 تيىمنىڭ» تارماقتارى توتەنشە ايقىن ءارى تۇسىنىكتى جازىلعان.
بيىل 20 - اقپاندا التاي ايماقتىق پارتكوم قىزمەت ستيلىن جاقسارتۋ، بۇقارامەن ەتەنە بايلانىس جاساۋعا قاتىستى بەلگىلەمەلەردىڭ جانە «پارتيالى باسشى كادرلاردىڭ پاكتىكپەن بيلىك جۇرگىزۋىنە قاتىستى بىرنەشە ەرەجەنىڭ»، «پارتيا، ۇكىمەت ورگاندارىندا ۇنەمشىلدىكتى دارىپتەپ، ىسىراپشىلدىققا قارسى تۇرۋ جونىندەگى ەرەجەنىڭ»، «پارتيالى كادرلاردىڭ توي - تومالاق، ءولىم - ءجىتىم ىستەرىن وتكىزۋىن باقىلاۋ - باسقارۋدى اناعۇرلىم كۇشەيتۋ جونىندەگى حابارلاندىرۋدىڭ» قاتىستى تالابىنا ساي، «پارتيالى كادرلاردىڭ توي - تومالاق، ءولىم - ءجىتىم ىستەرىن اناعۇرلىم جۇيەگە ءتۇسىرۋ جونىندەگى ۋاقىتتىق اتقارۋ بەلگىلەمەسىن» باسىپ تاراتتى.
بەلگىلەمەدە 10 جاقتان قاتاڭ تالاپ قويىلعان: پارتيالى كادرلاردىڭ توي - تومالاق، ءولىم - ءجىتىم ىستەرىندە تەك تىكە تۋىستارىن عانا شاقىرۋىنا رۇقسات ەتىلەدى، قىزمەتتەستەرىنىڭ، ساباقتاستارىنىڭ جانە جاقىن دوستارىنىڭ كومەكتەسۋىنە بولادى، ءبىراق تارتۋ - تارالعى اپارۋىنا تيىم سالىنادى؛ پارتيالى كادرلار وزىنەن، اكە - شەشەسىنەن (جۇبايىنىڭ اكە - شەشەسى قامتىلادى)، ۇل - قىزدارىنان سىرت، باسقانىڭ توي - تومالاق، ءولىم - ءجىتىم ىستەرىن (ءنازىرىن) جونەلتۋىنە بولمايدى؛ پارتيالى كادرلار قونىس جاڭالاۋ، قونىس اۋدارۋ، پەرزەنتتەرىنىڭ قىرقىنان شىعۋى، جاسقا تولۋى، سۇندەت تويى، سىرعا تويى، جوعارىلاپ وقۋ، اسكەرگە قابىلدانۋ، قارتتاردىڭ جاسىن تويلاۋ سياقتىلارعا تەك تىكە تۋىستارىن عانا شاقىرۋىنا بولادى، باعاق تاراتۋىنا بولمايدى؛ پارتيالى كادرلار توي - تومالاق، ءولىم - ءجىتىم ىستەرىن وتكىزۋدە ۇكىمەت اۆتوكولىگىن ىستەتۋىنە تيىم سالىنادى؛ ءارقانداي مەكەمە - ورىننىڭ تارتۋ - تارالعىسىن، اقشاسىن قابىلداۋىنا تيىم سالىنادى؛ ۇكىمەت جۇمىسىن ءادىل اتقارۋعا ىقپال جاساۋ مۇمكىندىگى بار ءارقانداي باسقارۋشى نەمەسە قىزمەت وتەۋشى وبيەكتىلەردىڭ تارتۋ - تارالعىسىن قابىلداۋىنا بولمايدى؛ جەكەنىڭ مەكەمە - ورىننىڭ اتىمەن قوناعاسىعا نەمەسە تارتۋ ۇسىنۋعا قاتىناسۋىنا بولمايدى؛ جەكەنىڭ تارتۋ - تارالعىلارىن مەكەمە - ورىننىڭ ەسەپتەن كوتەرۋىنە نەمەسە ءتۇسىن وزگەرتىپ ەسەپتەن كوتەرۋىنە تيىم سالىنادى؛ قوعامدىق الەۋمەتتىك ءمورالدى زياندايتىن سودەگەي قيمىل نەمەسە سوقىر سەنىم قيمىلىن وتكىزۋگە تيىم سالىنادى؛ ءدىن ارقىلى نەكە ىسىنە كيلىگۋگە، ءولىم - ءجىتىم ىستەرىنە كيلىگۋگە، ارالاسۋىنا تيىم سالىنادى.
التاي قالالىق ساۋداگەر شاقىرۋ مەكەمەسى كەڭسەسىنىڭ كادرى داي جىنشيڭ 22 - ناۋرىزدا نەكەلەندى، كەلىنشەگىنە رومانتيكالى توي سالتىن وتكىزىپ بەرۋ ءۇشىن، ول جىلدىڭ سوڭىندا توي ىستەرى سەرىكتەستىگىمەن، جۇرگىزۋشىمەن بايلانىس جاساپ قويعان ەدى ءارى ءبىرتالاي دوس - جاراندارىن نەكەلەنۋ تويىنا قاتىناسۋعا ۇسىنىس ەتپەك بولدى. «10 تيىم» شىعارىلعاننان كەيىن ول اسىلگى جوسپارىن وزگەرتتى، ۇنەمشىل بولۋ جاعىن ويلاعان ول توي ىستەرى سەرىكتەستىگى مەن جۇرگىزۋشىگە تاپسىرىلعان جۇمىستاردى قايتارىپ تاستادى، تەك ەكى جاقتىڭ اتا - اناسى مەن تۋىستارى جينالىپ قاراپايىم عانا تاماق جەدى. ول: ءبىزدىڭ قاتارداعى جاستار نەكەلەنۋدىڭ قاۋىرت مەزگىلىندە، وتكەندە ءار ايدا 3 - 4 باعاق تاپسىرىپ الاتىنبىز، تەك تارتۋدىڭ وزىنە ەڭبەكاقىمىزدىڭ جارتىسى كەتەتىن. قازىر بۇل ساياسات شىعارىلعان سوڭ ۇقىپتى، ۇنەمشىل بولۋ ءداستۇرىن ساۋلەلەندىرىپ، بارلىق ءىس قاراپايىمداسىپ، تىنىشتالىپ قالدىق، - دەدى.
«10 تيىمدى» ناقتى تياناقتاندىرۋ ءۇشىن، التاي ايماعى توي - تومالاق، ءولىم - ءجىتىم ىستەرى تۋرالى مالىمەت بەرۋ ءتۇزىمىن ورناتىپ، ايقىن تالاپ بەلگىلەدى: پارتيالى كادرلار جۇڭحۋا ۇلتىنىڭ قاجىرلى، قاراپايىم، ۇنەمشىل بولۋ تاڭداۋلى ءداستۇرىن باستاماشىلدىقپەن ساۋلەلەندىرىپ، وركەنيەتتى، اقاۋسىز مادەنيەتتى دارىپتەۋى، توي - تومالاق، ءولىم - ءجىتىم ىستەرىن جاڭاشا، قاراپايىم وتكىزۋى، استا - توك وتكىزەتىن، قارا تالاساتىن كەلەڭسىز سالتتارمەن باتىل كۇرەس جاساۋى، پارتيالى كادرلار ءتىپتى دە ونەگە بولۋى كەرەك.
التاي ايماقتىق ءتارتىپ تەكسەرۋ، باقىلاۋ - تەكسەرۋ ورگاندارى مەن ۇيىمداستىرۋ تاراۋلارى تاعى 12388 جانە 12380 اشكەرەلەۋ تەلەفوندارىن جاريالادى ءارى ارىز - شاعىم سياقتى فورمالارمەن بۇقارانىڭ اشكەرەلەۋىن قابىلداپ، بەلگىلەمەگە قايشىلىق جاساعان ارەكەتتەردى قاتاڭ ءبىر جاقتىلى ەتەدى. بەلگىلەمەگە قايشىلىق جاساعان باسشى كادرلاردى تۇگەلدەي الدىمەن مىندەتىنەن توقتاتىپ، ارتىنان ءبىر جاقتىلى ەتەدى ءارى اشىق جاريالايدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
