- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بەيتۇننەن كوكتوعايعا، كوكتوعايدان جۇڭعارعا دەيىنگى تەمىر جول نىسانى مەملەكەتتىڭ 2015 ـ جىلعى قۇرىلىس جوسپارىنا الىندى
2014.08.13 15:14
التاي اقپارات تورابى، 13-تامىز.
«التاي گازەتىنىڭ» ءتىلشىسى قايروللا كومانتاي ۇلى مەن ۇسىنىس ەتىلگەن ءتىلشىسى مۇقامادي ءشارىپ ۇلى حابارلايدى.
مەملەكەت پەن اۆتونوميالى رايون زور كۇشپەن قولداپ ـ قۋاتتاپ، اۆتونوميالى رايوندىق دامۋ، رەفورمالاۋ كوميتەتىنىڭ تىنباي قۇلشىنۋىندا بەيتۇننەن كوكتوعايعا، كوكتوعايدان جۇڭعارعا دەيىنگى تەمىر جول نىسانى جۇڭگو تەمىر جول باس سەرىكتەستىگىنىڭ بيىلعى باستاپقى مەزگىلدەگى قىزمەت جوسپارى مەن 2015 ـ جىلى جاڭادان سالىناتىن قۇرىلىس جوسپارىنا الىندى.
ۇعىسۋعا قاراعاندا، 17 ـ ماۋسىمدا، جۇڭگو تەمىر جول باس سەرىكتەستىگى بەيجيڭدە جاڭادان سالىناتىن بەيتۇن ـ كوكتوعاي ـ جۇڭعار تەمىر جول نىسانى جايلى مازمۇندى ءماجىلىس اشىپ، ايتىلمىش نىساننىڭ باستاپقى قىزمەتتەرىن قاۋىرت قولعا الۋ حاقىنداعى قاۋلىنى تۇراقتاندىرعان. اڭگىمەنى ارىدان قوزعاساق، بۇل نىساننىڭ باستاپقى قىزمەتتەرى 2008 ـ جىلى باستالعان. ءبىراق مەملەكەتتىڭ تەمىر جول كاسىبىن ءبىر تۇتاس رەتتەۋى سىندى سەبەپتەرمەن ءبىر مەزگىل كەشەۋىلدەگەن. سونىمەن، 2013 ـ جىلدان باستاپ، اۆتونوميالى رايوندىق دامۋ، رەفورمالاۋ كوميتەتى مەملەكەتتىك دامۋ، رەفورمالاۋ كوميتەتى جانە جۇڭگو تەمىر جول باس سەرىكتەستىگى قاتارلى قۇزىرلى ورىندارعا ءجيى-ءجيى مالىمەت بەرىپ، وسى تەمىر جول قۇرىلىسىن باستاۋدى ءوتىنىش ەتكەن بولاتىن. 29 ـ ساۋىردە، مەملەكەتتىك كەڭەستىڭ ورىنباسار زۇڭليى ما كاي شي ـ اندا اشقان ەلىمىزدەگى ءبىر ءبولىم ايماقتاردىڭ تەمىر جول قۇرىلىسى قىزمەتى جيىنى ورايىندا، قاتىستى ورىندارعا جالعاستى ءوتىنىش ەتۋ ارقىلى مەملەكەتتىك دامۋ، رەفورمالاۋ كوميتەتى، جۇڭگو تەمىر جول باس سەرىكتەستىگى جاڭادان سالىناتىن بەيتۇننەن كوكتوعايعا، كوكتوعايدان جۇڭعارعا باراتىن تەمىر جول نىسانىن مەملەكەتتىڭ بيىلعى العاشقى دايىندىق جۇمىستارى ىستەلەتىن 20 تەمىر جول نىسانىنىڭ بىرىنە ەنگىزىپ، نىساننىڭ باستاپقى قىزمەتتەرىنىڭ ىستەلۋىنە بەرىك نەگىز قالادى. جاڭادان سالىناتىن بەيتۇن ـ كوكتوعاي ـ جۇڭعار تەمىر جول لەنياسىنىڭ جالپى ۇزىندىعى 425 كيلومەتر، العاشقى مەجەگە نەگىزدەلگەندە 8 ميلليارد 265 ميلليون يۋان قارجى قوسىلادى. تەمىر جولدىڭ سالىنۋى كۇيتۇن ـ بەيتۇن تەمىر جولى، لانجوۋ ـ شينجياڭ تەمىر جولىمەن بىرگە سولتۇستىك شينجياڭ تەمىر جول تورابىن قالىپتاستىرادى. بۇل تەمىر جول زات تاسىمالىن نەگىز ەتكەن، قوسىمشا جولاۋشى تاسىمالدايتىن تەمىر جول لەنياسى سانالادى. نىساننىڭ ىسكە قوسىلۋى ەكونوميكا، قوعام دامۋى، رايوندار ارا جول تورابى قۇرىلىمىن كەمەلدەندىرۋ، بارىس ـ كەلىستى نىعايتىپ، ۇلتتار ارا بەرەكە ـ بىرلىكتى كۇشەيتۋدە كەلەلى ءمان الادى. بۇل تەمىر جول قۇرىلىس نىسانى 2015 ـ جىلى جۇمىس باستايدى.
كەلۋ قاينارى: التاي گازەتى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
