- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىل باسىنان باستاپ ءار جىلى اۆتونوميالى رايوننان ءبىر توپ ۇزدىك از ۇلت كادرىن ورتالىقتىڭ شينجياڭداعى كاسىپورىندارىندا ۋاقىتتىق مىندەت جۇكتەپ شىنىعۋعا جىبەرۋ ۇيعارىلدى
2014.08.18 13:37 كەلۋ قاينارى : شينجياڭ حالىق راديو ستانسياسى تورابى
ورتالىق كوميتەتتىڭ شينجياڭ قىزمەتى جونىندەگى ماڭىزدى شەشىمدەرى مەن ورنالاستىرۋلارىن تياناقتاندىرۋ ءۇشىن، ورتالىق ۇيىمداستىرۋ ءبولىمىنىڭ ماقۇلداۋىمەن اۆتونوميالى رايوندىق پارتكوم، مەملەكەتتىك كەڭەستىڭ مەملەكەت مەنشىگىندەگى مال-مۇلىكتى باقىلاۋ-باسقارۋ كوميتەتىنىڭ پارتكومى بيىل جىل باسىنان باستاپ ءار جىلى اۆتونوميالى رايوننان ءبىر توپ ۇزدىك از ۇلت كادرىن ورتالىقتىڭ شينجياڭداعى كاسىپورىندارىندا ۋاقىتتىق مىندەت جۇكتەپ شىنىعۋعا جىبەرۋدى ۇيعاردى. كەشە تۇستەن بۇرىن، اۆتونوميالى رايون تۇڭعىش توپتاعى از ۇلت كادرلارىنىڭ ورتالىقتىڭ شينجياڭداعى كاسىپورىندارىندا ۋاقىتتىق مىندەت جۇكتەۋ اڭگىمە ءماجىلىسىن اشتى.
تۇڭعىش توپتا سارالاپ جىبەرىلگەن از ۇلت كادر 27 بولىپ، رايونىمىزدىڭ ءار دارەجەلى ورگان، ءىس ورىندارىنان بارعان ولار ورتالىقتىڭ شينجياڭداعى كاسىپورىندارىندا ەكى جىلدىق ۋاقىتتىق مىندەت جۇكتەپ جۇمىس ىستەۋگە بارادى. شينجياڭ اۋىل شارۋاشىلىق ۋنيۆەرسيتەتى پارتكومىنىڭ تۇراقتى مۇشەسى، ورىنباسار مەكتەپ باستىعى سۇلەيمەن ياسىن حۋاديان شينجياڭ توك تاراتۋ شەكتى سەرىكتەستىگىندە ورىنباسار باس مەڭگەرۋشىلىككە جىبەرىلىپ، وقۋدى قاتاڭ باسقاراتىن ۋنيۆەرسيتەت اۋلاسىنان ايرىلىپ، اسپاپتارى دامىلسىز اينالىمداعى زاۆوت كەن كاسپورىنىنا باراتىن بولدى. سۇلەيمەن ياسىن وبرازىنىڭ تەزارادا وزگەرەتىندىگىن ءبىلدىرىپ: «ءبارىن باسىنان باستاپ باسشىلاردان، قىزمەتكەرلەردەن ۇيرەنەمىن، ولاردىڭ بازار شارۋاشىلىعىنىڭ قاعيداسىن يگەرۋ، بازار ەكونوميكالىق ءبىلىمىن پايدالانۋ قابىلەتىن ۇيرەنىپ، تەكسەرۋ-زەرتتەۋدى ىشكەرلەي ورىستەتىپ، از ۇلت كادرلارىنىڭ ابزالدىلىعىن تولىق ساۋلەلەندىرىپ، ۇلتتار ىنتىماعى مەن زاڭ-ءتۇزىم ۇگىت تاربيەسىن كۇشەيتىپ، كاسىپورىنداردىڭ ورنىقتىلىعى مەن ءار ۇلت قىزمەتكەرلەرىنىڭ جاراسىمدى ءوتۋىن جەبەيمىن»،-دەدى.
ورتالىق كاسىپورىندارى شينجياڭ ەكونوميكاسىنىڭ دامۋىن جەبەۋ، قوعام ورنىقتىلىعىن قورعاۋ جاقتارىندا بەلسەندى رول اتقارۋدا، ورتالىق كوميتەت ورتالىق كاسىپورىندارىنىڭ شينجياڭدىق قىزمەتكەرلەردى مۇمكىندىگىنشە كوپتەپ قابىلداۋعا، قابىلدايتىن از ۇلت جۇمىسشى-قىزمەتكەرلەر سالىستىرماسىن ارتتىرۋعا، تىرەكتى كۇشتەردى تاربيەلەۋ مەن پايدالانۋدى جوسپارلى كۇشەيتۋگە شابىتتاندىردى. ۋاقىتتىق مىندەت جۇكتەلگەن كادرلاردى قابىلدايتىن ورىن جۇڭگو تەلەگراف شينجياڭ سەرىكتەستىگى ادام كۇشى بايلىعى ءبولىمىنىڭ باس مەڭگەرۋشىسى ۋ شينمين، وسى مىندەتتى مۇقيات تياناقتاندىراتىندىعىن ايتىپ: «قىزمەت ورنالاستىرۋ جاعىندا ۋاقىتتىق مىندەت جۇكتەلگەن كادرلارعا ناقتى مىندەت بەرۋ، ناقتى ۇقىق بەرۋ، ۋاقىتتىق مىندەت جۇكتەلگەن كادرلاردىڭ دەربەس قىزمەت ىستەۋ جولىن اشۋ، وتە-موتە شۇعىل، قيىن، ماڭىزدى قىزمەت مىندەتتەرىن دەركەزىندە تاپسىرىپ، ماسەلەلەردى شەشۋ مەن كۇردەلى جاعدايعا توتەپ بەرۋ قابىلەتىن ارتتىرىپ، ولاردىڭ ۋاقىتتىق مىندەت جۇكتەلگەن كەزدە ءونىمدى شىنعىپ شىڭدالۋىنا مۇمكىندىك جاساۋ كەرەك»،-دەدى.
اۆتونوميالى رايوندىق پارتكومنىڭ ورىنباسار شۋجيى حان يۇڭ اڭگىمە ماجىلىسىندە مىنانى تالاپ ەتتى: العاشقى توپتاعى ۋاقىتتىق مىندەت جۇكتەلگەن كادرلار تاماشا ورايدى قاستەرلەپ، ارتىقشىلىقتارىن تولىق ساۋلەلەندىرىپ، جۇمىسشى-قىزمەتكەر بۇقاراسىن ىنتىماقتاستىرىپ باستاپ، قىزمەتتى جاسامپازدىقپەن ورىستەتۋى كەرەك؛ مۇقيات كىشىپەيىلدىكپەن ۇيرەنىپ، وزىق تيجارات يدەياسىن، باسقارۋ تاجىريبەسىن جانە باسشىلىق ءتاسىلىن كۇش سالا يگەرىپ، قىزمەت ستيلىن تۇزەتىپ، بۇقارامەن تىعىز قارىم-قاتىناس جاسايتىن ءتۇرلى بەلگىلەمەلەردى مۇقيات اتقارىپ، ەرەكشە قامقورلىق جاسالماۋى قاجەت، ۋاقىتتق مىندەت جۇكتەلگەن كەزدە كاسىپورىندا ەڭبەكاقى الۋىنا رۇحسات ەتىلمەيدى.
مەملەكەتتىك كەڭەس مەملەكەت مەنشىگىندەگى مال-مۇلىكتى باقىلاۋ-باسقارۋ كوميتەتىنىڭ ورىنباسار مەڭگەرۋشىسى، پارتكومىنىڭ مۇشەسى جين ياڭ اڭگىمە ماجىلىسكە قاتىناستى، ءارى ءسوز سويلەدى.اۆتونوميالى رايوندىق پارتكوم ۇيىمداستىرۋ ءبولىمىنىڭ باستىعى ما شۋەجۇن ءماجىلىستى باسقاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
