- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي ايماعىنان 14 قالاشىق ەلىمىزدەگىءتۇيىندى قالاشىقتار قاتارىنا كىردى
2014.08.13 15:15
التاي اقپارات تورابى، 12-تامىز. «التاي گازەتىنىڭ» تىلشىلەرى تاڭ چيۇڭ، ەرىكتى ءتىلشىسى شيۇڭ جاۋشىڭ، ياڭ تاۋ حابارلايدى.
21 ـ شىلدە دە، مەملەكەتتىك رەفورمالاۋ، دامۋ كوميتەتى، مەملەكەتتىك قالا ـ اۋىل قۇرىلىسى مينيسترلىگى قاتارلى 7 مينيسترلىك، كوميتەت بىرلەسىپ جاڭا ءبىر توپتاعى ەلىمىزدەگى ءتۇيىندى قالاشىقتاردىڭ تىزىمدىگىن جاريالادى. جالپى 3675 قالاشىق وسى تىزىمدىككە كىرگەن، ايماعىمىزدان 14 قالاشىق وسى قاتاردان ورىن العان. بۇل 14 قالاشىق جەكە ـ جەكە مىنالار:
التاي قالاسىنىڭ ءابيتان قالاشىعى، قىزىلتاس قالاشىعى، بۋىرشىن اۋدانىنىڭ بۋىرشىن قالاشىعى، شۇڭقىر قالاشىعى، كوكتوعاي اۋدانىنىڭ قۋەرتىس قالاشىعى، كوكتوعاي قالاشىعى، بۋرىلتوعاي اۋدانىنىڭ بۋرىلتوعاي قالاشىعى، قاراماعاي قالاشىعى، قابا اۋدانىنىڭ اقشي قالاشىعى، ساربۇلاق قالاشىعى، شىڭگىل اۋدانىنىڭ شىڭگىل قالاشىعى، تايكەشكەن قالاشىعى، جەمەنەي اۋدانىنىڭ توپتەرەك قالاشىعى، جەمەنەي قالاشىعى.
ۇعىسۋعا قاراعاندا، 2004 ـ جىلى مەملەكەتتىڭ رەفورمالاۋ ـ دامۋ كوميتەتى قاتارلى 7 مينيسترلىك پەن كوميتەت 1887 مەملەكەتتىك ءتۇيىندى قالاشىقتاعى بەكىتكەننەن كەيىن، بۇل قالاشىقتار جان سانى تىعىزدىعى، كاسىپتەندىرۋدى كەڭەيتۋ، اۋىل ـ قىستاق وڭىرلەرىنىڭ دامۋىن جەتەلەۋ قاتارلى جاقتاردا بەلگىلى جەتىستىكتەرگە قول جەتكىزىپ، كوپتەگەن قالاشىق جەرلىك ورىننىڭ ەكونوميكالىق قوعام دامۋىنىڭ سەنترىنە اينالدى. 2013 ـ جىلى تامىزدا، وسى 7 مينيسترلىك پەن كوميتەت بىرلىكتە 2004 ـ جىلعى جاريالانعان ەلىمىزدەگى ٴتۇيىندى قالاشىقتار تىزىمدىگىن ارتتىرىپ، تەڭشەۋ، شاعىن قالاشىقتاردى ءبىر قادام ىلگەرلەگەن تۇردە دامىتۋ ستراتەگياسىن ۇقتىردى.
2013 ـ جىلى قاراشادا، ايماقتىق قالا ـ اۋىل قۇرىلىسى مەكەمەسى ەلىمىزدەگى ءتۇيىندى قالاشىق بولۋعا ءوتىنىش بەرۋ قىزمەتىن جاپپاي ەتەك الدىرىپ، ايماعىمىزدان 20 قالاشىقتىڭ (اۋدان قالاشىعىن قامتيدى) 18 ىنە ءبىر تۇتاس شوعىرلى ءوتىنىش بەردى. بۇل ءوتىنىشتىڭ مۇلتىكسىز قابىلدانۋى ءۇشىن، ايماقتىق قالا ـ اۋىل قۇرىلىسى مەكەمەسى جەتەكشىلىكتى كۇشەيتىپ، كوپ رەت باعالاپ ـ بەكىتۋ ءماجىلىسىن اشىپ، ءارقايسى قالاشىقتىڭ ءوتىنىش ەتۋ ماتەريالدارىن تەڭەستىرىپ، كەم ماتەريالدى تولىقتادى، سونىمەن قاتار، ارناۋلى ءبىر ادامدى اۆتونوميالى رايوندىق قالا ـ اۋىل قۇرىلىسى مەڭگەرمەسىنە جىبەرىپ، ءوتىنىش ەتۋ قىزمەتىنىڭ احۋالى مەن ماتەريالدارىن كەمەلدەندىرۋ جاعىندا دەركەزىندە حاباردار ەتتى. وسىنىڭ ارقاسىندا، ەڭ سوڭىندا، 14 قالاشىق ەلىمىز بويىنشا ءتۇيىندى قالاشىقتار قاتارىنا كىردى.
ەلىمىز بويىنشا ءتۇيىندى قالاشىققا كىرۋدىڭ شارتتارى: جان سانى بەلگىلى شەككە جەتۋ، جاعراپيالىق ەرەكشەلىگى كورنەكتى بولۋ، ەكونوميكالىق دامۋ كومەسكى كۇشى زور، قىزمەت وتەۋ يقۋاتى ءبىر شاما كەمەلدى، جوسپارلاۋ باسقارۋ قابىلەتى ءبىر شاما جوعارى، تەحنيكالىق جاڭالىق جاراتۋ قابىلەتى ءبىر شاما كۇشتى بولۋ. 7 مينيسترلىك پەن كوميتەت مىنانى اتاپ كورسەتتى: «ەلىمىزدەگى ءتۇيىندى قالاشىقتار شاعىن قالا ـ قالاشىق قۇرىلىسىنىڭ دامۋىندا ءتۇيىندى جانە جەتەكشى بولاتىن قالاشىقتار، ءارقايسى جەرلەردەگى قاتىستى ورىندار ساپانى جوعارىلاتۋ، جەردى ۇنەمدەپ ىستەتۋ، ەرەكشەلىكتى ايگىلەۋ قاتارلى تالاپتار بويىنشا ساياسات، جەر جانە نىسانداردى ورنالاستىرۋ جاعىندا مەملەكەتتىك ءتۇيىندى قالاشىقتارعا قولداۋ كورسەتىپ، ەلىمىزدەگى ءتۇيىندى قالاشىقتاردىڭ اۋماعى لايىقتى، تولىق يقۋاتتى، ورتاسى تازا، ءبىر شاما كۇشتى كەڭەيۋ قابىلەتى بار اۋىل ـ قىستاق وڭىرىندىك ەكونوميكالىق، مادەنيەت ورتالىعى ەتىپ قۇرىپ شىعىپ، قالا ءوندىرىسى اۋىس ـ كۇيىسىن جالعاستىرۋ، قالانىڭ قىسىمىن ازايتىپ، قىستاق دامۋىن قولداي الاتىن، اۋىل ـ قىستاقتىڭ ومىرشەڭدىك كۇشىن نىعايتاتىن شاعىن قالاشىق قۇرىلىسى ۇلگىلىك رولىن ارتتىرىپ، قالا ـ قالاشىق ورەسىن كورنەكتى جوعارىلاتۋ كەرەك.
كەلۋ قاينارى: «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
