- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گۇل كۇنەستىڭ اسپانىندا اسقاقتادى ءان مەن جىر
- كۇنەس اۋدانىنىڭ 31 – كەزەكتى اقىندار ايتىسى بولىپ ءوتتى
بايسۇلتان نۇپتەبەك ۇلى
2015.08.13 13:38
تامىزدىڭ 5–، 6 – كۇندەرى تاڭجارىق جولدى ۇلىنداي دارابوز اقىن، ءاشىم دۇڭشى ۇلىنداي داۋىلپاز كۇيشى شىققان، كوپتەگەن ساڭلاق اقىندار مەن تاڭداۋلى ءانشى، كۇيشى، ونەرپازدار ءوسىپ–جەتىلىپ بەيزاتتىق اسىل قازىنامىزدى قورعاۋدى جانە وعان مۇراگەرلىك ەتۋدى ۇرپاقتان– ۇرپاققا جالعاپ، دامىتىپ كەلگەن قاسيەتتى مەكەن-گۇل كۇنەستە اۆتونوميالى رايونىمىز قۇرىلعاندىعىنىڭ 60 جىلدىق مەرەي تويىن قارسى الۋ جانە وسى زامانعى مادەنيەتتى جەتەكشى ەتىپ، جەرگىلىكتى مادەنيەتتى، ەكونوميكالىق قارىم– قاتىناستى ىلگەرىلەتىپ، ۇشقارىلىقتى الاستاپ، ورنىقتىلىقتى بەكەمدەۋ، ۇلتتار ىنتىماعىن كۇشەيتىپ، جاراسىمدى قوعام قۇرۋدى باستى مازمۇن ەتكەن كۇنەس اۋدانىنىڭ 31 – كەزەكتى اقىندار ايتىسى مەن جاس اقىنداردىڭ «ۇلتتار ىنتىماعىن جىرلاپ، ۇشقارىلىقتى الاستاۋ» اتىنداعى جىر ءمۇشايراسى جانە تەرمە جارىسى ءساتتى بولىپ ءوتتى.
كۇنەس اۋداندىق پاركوم مەن حالىق ۇكىمەتىنىڭ قولداپ–قۋاتتاۋىندا سوربۇلاق قالاشىعىنىڭ ۇيىمداستىرۋىمەن وتكىزىلگەن بۇل جولعى ولەڭ تويىنىڭ، جىر تويىنىڭ ءمانى مەن ماڭىزىن كۇنەس اۋدانىنىڭ ورىنباسار اكىمى ارداق راقىم قىزى ەگجەي–تەگجەيلى ءتۇسىندىردى. مەملەكەت ءانى ورىندالعان سوڭ «ءاشىم انسامبىلى» مەن كۇنەس اۋداندىق ويىن– ساۋىق ۇيىرمەسىنىڭ ارناۋلى ازىرلەگەن كونسەرت نومىرلەرى قويىلدى. اقىندار ايتىسىنىڭ شىمىلدىعى دامۋجان توقتارباي ۇلىنىڭ دىريجورلىق ەتۋىمەن كۇنەس اۋداندىق «ءاشىم» اتىنداعى جاس وسپىرىمدەردى ونەرگە تاربيەلەۋ ورتالىعىنداعى 60 ونەرپازدىڭ وركەستىرمەن ورىنداۋىندا ءاشىم دۇڭشى ۇلىنىڭ «كۇي باسى»، «جاستار سالتاناتى» كۇيىمەن باستالىپ، نۇرشات زەيىپقان ۇلى، مايگۇل قاليقان قىزى، ەرلان مۇقان قىزى، ۇلبوسىن كەنجەباي قىزى قاتارلى ونەرپازدار مەن اقىن، تەرمەشىلەر ورىنداعان «سارى ءبيداي»، «قاراجورعا»، «ياپىراي»، «اقىندار ءانى» سياقتى اسەم ءان، ءبي، تەبىندى تەرمە، كۇمبىرلى كۇيلەردىڭ سوڭى اقىنداردىڭ جىر دوداسى مەن جاس اقىنداردىڭ «ۇلتتار ىنتىماعىن جىرلاپ، ۇشقارىلىقتى الاستاۋ» اتىنداعى جىرءمۇشايراسى جانە تەرمە جارىسى كەزەك–كەزەگىمەن جالعاستى. بۇل رەتكى ايتىسقا جالپى 28 ايتىس اقىنى، 11 تەرمەشى جانە 11 جازبا اقىن قاتىناستى. ەكى كۇنگە جالعاسقان ولەڭ تويى مەن جىر تويىندا ولار قوي ۇستىنە بوز تورعاي جۇمىرتقالاعان جاراسىمدى قوعامدى، ۇلتتاردىڭ ۇلى ىنتىماعىن، ءتيىمدى ساياساتتى، اسىرەسە، اۆتونوميالى رايونىمىز قۇرىلعاننان بەرگى تولاعاي تابىستاردى، بەرەكە–بىرلىكتى، دوستىقتى، ىنتىماقتى، سالت–سانا، ءداستۇردى ەمىرەنە جىرلاۋمەن بىرگە، جالقاۋلىق، جەمقولىق، اسپا–توك سىراپشىلدىق سياقتى كەيبىر كەلەڭسىز جايتتەردى وت تىلدەرىمەن جەرىنە جەتە وسقىلاپ، جىر تويىن دىر–دۋمانعا بولەدى.
اقىندار ايتىسىنىڭ ارەدىگىندە مەنىڭ تىلشىلىگىمدى قابىلداعان كۇنەس اۋداندىق حالىق ۇكىمەتىنىڭ ورىنباسار اكىمى ارداق راقىم قىزى گۇل كۇنەستىڭ مادەنيەت ىستەرىنىڭ دامۋ جاعىنداعى وتكەنى مەن بۇگىنگىسىن ەگجەي–تەگجەيلى ەسكە الىپ، ماقتانىشتى تۇردە: ءوندىرىس وركەندەپ، سان–سالالى شارۋاشىلىعى شالقىعان كۇنەس قازىرگە دەيىن «مەملەكەتتىك قوس قورعاۋداعى ۇلگىلى اۋدان»، «مەملەكەتتىك دەنەتاربيە قىزمەتىندەگى ۇزدىك اۋدان»، «مەملەكەتتىك عىلىم– تەحنيكا قىزمەتىندەگى ۇزدىك اۋدان»، «مەملەكەتتىك ورمان وتىرعىزۋ، جاسىلداندىرۋداعى 100 ۇزدىك اۋداننىڭ ءبىر»، «مەملەكەتتىك اۋىل شارۋاشىلىعىن ماشينالاندىرۋ ۇلگى كورسەتۋ رايونىنداعى 100 ءتۇيىندى اۋدان»، «مەملەكەتتىك تازا اۋدان قالاشىعى»، «اۆتونوميالى رايون دارەجەلى مادەنيەتتى اۋدان»، «اۆتونوميالى رايون دارەجەلى نەگىزگى ساتى ۇيىمدىق قۇرىلىسىنداعى ۇزدىك اۋدان» سياقتى مەملەكەت، اۆتونوميالى رايون دارەجەلى 50 گە تارتا داڭقتى اتاقتاردى ەنشىلەدى،– دەپ قارىشتاپ دامىپ، اعالاپ الدا كەلە جاتقان كۇنەستىڭ مادەنيەت ىستەرىنىڭ دامۋ احۋالىن قىسقا دا نۇسقا تانىستىردى.
كۇنەس اۋداندىق مادەنيەت، دەنەتاربيە، راديو–كينو–تەلەۆيزيا مەكەمەسىنىڭ باستىعى نۇرتاي ورداقان ۇلىنىڭ تانىستىرۋىنا قاراعاندا، كۇنەس اۋدانى ۇزاق جىلداردان بەرى ءداستۇرلى مادەنيەتتى قورعاۋ جانە وعان مۇراگەرلىك ەتۋ قىزمەتىن مىقتى يگەرىپ، مادەني مۇرالار مەن بەيزاتتىق مادەني مۇراعاتتاردى قورعاۋعا، پايدالانۋعا، دارالىق ەرەكشەلىككە يە وڭىرلىك مادەنيەتىن ايگىلەۋگە ۇزبەي قۇلشىنىس جاساعاندىقتان، «قازاق اڭىز– ەرتەگىلەرى»، «قازاق كۇرەسى»، «قازاق كيىز ءۇي مادەنيەتى»، «تەرى مانەرلەۋ» سىندى 10 عا جۋىق بەيزاتتىق مۇرانى اۆتونوميالى رايوننىڭ، ىلە قازاق اۆتونوميالى وبلىسىنىڭ بەيزاتتىق مۇرالار تىزىمدىگىنە تىركەتۋمەن بىرگە، تولىمدىلىق كۋالىكتەرىن دە العان. سونداي– اق نارات قالاشىعىنىڭ تاياسۋ قىستاعى «جۇڭگو قازاق سالت–سانا ەتنوگرافيالىق قىستاعى» بولىپ بەلگىلەنىپ، كۇنەس ساحاراسى «قازاق ءۇي ەڭ كوپ تىگىلگەن ساحارا» دەگەن اتپەن «ەڭدەر» قاتارىنان ورىن العان.
كۇنەس اۋدانىنىڭ 31 – كەزەكتى اقىندار ايتىسى مەن جەلىلەس ماڭىزدى قيمىلدارىن ويداعىداي ۇيىمداستىرىپ، ءساتتى وتكىزگەن سوربۇلاق قالاشىعىنىڭ باستىعى قاھار ءماجىن ۇلىن سوزگە تارتقانىمىزدا، ول:«2001 – جىلى قۇرىلعان ءبىزدىڭ سوربۇلاق قالاشىعىمىز ەگىن، مال شارۋاشىلىعىن نەگىز ەتكەن اۋدانداعى ءىرى قالاشىقتاردىڭ ءبىرى. 2014 – جىلى قالاشىعىمىزداعى شارۋالاردىڭ جان باسىندىق كىرىسى 10 مىڭ 816 يۋانعا جەتىپ، الدىڭعى جىلداعىدان ءبىر مىڭ 7 يۋان ارتتى. اۋداندىق پارتكوم مەن حالىق ۇكىمەتىنىڭ جەتەكشىلىگىندە جانە كۇنەس اۋداندىق مادەنيەت، دەنەتاربيە، راديو–كينو–تەلەۆيزيا مەكەمەسى مەن ءارقايسى اۋىل– قالاشىقتاردىڭ سايكەسۋىندە ءبىز وسى اقىندار ايتىسىن وتكىزىپ وتىرمىز. مۇنداعى ماقساتىمىز حالىققا مول رۋحاني بايلىق سيلاۋ، سالت– ءداستۇرىمىزدى ساقتاپ، جاراسىمدى قوعام قۇرۋعا بەرىك نەگىز قالاۋ،–دەپ ماقتانىشتى تۇردە جاۋاپ بەردى.
كۇنەس اۋداندىق پارتكومنىڭ شۋجى ليۋ جيانچيڭ مەن اۋدان اكىمى دولقىن دۇيسەنباي ۇلى دۋماندى جىر تويىنىڭ سالتاناتتى باستالۋى مەن جابىلۋ سالتىنا قاتىناسىپ، قالىڭ كورەرمەندەرمەن بىرگە قۋانىش شاتتىعىنا بولەندى.
ءادىلعازىلاردىڭ مۇقيات باعالاۋى ارقىلى تەرمە جارىسىندا نارات قالاشىعىنىڭ تەرمەشىسى بەرىكبول دۇيسەن ۇلى 1 – دارەجەلى، تالدى قالاشىعىنىڭ تەرمەشىسى سابينۇر 2 – دارەجەلى، قارابۋرا قالاشىعىنىڭ تەرمەشىسى نۇرسەيت مۇقان ۇلى 3 – دارەجەلى سيلىقتى ەنشىلەدى. ەركەباي، ءاليا قاتارلى 9 تەرمەشى شابىتتاندىرۋ سيلىعىن الدى. ال جاس اقىنداردىڭ «ۇلتتار ىنتىماعىن جىرلاپ، ۇشقارىلىقتى الاستاۋ» اتىنداعى جىر ءمۇشايراسىندا زەكتى قالاشىعىنان قاھار بيادىل ۇلى 1 – دارەجەلى؛ اكپار مادالي ۇلى ، ناۋاتقان شانتۋباي قىزى 2 – دارەجەلى؛ اماننۇر باتىربەك ۇلى، قىزىر، ءالنۇر 3 – دارەجەلى؛ سەمسەر، كەڭەس، داۋكەي، ساۋلە قاتارلى 5 جازبا اقىن شابىتتاندىرۋ سيلىعىن الدى. مۇنان تىس، ايتىس اقىندارىنىڭ جىر دوداسىندا اعا بۋىن اقىندار جارقىنبەك بەردىبەك ۇلى 1 – دارەجەلى؛ پاتىعالى مۇقان ۇلى 2 – دارەجەلى جۇلدەنى؛ باقىتالى تىلەۋبەردى ۇلى، نۇرسۇلتان ايتبەك ۇلى قاتارلى 5 اقىن 3– دارەجەلى جۇلدەگە يە بولدى. جاس اقىنداردىڭ جىر دوداسىندا گۇلميرا جۇماش قىزى 1 – دارەجەلى؛ قاسەننۇر سۇلتان ۇلى، نۇرلان شاريعات ۇلى 2 – دارەجەلى؛ سارقىتبەك نۇردىبەك ۇلى، اقىلجان ابىرەت ۇلى قاتارلى 5 اقىن 3 – دارەجەلى بولىپ سيلاندى. كورشى اۋدان، قالالاردان ۇسىنسپەن شاقىرىلعان زۋرا تىلەۋ قىزى مەن گۇلمان ۇلىقپان قىزىنا قۇرمەت سيلىعى بەرىلدى. جىر تويىندا نارات قالاشىعى كوللەكتيۆ 1 – دارەجەلى، سوربۇلاق قالاشىعى مەن زەكتى قالاشىعى 2 – دارەجەلى، كەڭسۋ اۋىلى مەن قارابۋرا قالاشىعى جانە تالدى قالاشىعى كوللەكتيۆ 3 – دارەجەلى جۇلدەنى ەنشىلەدى. سونىمەن ولەڭ تويىنىڭ، جىر تويىنىڭ ماداقتاۋ– سيلاۋ سوڭعى مارەسىندە كۇنەس اۋدانىنىڭ 32– كەزەكتى اقىندار ايتىسىن وتكىزۋ مىندەتىن ءوز ۇستىنە العان قارابۋرا قالاشىعىنىڭ باستىعى باقىتجان تۇتقابەك ۇلى قۋانىشتى بەينەمەن:
قارابۋرا ەجەلدەن اتىڭ اڭىز،
جاراسقان ۇرپاعىڭبىز زاتىڭا ءبىز.
اتانعان اق الاماننىڭ پاتشاسى،
كەلەر جىلعى ايتىسقا شاقىرامىز،–دەگەن ولەڭ جولدارى ارقىلى 31– كەزەكتى اقىندار ايتىسى مەن جەلىلەس ماڭىزدى قيمىلداردى ويداعىداي ۇيىمداستىرىپ، ءساتتى وتكىزگەن سوربۇلاق قالاشىعىنىڭ باستىعى قاھار ءماجىن ۇلىنان ايتىس تۋى مەن گەربىن وتكىزىپ الدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
