- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇڭعىش كەزەكتى بوياۋ شاشۋ مەرەكەسى وتكىزىلدى
2015.08.24 14:32
جۋىقتا تەكەس اۋدانى تۇڭعىش كەزەكتى بوياۋ شاشۋ كوڭىل اشۋ مەرەكەسى قيمىلىن كەڭ كولەمدى ورىستەتتى، مىڭنان استام ءار ۇلت جاستارى قيمىلعا بەلسەنە اتسالىسپ، سەگىز تاڭبالى قالاشىقتى ءاپ - ساتتە ءار الۋان ءتۇرلى تۇسكە بولەپ، الاڭدى دۋمانعا شومدىرىپ، ءار ۇلت حالقىنا زور شاتتىق سيلادى.
قيمىلعا تەك جاستار عانا ەمەس 40 تان اسقان ادامدار دا قاتىناسىپ، قيمىلدىڭ سالتاناتىن اسىردى. قالاشىق تۇرعىنى لي ميڭ: بيىل 44 جاسقا كەلدىم، اۋدانىمىزدا تۇڭعىش رەت وتكىزىلگەن بوياۋ شاشۋ كوڭىل اشۋ مەرەكەسى قيمىلىنا بالالارىمىزبەن بىرگە كەلىپ قاتىناسىپ ەرەكشە قۋانىشقا بولەندىك، قيمىلدىڭ ءمانى وتە تەرەڭ بولدى، بۇدان بىلاي دا وسىنداي قيمىلداردىڭ كوپتەپ ورىستەتىلىپ تۇرۋىن ءۇمىت ەتەمىز- دەدى.
وسى كۇنگى قيمىل اسا دۋماندى دا دابىرالى بولعاندىقتان سىرتتان تەكەس اۋدانىنا ساياحاتتاپ كەلگەن ساياحاتشىلاردى دا وزىنە باۋرادى. بەيجيڭنەن كەلگەن ساياحاتشى زىڭ سىحاڭ: بۇل قيمىلدىڭ ءمانى راسىندا تەرەڭ ەكەن، قيمىلعا قاتىناسقاندار دا سونداي بەلسەندى بەينە بايقاتتى، لەزدە - اق سەگىز تاڭبالى قالاشىقتىڭ ءسانىن ءتىپتى دە اسىرا ءتۇستى- دەدى.
بوياۋ شاشۋ مەرەكەسى قيمىلى ادامداردىڭ دەنساۋلىق ساپاسىن جوعارىلاتاتىن ماڭىزدى قيمىلداردىڭ ءبىرى، ءساندى دە سالتاناتتى، بوگەنايى بولەك قيمىل بولعاندىقتان، كوپتەگەن ادامدارعا شەكسىز شاتتىق سيلايدى. وسى قيمىلدىڭ بولاتىنىن ەستىگەن ءارۇلت جۇرتشىلىعى جابال اتسالىسىپ، نەشە ءتۇرلى تۇسكە بويالىپ، اۋدان قالاشىعىندا كورگەن كىسىنى تاڭداندىراتىن عاجايىپ اۋقىم قالىپتاستىرىپ، ءارۇلت حالقىنىڭ ءوزارا دوستىعى مەن جاراسىمدىلىعىن جەبەي ءتۇستى.
تەكەس اۋداندىق تيان يى اۆياتسيا سەرىكتىگىنىڭ باس القاسى جاڭ يان: بۇل رەتكى بوياۋ شاشۋ قيمىلى شينجياڭ بويىنشا تۇڭعىش رەت وتكىزىلگەن ماڭىزى زور تارتىمدى قيمىل بولدى. قيمىلعا قاتىناسقانداردا ءوز بەلسەندىلىكتەرىن كورسەتىپ وتە كوڭىلدى بولدى. ءبىز بۇدان بىلاي دا وسىنداي ماڭىزى زور قيمىلداردى مادەنيەتتىڭ ماڭىزدى ءبىر بەلەسى رەتىندە كۇش سالا دامىتىپ، بۇقاراعا مۇنان دا زور مەرەي باعىشتاۋعا كۇش سالامىز- دەدى.
بيىل جىل باسىنان بەرى، تەكەس اۋدانى كوپتەگەن مازمۇنى باي، ءمانى تەرەڭ دەنەتاربيە قيمىلدارىن ۇيىمداستىرىپ، ءار ۇلت بۇقاراسىنىڭ كاسىپتەن سىرتقى مادەني تۇرمىسىن بايىتۋمەن بىرگە، ءار ۇلت حالقىنىڭ دەنساۋلىق اقاۋسىزدىعى مەن جالپى تۇلعالىق ساپاسىن اناعۇرلىم جوعارىلاتتى، سونداي - اق، ۋلى شەگىمدىككە قارسى تۇرۋ، زاڭسىز ءدىني قيمىلداردى تەجەۋ سىندى جەلىلەس قيمىلداردى دا بەلسەنە ورىستەتىپ، ءار ۇلت حالقىنىڭ زاڭدىق تانىمىن جوعارىلاتۋمەن بىرگە، قوعامنىڭ تىنىشتىعى مەن جاراسىمدىلىعىن جەبەدى ءارى ءار ۇلت حالقىتىق دەنەتاربيە قيمىلداردى كەزەكتەگى ساياحات كاسىبىمەن ۇشتاستىرىپ، تەكەس اۋدانىنىڭ ساياحات ىستەرىنىڭ اقاۋسىز دا تەز دامۋىن ىلگەرىلەتە ءتۇستى.
تاعى ءبىر حابار
جۋىقتا تەكەس اۋدانى «بەستە جاقسى» قوناق سارايلاردى باعالاۋ قيمىلىن كەڭ كولەمدى ورىستەتىپ، تەكەس اۋدانىنداعى قوناق سارايلاردىڭ ساپالى قىزمەت وتەۋ ورەسىن اناعۇرلىم جوعارىلاتتى.
اۋدان بويىنشا 22 قوناق ساراي بۇل رەتكى باعالاۋ قيمىلىنا قاتىناستى، قيمىل قوناق ۇيلەردىڭ جاتىن بولمەسى، ازىق - تۇلىك ورتالىعى، ورتا تازالىعى، قىزمەت وتەۋى جانە حاۋىپسىزدىك قۇرىلىمدارىن نەگىز ەتىپ جۇرگىزىلدى.
تەكەس اۋدانى قالاشىعىنداعى شيۋ چىڭ قوناق سارايىنىڭ جاۋاپتىسى ۋاڭ يۇيشياڭ: بۇگىن تەكەس اۋداندىق ساياحات مەكەمەسى «بەستە جاقسى» قوناق سارايلاردى باعالاۋ قيمىلىن ورىستەتتى، قوناق سارايىمىز جاقسى ناتيجەگە يە بولدى. بۇدان بىلاي ءبىز قوناق سارايىمىزدىڭ قىزمەت وتەۋ ورتاسىن ونان ارى جاقسارتىپ، تەكەس اۋدانىنا ساياحاتتاي كەلگەن ساياحاتشىلارعا تاماشا دەمالىس ورتاسىن جاراتۋمەن بىرگە، ساپالى قىزمەت وتەۋگە كۇش سالامىز،- دەدى.
ۇعىسۋعا قاراعاندا، وسى رەتكى باعالاۋ قيمىلى ارقىلى، كاسىپورىنداردىڭ ءوزارا پىكىر اۋىستىرۋ، ۇزدىك تاجىريبە توپتاۋ ورەسىن جوعارىلاتۋمەن بىرگە، ساياحات كاسىبىمەن اينالىساتىن كاسىپكەرلەردىڭ تاماشا وبىرازى مەن ساپالى قىزمەت وتەۋ جاعىنداعى ۇلگىلى رولىن ايشىقتى كورنەكتىلەندىردى. سونداي- اق، «بەستە جاقسى» قوناق سارايلاردىڭ رولىن ءتىپتى دە ساۋلەلەندىرىپ، تەكەس اۋدانىنىڭ ساياحات كاسىبىنىڭ ءتىپتى دە جاندانۋىنا تىڭ نەگىز قالادى.
تەكەس اۋداندىق ساياحات مەكەمەسىنىڭ ورىنباسار باستىعى جۇمانالى بىلاي دەدى: بۇگىنگى «بەستە جاقسى» قوناق سارايلاردى باعالاۋداعى ماقساتىمىز، وسى كاسىپپەن شۇعىلداناتىن ورىنداردىڭ قىزمەت وتەۋ تانىمدارىن جوعارىلاتۋمەن بىرگە، ولاردىڭ قىزمەت وتەۋ ساپاسىن جۇيەگە ءتۇسىرۋ، وسى ارقىلى ءار ۇلت ساياحاتشىلارىنا تاماشا ورتا جاراتۋ بولىپ تابىلادى. `پانيگۇل اۋقىش قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
