- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
17جىل توراپتا قۋعىنداۋ بۇيرىعى تۇسىرىلگەن قىلمىسكەر ساۋان اۋدانىندا زاڭ تورىنا ءتۇستى
2015.12.15 16:47
جەڭىسحان اسقار ۇلى حابارلايدى. 17 جىل توراپتا قۋعىنداۋ بۇيرىعى تۇسىرىلگەن قىلمىسكەر چي كوجۇن قوس قولىن حالىق ساقشىسىنا سوزىپ تۇرىپ:«وسى كۇننىڭ كەلەرىن بىلگەن ەدىم. جۋىقتا ورتالىق تەلەۆيزيانىڭ «احپارات1+1» ايدارىنان وسى دەلوعا قاتىستى حاباردى كورگەندە مەنىڭ عانا زاڭ تورىنا تۇسپەگەنىمدى ءبىلدىم. ەندى عانا تۇرار جايىمدى الماستىرعانىمدا سەندەر كەلىپ قالدىڭدار. وسى بىرنەشە جىلدا جەگەنىم جەلىم، ىشكەنىم ءىرىڭ بولىپ، كۇندەرىم ۇرەيمەن ءوتىپ، مازاسىز كۇي كەشتىم » دەپ باستان كەشكەنىن ايتىپ زار يلەدى. 3-جەلتوقسان تاڭ ءسارى بەيجيڭ ۋاقىتى ساعات 0 دەن 20 مينۋت وتكەندە ساۋان اۋداندىق قوعام حاۋىپسىزدىگى مەكەمەسى جان-جاقتىلى ورنالاستىرۋ جاساپ، ساقشىلار تىعىز سايكەسە وتىرىپ، ايماقتىق قوعام حاۋىپسىزدىگى مەكەمەسىنىڭ قولباسشىلىعىندا بيڭتۋان اۋىل شارۋاشىلىق 8-ديۆيزياسى شىحىزى قالاسىنىڭ ساقشىلارىمەن سەلبەسىپ، ءبىر تۇرعىندار رايونىنان قاساقانا ادام زاقىمداۋ قىلمىسىن وتكىزىپ، 17 جىل بويى قاشىپ جۇرگەن چي كوجۇندى زاڭ تورىنا تۇسىرەدى.
بۇل مەملەكەت كولەمىندە ىقپالى كۇشتى، ورتالىق تەلەۆيزياسى سياقتى ءىرى احپارات دانەكەرلەرىنىڭ نازارىن اۋدارعان حىنان ولكەسى شياڭچىڭ قالاسىندا تۋىلعان «30-قاڭتار» دەلوسىمەن قاتىستى زاڭ تورىنا تۇسكەن ەڭ سوڭعى قىلمىسكەر.
دەلو جاعدايى: 1998-جىلى 30-قاڭتار بەيجيڭ ۋاقىتى ساعات 20 مولشەرىندە ەندى عانا 28 جاسقا شىققان چي كوجۇن چي جينشان، چي شۋەشان، چي باۋشان، چي حاييىڭدارمەن (مۇنىڭ ىشىندەگى 4 ادام ىلگەرىندى-كەيىندى قولعا الىندى) استاسىپ،حىنان ولكەسى جوۋكوۋ قالاسى شياڭچىڭ قالاسىنىڭ ناندۇن قالاشىعىندا قىستاق تۇرعىنى چي يۋاندى مەن لي گۇييىڭ ەرلى-زايىپتىنى ۇرىپ-سوققان. بۇل بارىستا زياندالۋشى لي گۇييىڭ جەڭىل جارالانىپ، چي يۋاندى اۋىر جارالانعاندىقتان قۇتقارۋ ءونىم بەرمەي قازا بولعاننان كەيىن، چي كوجۇن قاتارلىلار ىركەس-تىركەس سىرت جەرلەرگە بارىپ جاسىرىنعان. ىلە-شالا حىنان ولكەسى شياڭچىڭ قالاسىنداعى ساقشىلار توراپتا
قۋعىنداۋ بۇيرىعىن تۇسىرگەن.
چي كوجۇننىڭ قىلمىسىن مويىنداۋىنا نەگىزدەلگەندە، سول جىلى ول ءبىر ادامنىڭ جارالانىپ، ءبىر ادامنىڭ قازا بولعاندىعى جونىندەگى حاباردى ەستىگەننەن كەيىن تۇندەلەتىپ دەلو تۋىلعان جەردەن قاشىپ كەتكەن. زاڭنىڭ جازاسىنان قاشىپ قۇتىلۋ ءۇشىن 17 جىل بويى اتى-ءجونىن جاسىرىپ، ىلگەرىندى-كەيىندى حىبەي، حىنان سياقتى جەرلەردە جاسىرىنىپ جۇرگەن. 2009-جىلى شاعان مەرەكەسىنەن كەيىن شينجياڭعا قاشىپ كەلگەن.
قولعا ءتۇسىپ قالماۋ ءۇشىن چي كوجۇن ۇزاق ۋاقىتتان بەرى قالا مەن اۋىل اراسىنا جاسىرىنىپ، ۋاقىتتىق جۇمىس ىستەپ كۇن وتكىزگەن. تۇرار جايىن دا توقتاۋسىز اۋىستىرىپ، ءار كۇنىن الاڭداۋمەن وتكىزگەن، اعايىن-دوس تابۋعا، وتباسىنداعىلارمەن حابارلاسۋعا، ءتىپتى ادام كوپ جەرگە بارۋعا دا باتىنا الماي، ابايسىزدا ساقشىلارعا ۇستالىپ قالۋدان الاڭداعان. كەي كەزدەرى ءبىر كۇن اۋىر ەڭبەك ىستەسە دە ەڭبەكاقىسىن الا الماعان ءارى جۇمىس باسقارۋشىدان ەڭبەكاقىسىن سۇراۋعا دا باتىنا الماعان.
چي كوجۇننىڭ ايتۋىنشا، وسى بىرنەشە جىلدا ۇستالعاننان كەيىنگى ءتۇرلى زارداپتاردى ويلاپ وپىق جەگەن. اۋەلى، بۇل دەلونىڭ وسى بەتى باسىلىپ قالۋىن دا اڭساعان. بيىل قاراشادا ورتالىق تەلەۆيزيا ستانسياسىنىڭ حابارىندا بۇل وقيعانىڭ جانەدە حابارلانعاندىعىن كورگەندە ءتىپتى دە ۇرەيى ۇشقان. جۋىق ارادا ىستەگەن ەڭبەكاقىسىن الىپ قاشپاقشى بولعاندا ساقشىلاردىڭ قولىنا تۇسكەن.
كەزەكتە چي كوجۇن ساۋان ساقشىلارى جاعىنان ۋاقىتتىق قاماققا الىنىپ، حىنان ولكەسى شياڭچىڭ قالاسىنىڭ ساقشىلارىنا تاپسىرىلىپ بەرىلمەكشى.
كەلۋ قاينارى:ساۋان اۋداندىق مادەنيەت دەنە-تاربيە راديو تەلەۆيزور مەكەمەسى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
