- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلە وبلىسىنىڭ پارتيا - ۇكىمەت ۋاكىلدەر ۇيىرمەسىندەگىلەر ياڭجوۋ قالاسىندا تەكسەرۋ-زەرتتەۋ جۇرگىزدى، حۋاڭ سانپيڭ مىنانى ءۇمىت ەتتى: ىلە مەن ياڭجوۋ ەكونوميكا، كاسىپ، مادەنيەت جاقتارىنان جان - جاقتى ىستەستىك ورناتۋى كەرەك
2016.05.25 15:59
ءتىلشىمىز لي شين -ان ياڭجوۋدان حابارلايدى. مامىردىڭ 22-كۇنى وبلىستىق پارتكومنىڭ شۋجيى حۋاڭ سانپيڭ باستاعان ىلە وبلىسىنىڭ پارتيا-ۇكىمەت ۋاكىلدەر ۇيىرمەسىندەگىلەر ياڭجوۋ قالاسىندا تەكسەرۋ-زەرتتەۋ جۇرگىزدى. ياڭجوۋ قالالىق پارتكومنىڭ شۋجيى شيە جىڭ - ي تەكسەرۋ - زەرتتەۋدە بىرگە بولدى.
ياڭجوۋ قالاسىنداعى كەزىندە ىلە وبلىسىنىڭ پارتيا - ۇكىمەت ۋاكىلدەر ۇيىرمەسىندەگىلەر لي نيڭ دەنەتاربيە باقشاسى، لياۋجياگوۋ قالا ورتالىعى باقشاسى، ۋانفۋ ەرەن كوپىرى، «شۋاڭدۇڭ» تاريحي كونە كوشە رايونى، سۋشيحۋ اعىندى سۋ ينجەرياسى، سۇڭجياگوۋ دەنەتاربيە كوڭىل اشۋ باقشاسى سياقتى ورىنداردا تەكسەرۋ جۇرگىزىپ، ياڭجوۋ قالاسىنىڭ ەكونوميكاسىنىڭ دامۋى، قالا قۇرىلىسى جانە «تازا اعىندى سۋ» باقشا جۇيەسى قۇرىلىسىنىڭ جاعدايىن ەگجەي-تەگجەيلى ۇعىستى. مەيلى جاڭا نەمەسە كونە قالا قۇرىلىسى بولسىن، مەيلى قالا قۇرىلىسىنداعى ءىرى نىسانداردى اتقارۋ جانە حالىق تۇرمىسىنداعى ءىرى ىستەردى ىستەۋ جاعىندا بولسىن بارلىعى دا ىلە وبلىسىنىڭ پارتيا -ۇكىمەت ۋاكىلدەر ۇيىرمەسىنىڭ مۇشەلەرىنە تەرەڭ اسەر قالدىردى. كوپشىلىك بىلاي دەپ قارادى: ياڭجوۋ قالاسى قالا قۇرىلىسى جاعىندا كونە قالا رايونىن قورعاۋ، جاڭا قالا رايونىن دامىتۋدى بىردەي يگەرىپ، قالانىڭ بولاشاقتاعى باياندى دامۋىنا بەرىك نەگىز قالاپ، بەس ءىرى دامۋ كوزقاراسىن شىنايى بەينەلەپ، ياڭجوۋ قالاسىنىڭ وزىندىك ەرەكشەلىگىن ايگىلەگەن.
شيە جىڭ -ي ىلە وبلىسىنىڭ پارتيا - ۇكىمەت ۋاكىلدەر ۇيىرمەسىندەگىلەردىڭ ياڭجوۋ قالاسىنا كەلىپ تەكسەرۋ -زەرتتەۋ جۇرگىزۋىن قىزۋ قارسى الاتىندىعىن ءبىلدىردى. ول بىلاي دەدى: شينجياڭعا باعىتتامالى كومەك بەرۋ قىزمەتىن ويداعىداي ىستەۋ - ورتالىقتىڭ جالپى جاعداي مەن ستراتەگيالىق تۇرعىدان جاساعان ماڭىزدى شەشىمى مەن ورنالاستىرۋى ءارى ياڭجوۋ قالاسىنىڭ باس تارتپايتىن ساياسي جاۋاپكەرلىگى. ياڭجوۋ حالقى مەن كۇنەس حالقى بەينە ءبىر وتباسىنىڭ ادامدارىنداي جاقىن، ياڭجوۋ قالاسى كۇنەس اۋدانىن ياڭجوۋدىڭ جەتىنشى اۋدانى رەتىندە قاراپ، ورتالىقتىڭ تالابى جانە ولكەلىك پارتكومنىڭ ورنالاستىرۋى بويىنشا باعىتتامالى كومەك بەرۋ قىزمەتىن بۇلجىتپاي ويداعىداي اتقارىپ، كۇنەس اۋدانىنىڭ دامۋىنا ويداعىداي قىزمەت وتەيدى. وسى نەگىزدە ياڭجوۋ قالاسى كۇنەس اۋدانىنىڭ ءىس جۇزىندىك قاجەتىنە نەگىزدەلە وتىرىپ باعىتتامالى تۇردە كۇنەس حالقىنا كوپتەگەن ناقتى ىستەر ىستەپ بەرىپ، كۇنەس حالقىنا دەگەن قىزۋ سۇيىسپەنشىلىگىن ايگىلەپ، ياڭجوۋ قالاسىنىڭ شينجياڭعا باعىتتامالى كومەك بەرۋ قىزمەتىندە جياڭسۋ ولكەسى بويىنشا الدىڭعى لەكتە جۇرۋىنە كەپىلدىك ەتەدى.
حۋاڭ سانپيڭ ياڭجوۋ قالاسىنىڭ ۇزاق جىلداردان بەرى ىلە وبلىسى مەن كۇنەس اۋدانىنا باعىتتامالى كومەك بەرىپ كەلە جاتقانىنا ايرىقشا العىس ايتتى جانە ىلە وبلىسىنىڭ ەكونوميكاسى مەن قوعامىنىڭ دامۋ جاعدايىن قىسقاشا تانىستىردى. ول بىلاي دەدى: بۇل رەت ياڭجوۋعا كەلۋىمىز ءبىر رەتكى تۋىسشىلاۋ ساپارى، ياڭجوۋعا كەلگەنىمىزدە بەينە ءوز ۇيىمىزگە كەلگەندەي بولدىق، ىلە وبلىسىنداعى كادر -بۇقارا مەن ياڭجوۋ حالقى قويۋ دوستىق ورناتتى؛ بۇل ءبىر رەتكى العىس ايتۋ ساپارى، جياڭسۋ ولكەسىنىڭ، ياڭجوۋ قالاسىنىڭ ۇزاق ۋاقىتتان بەرى ىلە وبلىسى مەن كۇنەس اۋدانىنا دەگەن قالتقىسىز كومەگىنە ايرىقشا العىسىمىزدى ايتامىز؛ بۇل ءبىر رەتكى ۇيرەنۋ ساپارى، ءبىز جياڭسۋ ولكەسى مەن ياڭجوۋ قالاسىنىڭ ەكونوميكاسى مەن قوعامىنىڭ دامۋىنداعى تاماشا تاجىريبەلەر مەن ادىستەردى ۇيرەندىك؛ بۇل ءبىر رەتكى ىستەستىكتى تەرەڭدەتۋ ساپارى، ىلە وبلىسى ياڭجوۋ قالاسىمەن ەكونوميكا، كاسىپ، مادەنيەت جاقتارىندا جان -جاقتى ىستەستىك ورناتىپ، ىلە وبلىسىنىڭ ەكونوميكاسى مەن قوعامىنىڭ دامۋىن اناعۇرلىم ىلگەرىلەتىپ، شەكارا رايونداعى حالىقتى باقىتتى دا تاماشا تۇرمىستان ورتاق يگىلىكتەندىرۋگە قۇلشىنادى.
وبلىس باسشىلارىنان يۇي چيڭشان، تيان حۇڭ، جاۋ تيانجيە، ۋ فىڭجۇن جانە ىلە وبلىسىنىڭ پارتيا -ۇكىمەت ۋاكىلدەر ۇيىرمەسىنىڭ بارلىق مۇشەلەرى، جياڭسۋ ولكەلىك دامۋ-رەفورما كوميتەتىنىڭ مەڭگەرۋشىسى جاۋ جىميڭ، ياڭجوۋ قالاسىنىڭ باستىعى جۋ مينياڭ، ياڭجوۋ قالالىق ساياسي كەڭەستىڭ ءتوراعاسى حۇڭ جينحۋا، ياڭجوۋ قالالىق پارتكومنىڭ تۇراقتى مۇشەسى، باس حاتشى چىن ياڭ، ياڭجوۋ قالالىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جاڭ باۋجۋان، قالالىق ۇكىمەتتىڭ باس حاتشىسى لي جۇڭشىڭ قاتارلىلار قاتىستى قيمىلدارعا قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
