- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىستىق وقۋ _ اعارتۋ سالاسىنىڭ ۇلتتار ىنتىماعى العاباسارلىعى جىلىن ىلگەرىلەتۋ ماجىلىسىندە بىلاي دەپ اتاپ كورسەتىلدى: ۇلتتار ىنتىماعى تاربيەسىن مەكتەپ، قوعام، وتباسى تاربيەسىنىڭ جالپى بارىسىنا ءسىڭىرۋ كەرەك
2016.06.02 12:38
ءتىلشىمىز حۋاڭ جيڭ حابارلايدى. مامىردىڭ 27 _ كۇنى وبلىستىق 1 - ورتا مەكتەپتىڭ گيمناستيكا الاڭىندا وقۋشىلار رەتتى ساپ تۇزەپ، راديو اۋەنىمەن تايجي دەنەتاربيەسىن ويناپ، وعان ۇلاستىرا ءماشىراپ ءبيىن، ارتىنان قارا جورعا ءبيىن بيلەدى، بۇل __ وسى مەكتەپتىڭ ۇلت مادەنيەتى ساباعى ارالىعىنداعى گيمناستيكا كورىنىسى ەدى. سول كۇنى وبلىستىق وقۋ - اعارتۋ سالاسى «زەيىن - قۋاتتى شوعىرلاندىرىپ، ىنتىماقتاسا جاراسىمدىلىقتى جەبەيىك» اتىنداعى ۇلتتار ىنتىماعى العاباسارلىعى جىلىن ىلگەرىلەتۋ ءماجىلىسىن اشتى، 8 اۋدان، 3 قالانىڭ وقۋ _ اعارتۋ سالاسىنان، ۇلت ىستەرى كوميتەتىنەن كەلگەن قاتىستى قىزمەتكەرلەر وسى مەكتەپتىڭ ۇلتتار ىنتىماعى جەلىلەس قيمىلدارىن ناق مايداندا كوزدەن كەشىردى.
وبلىستىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ءابدۇسالام سادىق ماجىلىسكە قاتىناستى ءارى تۇتاس وبلىسىمىزدىڭ وقۋ _ اعارتۋ جۇيەسىنىڭ ۇلتتار ىنتىماعى قىزمەتى جونىندە تالابىن العا قويدى.
ماجىلىستە بىلاي دەپ اتاپ كورسەتىلدى: وقۋ - اعارتۋ سالاسىنىڭ ۇلتتار ىنتىماعى العاباسارلىعى قىزمەتى __ وقۋ _ اعارتۋ ينجەنەرياسىنىڭ ماڭىزدى قۇرامداس ءبولىمى، وبلىسقا توتە قاراستى ورىنداردا قازىر مەكتەپتە وقىپ جاتقان 500 مىڭنان استام ءار ۇلت وقۋشىسى بار، وقۋ _ اعارتۋ قىزمەتكەرى 50 مىڭعا جۋىق، جالپى جان سانىنىڭ التىدان ءبىرىن يەلەيتىن بۇل قوسىن ۇلتتار ىنتىماعىن ىلگەرىلەتەتىن ماڭىزدى كۇش. اۋداندار، قالالار، مەكتەپتەر وسكەلەڭ تاريحي جاۋاپكەرلىك تانىمىمەن جانە ساياسي بورىشتىلىق تانىمىمەن جاس وسپىرىمدەردى باۋلۋ سىندى وسى نەگىزدى ويداعىداي يگەرىپ، ۇلتتار ىنتىماعى تاربيەسىن مەكتەپ، قوعام، وتباسى تاربيەسىنىڭ جالپى بارىسىنا ءسىڭىرىپ، ۇلتتار ىنتىماعى العاباسارلىعىن امالياتتىق قيمىلدارمەن توعىستىرۋ كەرەك.
ماجىلىستە مىناۋ تالاپ ەتىلدى: تۇتاس وبلىستاعى وقۋ _ اعارتۋ سالاسى اۆتونوميالى رايوننىڭ، اۆتونوميالى وبلىستىق پارتكومنىڭ ۇلتتار ىنتىماعى العاباسارلىعى جىلى قىزمەتىنە قاتىستى جاڭا يدەيا، تانىم، شارالارىن مۇقيات ۇيرەنىپ، ىشكەرىلەي تياناقتاندىرىپ، ۇتىمدى ادىستەر مەن تارتىمدى تاجىريبەلەردى ويداعىداي قورىتىندىلاپ، الداعى باسقىشتاعى قىزمەت مىندەتىن زەرتتەپ ورنالاستىرىپ، وقۋ _ اعارتۋ سالاسىنىڭ ۇلتتار ىنتىماعى العاباسارلىعى جىلىنىڭ ءتۇرلى قىزمەتىن شىنايى تياناقتاندىرۋعا كەپىلدىك ەتىپ، ناقتى ونىمدىلىك جاراتۋ كەرەك.
بيىل جىل باسىنان بەرى وبلىسقا توتە قاراستى ورىندارداعى مەكتەپتەر ۇلتتار ىنتىماعىندا ۇلگى ورىن قۇرۋدىڭ «كلەتكا ينجەنەرياسىن ۇزدىكسىز ىشكەرىلەي ورىستەتىپ، ۇلتتار ىنتىماعىن ورىندارعا، كەڭسەلەرگە، وقىتۋدى زەرتتەۋ گرۋپپالارىنا، كلاستارعا، اسحانالارعا، وقۋشىلار جاتاعىنا، وتباسىلارعا جەتكىزۋدى ءتۇيىندى تۇردە ويداعىداي يگەرىپ، وقىتۋمەن بىرگە جۇرگىزۋ، جاتاقتاعىلارمەن بىرگە ويلاسۋ، ءان _ بيمەن بىرگە ساحناعا الىپ شىعۋ سىندى «12 ءتۇرلى بىرگە» ورىستەتۋ شاراسىن ۇزدىكسىز كەمەلدەندىرىپ، قول ۇستاسا سەرىكتەسۋ ارقىلى ءار ۇلت وقىتۋشى - وقۋشىلارىنىڭ ۇلتتار ىنتىماعى تانىمىن كۇشەيتتى. ۇلتتار ىنتىماعى ءان _ ءبي جارىسى، زەيىن سىناۋ جارىسى، «ۇشقارىلىقتى الاستاۋ» مازمۇنىنداعى اسەمونەر تۋىندىلارى كورمەسى سياقتى باي مازمۇندى، الۋان فورماداعى قيمىلداردى ورىستەتۋ ارقىلى ءار ۇلت وقىتۋشى _ وقۋشىلارىنىڭ قارىم _ قاتىناسىن، اۋىس _ كۇيىسىن، توعىسۋىن كۇشەيتىپ، مەكتەپتەردەگى وقىتۋشى _ وقۋشىلاردىڭ ۇلتتار ىنتىماعىنىڭ ماڭىزدىلىعى جونىندەگى تانىمىن تەرەڭدەتىپ، بارلىق ادام ۇلتتار ىنتىماعى العاباسارلىعى جىلى قيمىلىنا اتسالىساتىن، مەكتەپتەردەگى ۇلتتار تىعىز ىنتىماقتاساتىن تاماشا اۋقىم قالىپتاستىردى.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
