- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حۋاڭ سانپيڭ باۋتا مۇناي – حيميا توبى القالار مەكەمەسىنىڭ ءتوراعاسى قوسىمشا باس مەڭگەرۋشىسى سۇن حىڭچاۋمەن كەزدەسكەندە مىنانى ءۇمىت ەتتى: كۇيشان باۋتا مۇناي – حيميا نىسانىن ءتاڭىر تاۋىنىڭ تەرىستىك بوكتەرى ەكونوميكالىق بەلدەۋىندەگى ۇلگى نىسان ەتىپ قۇرۋ ءۇشىن قۇلشىنايىق
2016.06.02 12:39
ءتىلشىمىز لي شين – ان حابارلايدى. مامىردىڭ 31 – كۇنى تۇستەن كەيىن وبلىستىق پارتكومنىڭ شۋجيى حۋاڭ سانپيڭ ىلە قوناق سارايىندا باۋتا مۇناي – حيميا توبى القالار مەكەمەسنىڭ ءتوراعاسى قوسىمشا باس مەڭگەرۋشىسى سۇن حىڭچاۋ قاتارلىلارمەن اڭگىمە ءماجىلىسىن وتكىزدى، ەكى جاق شينجياڭ كۇيشان باۋتا مۇناي – حيميا شەكتى سەرىكتىگىنىڭ نىسانى قۇرىلىسىن جەدەلدەتۋ جونىندە پىكىر اۋىستىردى.
حۋاڭ سانپيڭ الدىمەن سۇن حىڭچاۋ قاتارلىلاردىڭ ىلەگە كەلگەنىن قارسى الاتىندىعىن ءبىلدىردى. ول بىلاي دەدى: شينجياڭ كۇيشان مۇناي – حيميا شەكتى سەرىكتىگىنىڭ قۇرىلىس نىسانى __ اۆتونوميالى وبلىستىڭ ءىرى نىسانى، بۇعان اۆتونوميالى وبلىس ايرىقشا ءمان بەرىپ، نىسان قۇرىلىسىنا كوڭىل بولۋدە. نىسان قۇرىلىسى جۇمىس باستاعاننان بەرى ەكونوميكانىڭ تومەندەۋ قىسىمىنا توتەپ بەرىپ، ايتارلىقتاي ىلگەرىلەۋشىلىكتەرگە قول جەتكىزدى. كەزەكتە اۆتونوميالى وبلىس «كۇن، اي، جۇلدىز، مەرۋەرت» دارەجەلى كاسىپورىنداردى جەتىلدىرۋ ينجەنەرياسىن ورىستەتۋ ءۇشىن شينجياڭ كۇيشان باۋتا سەرىكتىگى سىندى ءىرى نىساندار ارقىلى تۇتاس وبلىستىڭ جاڭاشا ونەركاسىپتەندىرۋ، دامىتۋ ىستەرىنە قولداۋ كورسەتۋ كەرەك.
سۇن حىڭچاۋ بىلاي دەدى: شينجياڭ كۇيشان باۋتا مۇناي – حيميا شەكتى سەرىكتىگىنىڭ قۇرىلىس نىسانى 2011 – جىلى جۇمىس باستاعاننان بەرى مەملەكەتتىڭ، اۆتونوميالى رايوننىڭ، اۆتونوميالى وبلىستىڭ زور كۇشپەن قولداپ – قۋاتتاۋىنا يە بولىپ، نىسان قۇرىلىسى ءتارتىپتى ىلگەرىلەۋدە. كەزەكتە ەنەرگيا كاسىبىنىڭ ابزالدىعى بىرتىندەپ كورنەكتىلەنۋدە، سەرىكتىك تە نىسان قۇرىلىسىن جەدەل ىلگەرىلەتۋدەن جازباي، نىساننىڭ ەرتەرەك پايدالانۋعا بەرىلۋىنە كەپىلدىك ەتپەكشى.
حۋاڭ سانپيڭ بىلاي دەدى: كەزەكتە سەرىكتىك «سەرپىندى ارتتىرۋ، جەدەل ىلگەرىلەتۋ، بەلسەنە سايكەسۋ، ءونىمدى جۇرگىزۋ» پرينسيبى بويىنشا نىسان قۇرىلىسىن جەدەلدەتۋى؛ اۆتونوميالى رايوننىڭ قاتىستى تاراۋلارىمەن بەلسەنە سايكەسىپ، مەملەكەتتىڭ، اۆتونوميالى رايوننىڭ قولداپ – قۋاتتاۋىنا قول جەتكىزۋى قاجەت. اۆتونوميالى وبلىس تا اۆتونوميالى رايوننىڭ ەكونوميكانى دامىتۋدى جەبەۋ جونىندەگى تالاپتارىن بەلسەنە تياناقتاندىرىپ، قول ۇستاسا سايكەسۋدەن اۋىتقىماي، نىسان قۇرىلىسىن جەدەل ىلگەرىلەتەدى. نىساندى جوسپارداعى كولەمگە ەرتەرەك جەتكىزۋدى، ونىمدىلىك جاراتۋدى، كۇيتۇن قالاسىنىڭ، اۆتونوميالى وبلىستىڭ ەكونوميكاسىنىڭ دامۋى ءۇشىن قىزمەت وتەپ، تاڭىرتاۋىنىڭ تەرىستىك بوكتەرى ەكونوميكالىق بەلدەۋىندەگى ۇلگىلى نىسانعا اينالدىرۋدى ءۇمىت ەتەمىز.
ەكى جاق شينجياڭ كۇيشان باۋتا مۇناي – حيميا شەكتى سەرىكتىگىنىڭ نىسانى قۇرىلىسىنداعى كەيبىر ناقتى ماسەلەلەر جونىندە ىشكەرىلەي پىكىر اۋىستىرىپ، ورتاق تانىمعا كەلدى.
وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىق ساياسي كەڭەستىڭ ورىنباسار ءتوراعاسى، قازىنا مەكەمەسى پارتگرۋپپاسىنىڭ شۋجيى لي شينجۇن جانە اۆتونوميالى وبلىستاعى قاتىستى تاراۋلاردىڭ جاۋاپتىلارى سۇن حىڭچاۋعا ەرە كەلگەندەرمەن بىرگە اڭگىمە ماجىلىسىنە قاتىناستى.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
