- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇرماش سىرجان ۇلى سۋجوۋ قالاسىنىڭ پارتيا، ۇكىمەت ۋاكىلدەر ۇيىرمەسىندەگىلەرمەن كەزدەستى
قارىم – قاتىناستى، سەلبەستىكتى كۇشەيتىپ، عىلمي دامۋدى جەبەيىك
2016.07.20 13:40
اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى شىلدەنىڭ 17–كۇنى ىلە قوناق سارايىندا جياڭسۋ ولكەسى سۋجوۋ قالالىق پارتكومنىڭ شۋجيى جوۋ نايشاڭ باستاعان سۋجوۋ قالاسىنىڭ پارتيا، ۇكىمەت ۋاكىلدەر ۇيىرمەسىندەگىلەرمەن كەزدەستى. وبلىس باسشىلارىنان ءانۋار ابدۇشكۇر، تيان حۇڭ، جاۋ تيانجيە قاتارلىلار كەزدەسۋدە بىرگە بولدى.
ۇعىسۋىمىزشا، باس شۋجي شي جينپيڭنىڭ ورتالىقتىڭ 2–رەتكى شينجياڭ قىزمەتى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن دايەكتى تياناقتاندىرىپ، سۋجوۋدىڭ جاڭا كەزەكتى شينجياڭعا كومەك بەرۋ قىزمەتىن شىنايى ويداعىداي ىستەۋ ءۇشىن سۋجوۋ قالاسىنىڭ پارتيا، ۇكىمەت ۋاكىلدەر ۇيىرمەسى شىلدەنىڭ 16–كۇنىنەن 18–كۇنىنە دەيىن ىلەدە تەكسەرۋ–زەرتتەۋ جۇرگىزىپتى.
كەزدەسۋدە قۇرماش سىرجان ۇلى الىستان كەلگەن سۋجوۋ قالاسىنىڭ پارتيا، ۇكىمەت ۋاكىلدەر ۇيىرمەسىندەگىلەردى قىزۋ قارسى الاتىندىعىن، سۋجوۋ قالالىق پارتكوم مەن ۇكىمەتتىڭ جانە سۋجوۋ حالقىنىڭ ۇزاقتان بەرى ىلەگە كوڭىل ءبولىپ، قولداعاندىعىنا شىنايى العىس ايتاتىندىعىن ءبىلدىردى.
قۇرماش سىرجان ۇلى بىلاي دەپ تانىستىردى: «شەكارا وڭىردەگى ىرىستى مەكەن» دەگەن ادەمى اتى بار، تاريحتا «تۇلپار مەكەنى» دەپ اتالعان. ىلەنىڭ جەرى كەڭ، سۋ، توپىراق، جارىق، جىلۋ بايلىعى جەتكىلىكتى، اۋىل شارۋاشىلىق قوسالقى ونىمدەرى مول، ساياحات بايلىعى وزگەشە، دامۋ شارت–جاعدايى ابزال. 2015–جىلى وبلىسقا توتە قاراستى ورىنداردىڭ ءوندىرىس جالپى قۇنى 80 ميلليارد 600 ميلليون يۋانعا جەتىپ، ۇقساس مەزگىلدەگىدەن %75 ارتقان.
قۇرماش سىرجان ۇلى بىلاي دەدى: ورتالىقتىڭ شينجياڭ قىزمەتى اڭگىمە ءماجىلىسى اشىلعاننان بەرى جياڭسۋ ولكەلىك پارتكوم مەن ۇكىمەت شينجياڭعا شىنايى، عىلمي، ءۇرتىس كومەك بەرىپ، مۇقيات ۇيىمداستىرىپ، جان–جاقتى ورنالاستىرىپ، كاسىپ، دارىندى، وقۋ–اعارتۋ، مادەنيەت، دەنساۋلىق ساقتاۋ جاقتارىنان ىلەگە دەم بەرىپ، قوزعاۋشى كۇش باعىشتادى.
ىلە مەن سۋجوۋدىڭ ارالىعى شالعاي بولعانىمەن، ۇزاق ۋاقىتتان بەرى اسا تىعىز قاتىناس ورتانىپ كەلەدى، ەكونوميكا، قوعام، مادەنيەت جاقتارىنداعى قارىم–قاتىناسى ۇزدىكسىز تەرەڭدەپ، ەكى جەر حالقىنىڭ بايلانىس اياسى كەڭەيىپ، بارىس–كەلىسى جيىلەپ، قويۋ دوستىق ورنادى. ىلەنىڭ رەفورماسى مەن دامۋى جياڭسۋداعى جەر–جەردىڭ كوڭىل ءبولۋى مەن قولداۋىنان ايىرىلا المايدى. سۋجوۋ قالاسىنىڭ پارتيا، ۇكىمەت ۋاكىلدەر ۇيىرمەسىنىڭ وسى رەتكى ىلەگە ساپارى ىلە مەن سۋجوۋدىڭ قارىم–قاتىناسى مەن سەلبەستىگى ءۇشىن شارت–جاعداي جاراتتى. سۋجوۋ _ ەكونوميكادا قۋاتتى قالا، جياڭسۋ ولكەسىنىڭ اشۋ رايونى قۇرىلىسىندا تاجىريبەگە ەڭ باي رايون ءارى چاڭجياڭ اتىراۋىنداعى جاڭالىق اشا دامۋ بويىنشا الدىڭعى ورىنداعى رايون. ىلەنىڭ ەكونوميكاسىنىڭ دامۋى ەندى عانا باستالدى. تاعى كوپتەگەن جاقتان سۋجوۋ قالاسىنان ۇيرەنۋگە تۋرا كەلەدى. سۋجوۋ قالاسىنىڭ پارتيا، ۇكىمەت ۋاكىلدەر ۇيىرمەسىندەگىلەردىڭ ىلەنى كوبىرەك ارالاپ، كوبىرەك كوزايىم بولىپ، ىلەگە كوبىرەك تاجىريبە جەتكىزىپ، ىلەنىڭ دامۋى ءۇشىن كوپتەپ قۇندى پىكىر بەرۋىن ءۇمىت ەتەمىن. سونىمەن بىرگە، سۋجوۋداعى ءار سالا قايراتكەرلەرىنىڭ ىلەگە كەلىپ ساياحاتتاپ، نىسانداردى اقىلداسىپ، قارجى قوسىپ كاسىپ اشىپ، ەكى جەردىڭ قارىم–قاتىناسى مەن سەلبەستىگىن بىرگە جەبەپ، ەكى جەردىڭ عىلمي دامۋى ءۇشىن تىڭ داستان جازۋىن قارسى الامىز.
جوۋ نايشياڭ بىلاي دەدى: وسى رەت ىلەگە كەلۋدەگى باستى ماقساتىمىز _ سۋجوۋ قالاسىنىڭ باعىتتامالى كومەك بەرۋ قىزمەتىنىڭ ىلگەرىلەۋ جاعدايىن ىشكەرىلەي يەلەپ، ىلە وبلىسىنداعى ءار دارەجەلى باسشى كادرلاردىڭ سۋجوۋ قالاسىنىڭ شينجياڭعا كومەك بەرۋ قىزمەتى جونىندەگى ويىن، تالابىن جانە ۇسىنىسىن تىڭداۋ. ول بىلاي دەدى: سۋجوۋ قالاسى شينجياڭعا كومەك بەرۋ قىزمەتىنە وسكەلەڭ ءمان بەرۋدە، شينجياڭعا كومەك بەرۋ قىزمەتى سۋجوۋلىقتاردىڭ ۇلەسىندەگى ءىس، شينجياڭعا كومەك بەرۋ قىزمەتى سۋجوۋ مەن ىلەنىڭ قويۋ سۇيىسپەنشىلىگىن قالىپتاستىردى، شينجياڭعا كومەك بەرۋ قىزمەتى كومەككە كەلگەن كادرلارعا شىنىعۋ ورايىن جاراتىپ قالماستان، اسىرەسە، سۋجوۋ قالاسىنىڭ «ءبىر بەلدەۋ، ءبىر جول» قۇرىلىسىنا اتسالىسۋ ورايىن دا جاراتىپ وتىر. بۇل سۋجوۋ جونىنەن تاسىلدە بۇرىلىس جاساپ، دامۋ ورەسىن جوعارىلاتۋ ورايى ەسەپتەلەدى.
جوۋ نايشياڭ بىلاي دەدى: ىلەنىڭ وزگەرىسى وتە تەز ەكەن. تەكسەرۋ–زەرتتەۋ ارقىلى قورعاس قالاسىندا زور وزگەرىس بولعاندىعىن، وتكەل قالاسىنىڭ ايباتتانا بوي كوتەرگەندىگىن؛ قۇلجا قالاسىنىڭ قالا باسقارۋىندا كوپ جاڭالىقتىڭ بار ەكەنىن، جەرگىلىكتى ەرەكشەلىگى مەن بەت–بەينەسىندە كورنەكتى وزگەرىس بولعاندىعىن، ۇيرەنۋىمىزگە تاتيتىندىعىن سەزدىك. وسى رەت شينجياڭعا كومەك بەرۋ قىزمەتىنىڭ مول جەمىس سيلاعانىن، شينجياڭعا كومەك رەتىندە سالىنعان قۇرىلىستاردان سىرت، ىلە وبلىسىنداعى جوعارى–تومەننىڭ شينجياڭعا كومەك بەرۋ قىزمەتىن قولداعانىن ءارى وعان كوڭىل بولگەنىن تەرەڭ سەزىندىك. بۇدان كەيىن سۋجوۋ قالاسىنىڭ كومەكتەسىپ سالاتىن قۇرىلىس قىزمەتىن ۇزدىكسىز تەرەڭدەتۋدە حالىق تۇرمىسىن جاقسارتۋ جاعىندا كوپتەگەن ونىمدىلىك جاراتۋدى توڭىرەكتەپ، ءتىپتى دە زور تەبىن، شىنايى شارا ارقىلى كومەك قابىلداۋشى ورىننىڭ حالىق تۇرمىسىن جاقسارتۋ قىزمەتىن جەبەيمىز. سونىمەن بىرگە، كاسىپتەردى جەتىلدىرۋ جاعىندا ونىمدىلىكتى كورنەكتىلەندىرەمىز؛ ساياحات جاعىندا سۋجوۋ قالاسى «ينتەرنەت+» ابزالدىعىنان پايدالانىپ، سۋجوۋداعى ساياحاتشىلاردى ىلەدە ساياحاتتاۋعا تانىستىرادى.
كەزدەسۋدەن كەيىن سۋجوۋ قالاسى ىلە وبلىسىنا حالىق تۇرمىسىنا ساياتىن ناقتى نىسان ارناۋلى قاراجاتىنان 5 ميلليون يۋان تارتۋ ەتتى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
