- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ ۇگىت - لەكسيا ۇيىرمەسى ىلە قازاق اۆتونوميالى وبلىسىندا، قاشقار ايماعىندا، بۇراتالا موڭعۇل اۆتونوميالى وبلىسىندا، قۇمىل قالاسىندا ەكى ءماجىلىس رۋحىن ۇگىتتەدى
2016.11.21 08:58 كەلۋ قاينارى : ءتاڭىرتاۋ تورابى
ءتۇرلى قىزمەتتى تىڭعىلىقتى، ءونىمدى تۇردە ىلگەرىلەتۋگە «التىن كىلت» ازىرلەدى
16 - قاراشادا اۆتونوميالى رايوننىڭ «پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ جانە ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، ۇگىتتەۋ» جونىندەگى ۇلگى كورسەتۋ ۇگىت - لەكسيا ۇيىرمەسىنىڭ مۇشەلەرى جەكە - جەكە ىلە قازاق اۆتونوميالى وبلىسىندا، قاشقار ايماعىندا، بۇراتالا موڭعۇل اۆتونوميالى وبلىسىندا، قۇمىل قالاسىندا حانزۋ، ۇيعۇر، قازاق تىلدەرىندە ۇگىت بايانداماسىن جاسادى. جوعارىدا اتالعان وبلىس، ايماق، قالالاردىڭ باسشىلارى، سونداي - اق ورگان كادرلارى، كاسىپورىن، ءىسورىندارىنداعى جۇمىسشى - قىزمەتكەرلەر، جوعارى مەكتەپ وقىتۋشى - وقۋشىلارىنىڭ ۋاكىلدەرى، تىرەكتى ۇگىتشىلەر باياندامانى تىڭدادى.
شينجياڭ قوعامدىق عىلىمدار اكادەمياسىنىڭ باستىعى گاۋ جيانلۇڭ، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى جەلەل ناسىر، شينجياڭ حالىق باسپاسى باس باسپاسىنىڭ ورىنباسار باس رەداكتورى ءشارىپقان ءابدالي ۇلى جەكە - جەكە حانزۋ، ۇيعۇر، قازاق تىلدەرىندە قۇلجا قالاسىندا ءبىر مەزگىلدە لەكسيا جاسادى؛ اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى مۇشەسى ءادىل ءالي، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى، شينجياڭ اكىمشىلىك ينستيتۋتىنىڭ ورىنباسار باستىعى ديڭ شوۋچيڭ جەكە - جەكە ۇيعۇر، حانزۋ تىلدەرىندە قاشقار قالاسىندا نەگىزگى تاقىرىپتا لەكسيا جاسادى؛ اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى حى پيڭ، اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار ءتوراعاسى ابدىرەيىم حالىق جەكە - جەكە حانزۋ جانە ۇيعۇر تىلدەرىندە قۇمىل قالاسىنىڭ يجوۋ رايونىندا لەكسيا جاسادى، شينجياڭ پەداگوگيكالىق ۋنيۆەرسيتەتىنىڭ باستىعى ءۋالي بارات، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى قىزىركەلدى ءابدىراحمان ۇلى جەكە - جەكە حانزۋ جانە قازاق تىلدەرىندە باركول قازاق اۆتونوميالى اۋدانىندا لەكسيا جاسادى؛ اۆتونوميالى رايوندىق پارتكوم ساياسات زەرتتەۋ كەڭسەسىنىڭ ورىنباسار مەڭگەرۋشىسى حى گوچيڭ بۇراتالا قالاسىندا حانزۋ تىلىندە لەكسيا جاسادى.
ۇگىت - لەكسيا ۇيىرمەلەرىنىڭ مۇشەلەرى پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن تەرەڭ ءتۇسىنۋ، ج ك پ اۆتونوميالى رايوندىق 9 - قۇرىلتايىنىڭ رۋحىن ءداپ باسىپ يگەرۋ، سونداي - اق ەكى ءماجىلىس رۋحىن قالاي ۇيرەنۋ، ۇگىتتەۋ سىندى 3 بولىك بويىنشا ەكى ءماجىلىس رۋحىن جۇيەلى پايىمدادى جانە ىشكەرىلەي ءتۇسىندىردى. لەكسيا جان - جاقتى، جۇيەلى دايىندالىپ، تاقىرىبى ايقىن، نازاريالىلىعى، باعىتتامالىلىعى، امالياتتىلىعى اسا كۇشتى، نازاريالىق جاقتا تەرەڭدىك، اماليات جاعىندا جوعارى ورەگە يە بولىپ، ءار ۇلت كادرلارى مەن بۇقاراسىنىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ جانە ج ك پ اۆتونوميالى رايوندىق 9 - قۇرىلتايىنىڭ رۋحىن ىشكەرىلەي جۇيەلى ءتۇسىنىپ، ءتۇرلى قىزمەتتى تىڭعىلىقتى، ءونىمدى تۇردە ىلگەرىلەتۋگە «التىن كىلت ازىرلەدى».ۇگىت - لەكسيا بايانداماسى ءار ۇلت كادرلارى مەن بۇقاراسى اراسىندا كۇشتى اڭىس تۋدىردى. «باياندامانى تىڭداپ، ءماجىلىس رۋحىن ونان ارى ءتۇسىندىم»، - دەدى ىلە وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى رازيا ابىلەز. ول بىلاي دەدى: ءماجىلىس رۋحىن ويداعىداي ۇيرەنىپ، ءتۇسىنىپ، يگەرىپ، ءماجىلىس رۋحىن ۇيرەنۋدى ءىس جۇزىندىك قىزمەتپەن ۇشتاستىرىپ، ۇيتقى تانىمىن، ساپ تۇزەۋ تانىمىن مىقتاپ ورناتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ءوز ۇلەسىمىزدى قوسۋىمىز كەرەك.
قاشقار قازىنا - ساۋدا مەكتەبىنىڭ باستىعى مامەتساۋىت اسەن بىلاي دەدى: باياندامانى تىڭداپ، پارتيانى جاپپاي، قاتاڭ جونگە سالۋدىڭ كەلەلى ماڭىزىن اناعۇرلىم ايقىنداي ءتۇستىم، مەكتەپتە ەكى ءماجىلىس رۋحىن ۇيرەنۋدىڭ، دايەكتىلەندىرۋدىڭ ورلەۋىن كوتەرۋىمىز كەرەك.
قۇمىل قالاسى يجوۋ رايونى شيحى رايونى ءمالىسى لاۋچىڭ الەۋمەتتىك اۋماعى پارتيا ياچەيكاسىنىڭ شۋجيى ۋ چىڭگۇڭ بىلاي دەدى: باياندامانى تىڭداپ، پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ جانە ج ك پ اۆتونوميالى رايوندىق 9 - قۇرىلتايىنىڭ رۋحىن ىشكەرىلەي ءتۇسىندىم. نەگىزگى ساتى پارتيا قىزمەتكەرى رەتىندە، ەكى ءماجىلىس رۋحىن الەۋمەتتىك اۋماقتاعى بارلىق تۇرعىنعا جەتكىزەمىن.
بۇراتالا قالاسىنىڭ جەرگىلىكتى ۇگىتشىسى فۋ جينجياڭ: مۇنىڭ الدىندا پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ جانە ج ك پ اۆتونوميالى رايوندىق 9 - قۇرىلتايىنىڭ رۋحىن وزدىگىمنەن ۇيرەنگەن ەدىم، حى گوچيڭ مۇعالىمنىڭ لەكسياسىن تىڭداعان سوڭ، ءماجىلىس رۋحى جونىندەگى تۇسىنىگىم ونان ارى تەرەڭدەدى، الداعى ۋاقىتتاعى ۇگىت - لەكسيا بارىسىندا ءتىپتى يكەمدى تاسىلدەردى قولدانىپ، بۇقارا وڭاي قابىلدايتىن جولدارمەن ءار ۇلت بۇقاراسىنا ەكى ءماجىلىس رۋحىن بەتپە - بەت ۇگىتتەيمىن، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
