جۇڭگولىقتاردىڭ ورتاشا مەجەلى عۇمىرى 77.3 جاسقا جەتتى
2020.06.08 16:20 كەلۋ قاينارى : حالىق تورابى
«حالىق گازەتى»، 6 - ايدىڭ 7 - كۇنى، بەيجيڭ (ءتىلشى شيۇڭ جيان). مەملەكەتتىك دەنساۋلىق ساقتاۋ، سالاماتتىق كوميتەتى 6 – ايدىڭ 6 - كۇنى «2019 – جىلعى ەلىمىزدىڭ دەنساۋلىق ساقتاۋ، سالاماتتىق ىستەرىنىڭ دامۋى جونىندەگى ساناق مازمۇنداماسىن» جاريالادى. «مازمۇندامادا» كورسەتىلۋىنشە، جۇڭگو تۇرعىندارىنىڭ ورتاشا مەجەلى عۇمىرى 2018 – جىلعى 77.0 جاستان 2019 – جىلى 77.3 جاسقا جوعارىلاعان، جۇكتى ايەلدەردىڭ قازا بولۋ شاماسى 100 مىڭدا 18.3 تەن 100 مىڭدا 17.8 گە تومەندەگەن، نارەستەلەردىڭ قازا بولۋ شاماسى ‰6.1 تەن ‰5.6 كە تومەندەگەن.
«مازمۇندامادا» كورسەتىلۋىنشە، 2019 – جىلدىڭ سوڭىندا بۇكىل ەل بويىنشا ەمدەۋ – دەنساۋلىق ساقتاۋ قۇرىلىمدارىنىڭ جالپى سانى ءبىر ميلليون 7 مىڭ 545 كە جەتكەن. الدىنداعى جىلداعىمەن سالىستىرعاندا، ءبىر مىڭ 345 شيپاحانا، 10 مىڭ 751 نەگىزگى ساتى ەمدەۋ، دەنساۋلىق ساقتاۋ قۇرىلىمى كوبەيگەن. مەملەكەت بويىنشا ەمدەۋ، دەنساۋلىق ساقتاۋ قۇرىلىمدارىنىڭ توسەگى 8 ميلليون 807 مىڭ بولعان. ءار مىڭ ادامعا تۋرا كەلەتىن ەمدەۋ، دەنساۋلىق ساقتاۋ قۇرىلىمىنىڭ توسەگى 2018 - جىلعى 6.03 تەن 2019 - جىلعى 6.30 عا كوبەيگەن. «مازمۇندامادا» مىنالار اتاپ كورسەتىلدى: 2019 - جىلدىڭ سوڭىندا مەملەكەت بويىنشا دەنساۋلىق ساقتاۋ قىزمەتكەرلەرىنىڭ جالپى سانى 12 ميلليون 928 مىڭ ادامعا جەتىپ، الدىنداعى جىلداعىدان 628 مىڭ ادام كوبەيىپ، %5.1 ارتتى. 2019 - جىلى ءار مىڭ ادامعا تۋرا كەلەتىن كاسىپتىك (كومەكشى) شيپاگەر 2.77 ادام، ءار مىڭ ادامعا تۋرا كەلەتىن تىركەلگەن سەسترا 3.18 ادام؛ ءار 10 مىڭ ادامعا تۋرا كەلەتىن امبەباپ شيپاگەر 2.61 ادام، ءار 10 مىڭ ادامعا تۋرا كەلەتىن كاسىپتىك الەۋمەتتىك دەنساۋلىق ساقتاۋ قۇرىلىمىنداعى قىزمەتكەرلەر 6.41 ادام بولدى.
«مازمۇندامادا» كورسەتىلۋىنشە، 2019 – جىلى مەملەكەت بويىنشا دەنساۋلىق ساقتاۋ جالپى قاراجاتى مەجەمەن 6 تريلليون 519 ميلليارد 590 ميلليون يۋانعا جەتكەن. مۇنىڭ ىشىندە ۇكىمەتتىڭ دەنساۋلىق ساقتاۋ شىعىسى ءبىر تريلليون 742 ميلليارد 850 ميلليون يۋان بولىپ، %26.7 ىن؛ قوعامدىق دەنساۋلىق ساقتاۋ شىعىسى 2 تريلليون 927 ميلليارد 800 ميلليون يۋان بولىپ، %44.9 ىن؛ جەكەلەردىڭ دەنساۋلىق ساقتاۋ شىعىسى ءبىر تريلليون 848 ميلليارد 950 ميلليون يۋان بولىپ، %28.4 ىن ۇستاعان. ادام باسىنا تۋرا كەلەتىن دەنساۋلىق ساقتاۋ جالپى قاراجاتى 4 مىڭ 656.7 يۋان بولىپ، دەنساۋلىق ساقتاۋ جالپى قاراجاتىنىڭ GDP دەگى سالىستىرماسى %6.6 بولعان. العاشقى ەسەپتەۋگە نەگىزدەلگەندە، 2019 – جىلعى دەنساۋلىق ساقتاۋ جالپى قاراجاتىنىڭ ىشىندە جەكەلەردىڭ دەنساۋلىق ساقتاۋ شىعىسى وتكەن جىلداعىدان 0.25 پايىز تومەندەگەن، دەنساۋلىق ساقتاۋ جالپى قاراجاتىنىڭ GDP دەگى سالىستىرماسى 2018 – جىلداعىدان 0.15 پايىز ارتقان. بۇدان سىرت، 2019 - جىلى مەملەكەتتىڭ نەگىزگى الەۋمەتتىك دەنساۋلىق ساقتاۋعا قىزمەت وتەۋ نىساندارىنىڭ ادام باسىنا تۋرا كەلەتىن نەگىزگى الەۋمەتتىك دەنساۋلىق ساقتاۋعا قىزمەت وتەۋگە قازىنادان بەرىلەتىن كومەك قاراجات ولشەمى 2018 - جىلعى 55 يۋاننان 69 يۋانعا كوتەرىلگەن.
ساناق ساندى مالىمەتىندە كورسەتىلۋىنشە، 2019 – جىلى اۋىل – قالاشىق شيپاحانالارى مەن الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعىنىڭ (پۋنكتى) امبالاتوريالىق قىزمەت وتەۋ مولشەرى 2 ميلليارد 30 ميلليون ادام – رەتكە جەتىپ، الدىنداعى جىلداعىدان 110 ميلليون ادام – رەت، ياعني %5.7 ارتىپ، مەملەكەت بويىنشا جالپى ەمدەۋ مولشەرىنىڭ ارتۋ ورەسىنەن (%4.1) جوعارى بولىپ، مەملەكەت بويىنشا امبالاتوريادا ەمدەلۋشىلەر جالپى مولشەرىنىڭ %23.3 ىن ۇستاعان، ۇستاعان سالىستىرماسى جىل سايىن جوعارىلاپ، 2019 – جىلى الدىنداعى جىلداعىدان 0.2 پايىز جوعارىلاعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
